Samling

20. april 2005 FM 2005/66&85

 

Utoqqaat illuinik sanaartornissamik massakkut pisariaqartitsineq tamatumanilu sanaartugassatut pilersaarutaasut pillugit ilungersortumik piviusorsiortumillu pilersaarusioqqullugit, aamma imigassamik ikiaroornartumillu atornerluisimallutik eqqarsartaatimikkut innarluuteqalersimasut najungaqarfissaannik immikkut ittunik sanaartornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. (Ruth Heilmann, Siumut)

Tarnimikkut ajuutillit paaqqutarineqartarfissaannik/utoqqarnut angerlarsimaffinnik pilersitsinissamut periarfissanik misissuinissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. (Astrid Fleischer Rex, Demokraatit)

Siullermeerneqarnera

 

Demokraatiniit Ruth Heilmann Astrid Fleischer Rex-illu inatsisartunut aalajagiiffigisassatut siunnersuutaat punkt 66 aamma punkt 85, iluarisimaarpavut.

 

Naluneqanngilaq uagut, kalaaliusugut, tamatigut inuiaqatigiinni utoqqartagut sissuerlugillu ataqqiuarsimagivu t. Kulturitsinnut tamanna ilaavoq. Utoqqartavut inuunissatsinnut aqqutissiuisimasut minnerunngitsumillu inuiaqatigiinni napatitsisimasut, eqqissimasumik toqqissisimanartumillu utoqqalinissamut pissutissaqarluarput.

 

Utoqqartavut ukioq aaliangersimasoq angugaangamikku ulluinnarni ikiorneqarnissartik pisariaqartillugu, periarfissaqarput utoqqaat illuannut pinissaminnut. Tassani periarfissaqarmat sulisunit ilisimasaqartunit ikiortinnissaminnik, taamaasillutillu ukiorpassuit sulereersimallutik toqqissisimanartumik inuunissaminnut.

 

Tamanna kalaaliusup utoqqaat illuanik takorluugaa, sulisunit susassaqartunit ilumoorunnaarsimasutut nalunaarutigineqarpoq.

 

Imingassap kingunerisaanik puiortalersimasunik, assersuutingalugu timiminnik aqutsinnaajunnaarsimasut malunnaatilimmik amerliartorput. Illoqarfiit ilaanni utoqqaat inissaannik atorfissaqartitsineq annertungaarmat pisariaqartitsisorujussuit taamaallaat isertarput.

Tarnimikkut ajoqutillit katsorsarfissamut innersuunneqarsinnaanngitsut ilaatingooriarluni utoqqaat illuannut inissinneqartarput tamatumalu malitsigisaanik utoqqaat naliginnaasumik ingerlasut, eqqissisimananngitsumik toqqissisimananngitsumillu inuuneqalerlutik sunnerneqartarlutik. Taamaasillunilu utoqqaat tarnimikkut ajoqutillit immikkut ilisamasalinnik ikiorneqarsinnaanatik.

 

Naalakkersuisut siunnersuutinut akissutaani allaqqavoq ”ilungersuussamik piviusorsiortumillu pilersaarusiortoqarnissaanik kissaatigineqartoq inatsisartunut ilaasortat ujartungaat Naalakkersuisut ilaqutariinnermut peqqissutsimullu ataatsimoortumik ukiunut arlalinnut sanaartornissamut pilersaarusiamikkut ullumikkut naammassereerpaat”.

 

Demokraatiniit ilaqutariinnermut peqqissutsimullu ataatsimoortumik ukiunut arlalinnut sanaartornissamut pilersaarusiaq misissoreerlutigut utoqqaanerusut tarnimukkut ajuutilinnut katsorsartarfissaannik nassaanngilangut, naak susassaqartuninngaanniit tamanna annertuumik pisariaqartitsisutut isigineqaraluartoq.

 

Massumunnga atatillugu Naalakkersuisut apererusuppakka, kommunit arlaanniit, saaffiginnittoqarnikuunersoq utoqqaat tarnimikkut ajuutilinnut katsorsarfissaannik aallartitsiumallutik?  

 

Aammattaaq Naalakkersuisut akissuteqaatiminni allapput ungasinnerusoq eqqarsaatigalugu eqqarsartaatimikkut napparsimasunut plejehjemmiliornissaq ilimagisariaqartoq, kisiannili massakkorpiaq pisariaqartitsineq qanoq annertutiginersoq ilisimaneqanngitsoq.

Tamaammat Demokraatiniit iluarisimaarparput Naalakkersuisut ullormi ataatsimi qulequtaq sammitillugu inuit tamakkuninnga immikkut ilisimasallit, peqataaffigisaannit aaqqissuussisoqassasoq, qulaajaaffigineqassammat,sulisut malillugit, atorfissaqartitsineq annertoorujussuaq.

 

Taamatut Demokraatiniit oqaaseqarluta Ruth Heilmann aammattaaq Astrid Fleischer Rex-miit siunnersuutigineqartut ilalerpavut, ataatsimiititaliamullu aappassaaneerneqannginneranni suliarineqarnissaat innersuussutingalugit.

 

Marie Fleischer

Demokraatit/Demokraterne

20. april 2005 FM 2005/66&85

 

Utoqqaat illuinik sanaartornissamik massakkut pisariaqartitsineq tamatumanilu sanaartugassatut pilersaarutaasut pillugit ilungersortumik piviusorsiortumillu pilersaarusioqqullugit, aamma imigassamik ikiaroornartumillu atornerluisimallutik eqqarsartaatimikkut innarluuteqalersimasut najungaqarfissaannik immikkut ittunik sanaartornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. (Ruth Heilmann, Siumut)

Tarnimikkut ajuutillit paaqqutarineqartarfissaannik/utoqqarnut angerlarsimaffinnik pilersitsinissamut periarfissanik misissuinissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. (Astrid Fleischer Rex, Demokraatit)

Siullermeerneqarnera

 

Demokraatiniit Ruth Heilmann Astrid Fleischer Rex-illu inatsisartunut aalajagiiffigisassatut siunnersuutaat punkt 66 aamma punkt 85, iluarisimaarpavut.

 

Naluneqanngilaq uagut, kalaaliusugut, tamatigut inuiaqatigiinni utoqqartagut sissuerlugillu ataqqiuarsimagivu t. Kulturitsinnut tamanna ilaavoq. Utoqqartavut inuunissatsinnut aqqutissiuisimasut minnerunngitsumillu inuiaqatigiinni napatitsisimasut, eqqissimasumik toqqissisimanartumillu utoqqalinissamut pissutissaqarluarput.

 

Utoqqartavut ukioq aaliangersimasoq angugaangamikku ulluinnarni ikiorneqarnissartik pisariaqartillugu, periarfissaqarput utoqqaat illuannut pinissaminnut. Tassani periarfissaqarmat sulisunit ilisimasaqartunit ikiortinnissaminnik, taamaasillutillu ukiorpassuit sulereersimallutik toqqissisimanartumik inuunissaminnut.

 

Tamanna kalaaliusup utoqqaat illuanik takorluugaa, sulisunit susassaqartunit ilumoorunnaarsimasutut nalunaarutigineqarpoq.

 

Imingassap kingunerisaanik puiortalersimasunik, assersuutingalugu timiminnik aqutsinnaajunnaarsimasut malunnaatilimmik amerliartorput. Illoqarfiit ilaanni utoqqaat inissaannik atorfissaqartitsineq annertungaarmat pisariaqartitsisorujussuit taamaallaat isertarput.

Tarnimikkut ajoqutillit katsorsarfissamut innersuunneqarsinnaanngitsut ilaatingooriarluni utoqqaat illuannut inissinneqartarput tamatumalu malitsigisaanik utoqqaat naliginnaasumik ingerlasut, eqqissisimananngitsumik toqqissisimananngitsumillu inuuneqalerlutik sunnerneqartarlutik. Taamaasillunilu utoqqaat tarnimikkut ajoqutillit immikkut ilisamasalinnik ikiorneqarsinnaanatik.

 

Naalakkersuisut siunnersuutinut akissutaani allaqqavoq ”ilungersuussamik piviusorsiortumillu pilersaarusiortoqarnissaanik kissaatigineqartoq inatsisartunut ilaasortat ujartungaat Naalakkersuisut ilaqutariinnermut peqqissutsimullu ataatsimoortumik ukiunut arlalinnut sanaartornissamut pilersaarusiamikkut ullumikkut naammassereerpaat”.

 

Demokraatiniit ilaqutariinnermut peqqissutsimullu ataatsimoortumik ukiunut arlalinnut sanaartornissamut pilersaarusiaq misissoreerlutigut utoqqaanerusut tarnimukkut ajuutilinnut katsorsartarfissaannik nassaanngilangut, naak susassaqartuninngaanniit tamanna annertuumik pisariaqartitsisutut isigineqaraluartoq.

 

Massumunnga atatillugu Naalakkersuisut apererusuppakka, kommunit arlaanniit, saaffiginnittoqarnikuunersoq utoqqaat tarnimikkut ajuutilinnut katsorsarfissaannik aallartitsiumallutik?  

 

Aammattaaq Naalakkersuisut akissuteqaatiminni allapput ungasinnerusoq eqqarsaatigalugu eqqarsartaatimikkut napparsimasunut plejehjemmiliornissaq ilimagisariaqartoq, kisiannili massakkorpiaq pisariaqartitsineq qanoq annertutiginersoq ilisimaneqanngitsoq.

Tamaammat Demokraatiniit iluarisimaarparput Naalakkersuisut ullormi ataatsimi qulequtaq sammitillugu inuit tamakkuninnga immikkut ilisimasallit, peqataaffigisaannit aaqqissuussisoqassasoq, qulaajaaffigineqassammat,sulisut malillugit, atorfissaqartitsineq annertoorujussuaq.

 

Taamatut Demokraatiniit oqaaseqarluta Ruth Heilmann aammattaaq Astrid Fleischer Rex-miit siunnersuutigineqartut ilalerpavut, ataatsimiititaliamullu aappassaaneerneqannginneranni suliarineqarnissaat innersuussutingalugit.

 

Marie Fleischer

Demokraatit/Demokraterne