Samling

Anthon   Frederiksen / Villy Olsvig Upa- 2005-69-01

Ulloq 19. april 2005

 

 

Nunatsinni Ilagiit sinniisaasa qinikkatut allatulli qaammammut aningaasarsiaqartitaasalernissaat siunertaralugu Inatsisartut peqqussutaat nr. 15, 28. oktober 1993-meersup allanngortinneqarnissaa anguniarlugu Naalakkersuisut peqquneqarnissaannik Inatsisartut aalajangiiffigisassaattut siunnersuut .

 

Inatsisartunut  ilaasortap  Isak  Davidsen-ip  siunnersuutaa  paasilluarlugu  Kattusseqatigiinniit 

aamma  siusinnerusukkut  ilagiinnut  atungassarititaasut  pillugit  piumasaqaatigisartakkatsinnut naapertuummata  tamakkiisumik  taperserpavut.

 

Tassami  siunnersuuteqartup  ilumoorluinnartunik  saqqummiussaqarluni  tunngavilersuuteqarnermini  ilaatigut  aamma  uppernarsarpaa;  ilagiit  sinniisaat,  ilagiit  sinnerlugit  annertuunik  aaliangingassanik  piumasaqaatitaqarfiusumik  suliaqarfiusoq  ilaatigut ilaatigut  qinikkanut  akissarsiaqaataanngingajattumik  sulineq  annertooq  inuiaqatigiinnullu  pingaaruteqarluinnartoq  suliarineqarmat.

 

Aamma  malunginiartariaqarpoq;   ilagiit  sinniisaannut  qinersisarnerni  qinigassanngortittartut  ukiuni  kingullerni  ikiliartornerat  kommuneqarfiit  ilaanni   ajoraluartumik  malunnarsiartormat, taamaammat  ilagiit  sinniisaannut  qinigaasimasut  qinikkatut  allatuulli  qaammammusiaqalernissaat  Kattusseqatigiinniit    tamakkiisumik  taperserparput.

 

Kattusseqatigiinni  isumaqarpugut   kommunalbestyrelse-nut,  Nunaqarfinni  aqutsisunut  il.il.  qinikkat  akissarsiaqartitaanerat  pillugu  aalajangersakkat  malillugit,  kommunalbestyrelse-nut  ilaasortat  akissarsiaannut  naapertuuttumik  ilagiit  sinniissaanni  qinikkat  akissarsiaqartinneqartariaqartut.

 

Naggataatigut  manna  iluatsillugu  aamma   piumasaqaatiginiarparput;  inuit  qinigaanngikkaluarlutik,  kisianni  kommunalbestyrelse-niit  suliassaqarfinnut  assigiinngitsunut  pisussaaffilerneqarlutik  toqqangaasartut  aamma  ajunngitsorsiassaqartinneqartarnerat  pillugu  erseqqissaasoqassasoq.

 

Taamatut  oqaaserqarlunga  siunnersuut  Kattusseqatigiit  sinnerlugit  taperserpara,  suliallu  aappassaanneerneqannginnerani  ataatsimiititaliami  susassaqarfiusumik  suliarineqarnissaa  inassutigalugu.  

 

Anthon   Frederiksen / Villy Olsvig Upa- 2005-69-01

Ulloq 19. april 2005

 

 

Nunatsinni Ilagiit sinniisaasa qinikkatut allatulli qaammammut aningaasarsiaqartitaasalernissaat siunertaralugu Inatsisartut peqqussutaat nr. 15, 28. oktober 1993-meersup allanngortinneqarnissaa anguniarlugu Naalakkersuisut peqquneqarnissaannik Inatsisartut aalajangiiffigisassaattut siunnersuut .

 

Inatsisartunut  ilaasortap  Isak  Davidsen-ip  siunnersuutaa  paasilluarlugu  Kattusseqatigiinniit 

aamma  siusinnerusukkut  ilagiinnut  atungassarititaasut  pillugit  piumasaqaatigisartakkatsinnut naapertuummata  tamakkiisumik  taperserpavut.

 

Tassami  siunnersuuteqartup  ilumoorluinnartunik  saqqummiussaqarluni  tunngavilersuuteqarnermini  ilaatigut  aamma  uppernarsarpaa;  ilagiit  sinniisaat,  ilagiit  sinnerlugit  annertuunik  aaliangingassanik  piumasaqaatitaqarfiusumik  suliaqarfiusoq  ilaatigut ilaatigut  qinikkanut  akissarsiaqaataanngingajattumik  sulineq  annertooq  inuiaqatigiinnullu  pingaaruteqarluinnartoq  suliarineqarmat.

 

Aamma  malunginiartariaqarpoq;   ilagiit  sinniisaannut  qinersisarnerni  qinigassanngortittartut  ukiuni  kingullerni  ikiliartornerat  kommuneqarfiit  ilaanni   ajoraluartumik  malunnarsiartormat, taamaammat  ilagiit  sinniisaannut  qinigaasimasut  qinikkatut  allatuulli  qaammammusiaqalernissaat  Kattusseqatigiinniit    tamakkiisumik  taperserparput.

 

Kattusseqatigiinni  isumaqarpugut   kommunalbestyrelse-nut,  Nunaqarfinni  aqutsisunut  il.il.  qinikkat  akissarsiaqartitaanerat  pillugu  aalajangersakkat  malillugit,  kommunalbestyrelse-nut  ilaasortat  akissarsiaannut  naapertuuttumik  ilagiit  sinniissaanni  qinikkat  akissarsiaqartinneqartariaqartut.

 

Naggataatigut  manna  iluatsillugu  aamma   piumasaqaatiginiarparput;  inuit  qinigaanngikkaluarlutik,  kisianni  kommunalbestyrelse-niit  suliassaqarfinnut  assigiinngitsunut  pisussaaffilerneqarlutik  toqqangaasartut  aamma  ajunngitsorsiassaqartinneqartarnerat  pillugu  erseqqissaasoqassasoq.

 

Taamatut  oqaaserqarlunga  siunnersuut  Kattusseqatigiit  sinnerlugit  taperserpara,  suliallu  aappassaanneerneqannginnerani  ataatsimiititaliami  susassaqarfiusumik  suliarineqarnissaa  inassutigalugu.