Samling

Anthon   Frederiksen / Villy Olsvig  Upa- 2005-85-01  /  2005-66-01

Ulloq 19 april 2005

Tarnimikkut ajuutillit katsorsartarfiannik / utoqqarnut angerlarsimaffinnik pilersitsinissamut periarfissanik misissuinissamik Naalakkersuisut pisussaaffilerneqarnissaannik Inatsisartunut aalajangiiffigisassatut siunnersuut.

Aammalu

Utoqqaat illuinik sanaartorneq sanaartornissallu aammalu imigassamik ikiaroornartumillu atornerluisimallutik nappaateqartut eqqarsartaatsimikkullu innarluuteqalersimasut eqqarsaatigalugit immikkoortillugit angerlarsimaffissaannik qanoq sanaartornikkut pilersaarusiorfigineqarnissaasa tunaartassamik piviusorsiortumillu Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.

Kattusseqatigiinniit siunnersuuteqartut allakkiaat misissorsimavakka ajornartorsiut annertusingaluttuinnartutut isigineqartariaqarmat siunnersuuteqartutKattusseqatigiinniit periarfissamik ujartuineranni siunnersuutaat taperserneqarnissaat ilimagineqassaaq.

Naalakersuisut akissuteqaataat innersuullugu Kattusseqatigiinniit kissaatigissavarput nunarput tamakkerlugu qanoq pisariaqartitsinerup annertussuseqarnerata misissuiffigineqarnissaata suliarineqarnissaa, taamatuttaarlu maannakkut innuttaasut qassit utoqqaat illuini taamatut nappaateqalersimallutik inissinneqarsimanersut misissuiffigineqarlutillu paasiniarnissaat.

Ajornartorsiut nalaanneqartartoq alla tassaasoorinarpoq innuttaasut nappaammik aallaaveqarlutik utoqqaat illuinut inissinneqartarneri, soorlu tamanna piffiit ilaanni napparsimaveqarfiunngitsuni nalaanneqartarlunilu atorneqartartoq.

Utoqqarnut sulisunullu inimi ataatsimi toqqissisimallutik najuiffiginnissinnaanerat anguneqassappat immikkut taamatut nappaateqalersimasunut naleqquttumik aammalu sulisoqartumik suinissami qaninnermi sanasoqarsinnaanissata misissuiffigine-qarnissaannut  siunnersuuteqartut Kattusseqatigiinniit ilalerneqarput.

Siunnersuutillu tamakkiisumik inerneqarsinnaanissaa siunnerfigineqassappat Kattusseqatigiinniit Naalakkersuisut inassuteqataat suliap aappassaaneerneqarnissaata Inatsisartut Upernaakkut ataatsimiinnerani 2006-mut kinguartinneqarnissaa aammattaaq tapersernarluni.

Anthon   Frederiksen / Villy Olsvig  Upa- 2005-85-01  /  2005-66-01

Ulloq 19 april 2005

Tarnimikkut ajuutillit katsorsartarfiannik / utoqqarnut angerlarsimaffinnik pilersitsinissamut periarfissanik misissuinissamik Naalakkersuisut pisussaaffilerneqarnissaannik Inatsisartunut aalajangiiffigisassatut siunnersuut.

Aammalu

Utoqqaat illuinik sanaartorneq sanaartornissallu aammalu imigassamik ikiaroornartumillu atornerluisimallutik nappaateqartut eqqarsartaatsimikkullu innarluuteqalersimasut eqqarsaatigalugit immikkoortillugit angerlarsimaffissaannik qanoq sanaartornikkut pilersaarusiorfigineqarnissaasa tunaartassamik piviusorsiortumillu Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.

Kattusseqatigiinniit siunnersuuteqartut allakkiaat misissorsimavakka ajornartorsiut annertusingaluttuinnartutut isigineqartariaqarmat siunnersuuteqartutKattusseqatigiinniit periarfissamik ujartuineranni siunnersuutaat taperserneqarnissaat ilimagineqassaaq.

Naalakersuisut akissuteqaataat innersuullugu Kattusseqatigiinniit kissaatigissavarput nunarput tamakkerlugu qanoq pisariaqartitsinerup annertussuseqarnerata misissuiffigineqarnissaata suliarineqarnissaa, taamatuttaarlu maannakkut innuttaasut qassit utoqqaat illuini taamatut nappaateqalersimallutik inissinneqarsimanersut misissuiffigineqarlutillu paasiniarnissaat.

Ajornartorsiut nalaanneqartartoq alla tassaasoorinarpoq innuttaasut nappaammik aallaaveqarlutik utoqqaat illuinut inissinneqartarneri, soorlu tamanna piffiit ilaanni napparsimaveqarfiunngitsuni nalaanneqartarlunilu atorneqartartoq.

Utoqqarnut sulisunullu inimi ataatsimi toqqissisimallutik najuiffiginnissinnaanerat anguneqassappat immikkut taamatut nappaateqalersimasunut naleqquttumik aammalu sulisoqartumik suinissami qaninnermi sanasoqarsinnaanissata misissuiffigine-qarnissaannut  siunnersuuteqartut Kattusseqatigiinniit ilalerneqarput.

Siunnersuutillu tamakkiisumik inerneqarsinnaanissaa siunnerfigineqassappat Kattusseqatigiinniit Naalakkersuisut inassuteqataat suliap aappassaaneerneqarnissaata Inatsisartut Upernaakkut ataatsimiinnerani 2006-mut kinguartinneqarnissaa aammattaaq tapersernarluni.