Samling
|
J.nr. 38.01.02+002
Postboks 909 3900 Nuuk Oq/tel +299 34 50 00 Fax +299 34 54 10 iap@gh.gl www.nanoq.gl/iap |
Asasara Agathe Fontain,
Aallaqqaammut ataatsimiititaliap inissialiornermut tapersiissuteqartarneq pillugu Inatsisartut peqqussutaata allanngortinneqarneranik Inatsisartut peqqussutissaattut siunnersuummut saqqummiunneqartumut tunngatillugu itisiliinissannut periarfissiisunik apeqquteqarneranut qujassutiga ataatsimiititaliamut apuuteqqullugu qinnuigissavakkit.
Ukiup affaata kingulliup ingerlanerani pisuni arlalinni inissialiornermut tapersiissuteqartarneq pillugu isummatsinnik saqqummiussuinissamut periarfissaqartarsimavugut. Taamatullu ataatsimiititaliap ataatsimeeqatiginissaanut, Naalakkersuisullu isumanerluutaasa, aammattaaq ataatsimiititaliamit isumanerluutigineqartut nassuiaateqarfiginissaannut periarfissaqarsimallunga.
Ilaatigut ataatsimiinnerit isumasioqatigiiffiusut pissarsilluarfiusut, tamatumunngalu atatillugu attaveqaqatigiittarnerit tunngavigalugit Naalakkersuisut peqqussutissatut siunnersuusiorput, imm. 21-tut saqqummiunneqartumik. Taassuma ataatsimiititaliami suliarineqarneranut atasumik apeqqutinik arlalinnik saqqummertoqarpoq, taakkulu ataatsimiititaliap Naalakkersuisunit akineqarnissaat kissaatigineqarpoq.
Apeqqutit nassiunneqartut matuma kinguliani immikkoortillugit issuarneqarput, akissutitaallu uingasunik allanneqarlutik AKISSUT-mik aallarniuteqartinneqarlutik.
- - o o 0 o o - -
Taarsigassarsisimasut taarsigassarsiarisaminnik § 10a malillugu allanngortitsinissamik pissarsisinnaanngitsut taarsigassarsiamik allanngortinnissaannut qinnuteqarsinnaanerat § 10-p imm. 5-ip nutaap malittarisassiuuppaa. Taarsigassarsianit akiitsut sinneruttut aamma qinnuteqartup maannamut akiliisinnaassusia akiliinissamullu piumassuseqarnera eqqarsaatigalugit § 10a-p imm. 4-ni taaneqanngillat, taamaallaat § 10a-p imm. 5-iani taaneqarlutik. Tassunga atatillugu ataatsimiititaliamit makku apeqqutigineqassapput:
1. Akiitsut sinneruttut amerlavallaarsimappata taarsigassarsiarisimasat allan-ngortinnissaasa angunissaanut tamanna akornutaassava imaluunniit isumaqaannassava qaammatikkaartumik akilertagassaq qaffanneqaannassasoq imaluunniit akilersuineq sivitsorneqaannassasoq?
AKISSUT: Aallaqqaasiutigalugu erseqqissarneqassaaq § 10a, imm. 4 naapertorlugu taarsigassarsianik allanngortitsinissamut periarfissiineq taarsigassarsiallip ukiuni marlunni kingullerni isertitarisimasaanut attuumassuteqarmat, kisiannili § 10, imm. 5 naapertorlugu taarsigassarsianik allanngortitsinissaq aatsaat akuerineqarsinnaalluni, taarsigassarsialik taarsigassarsianik akilersuinissamut periarfissaqartoq nalilerneqarpat. Tassalu taarsigassarsiallip § 10, imm. 5 naapertorlugu taarsigassarsiaminik akilersuinissamut isertitai naammanngitsut imaluunniit akilersuisinnaassanngitsoq naliliisoqarpat, taarsigassarsianik allanngortitsinissamut qinnuteqaat itigartinneqassaaq. Taamaaliornermi taarsigassarsialik taamatullu taarsigassarsititsisoq eqqarsaatigineqarput. Akilersuinissaq iluatsissinnaanngitsoq siumungaaq ilimagineqarpat akilersuinissamut isumaqatigiissusiornissamut tunngavissaqanngimmat. Isumaqatigiissutit taamaattut ajornerpaamik kinguneqassagunik taarsigassarsiallip taassumalu ilaqutaasa aningaasaqarnikkut inooqatigiinnikkullu atugarliuleriartornerannik kinguneqarsinnaapput. Taamaattumik allannguinissamik qinnuteqaatit itigartitaanermik, akiliutikinnerulernermik imaluunniit taarsigassarsiat sivisunerusumik taarsersorneqarnerinik kinguneqarsinnaavoq.
2. Qinnuteqartup maannamut akilersuinissamut piumassuseqarneranut nalilersuinermi piumasaqaatit suut ilaatinneqassappat?
AKISSUT: Aammattaaq § 10, imm. 5-imi allaqqavoq, qinnuteqaatinik nalilersuinermi pingaartumik taarsigassarsianut akiitsut sinneri, qinnuteqartup maannamut akiliisinnaassusia akiliinissamullu piumassuseqarnera, qinnuteqartup nalilinnik pigisaqarnera inuussutissarsiorsinnaassusialu naatsorsuutigineqartoq, kiisalu illup pisoqaassusia niuernikkullu nalinga eqqarsaatigineqassasut.
Qinnuteqartup maannamut akiliisinnaassusianik naliliinermi pingaartumik akiliinissamut piumassuseqarneq, taarsigassarsiallip taarsigassarsianut akilersugaasa allattorsimaffianni takuneqarsinnaasoq piffissallu ingerlanerani isertitarisimasai, tassalu akiliisinnaassusia aallaavigineqassapput. Taarsigassarsianut akilersugassanik akiliinngitsooqattaartarsimaneq akilersuinissamut isumaqatigiissusiornissamut akornutaasinnaavoq, tassani taarsigassarsiallip isumaqatigiissutip eqquutsinissaanut tatiginassusilimmik pissusilersunnginnissaa annilaangassutigineqarsinnaammat. Kisianni nalilersuineq tamatigut qinnuteqartup nalilinnik pigisaqarneranik tamakkiisumik, aammalu sulisinnaassusissaanik kiisalu illup pisoqaassusianik niuernikkullu nalinganik misissuinermik ilaqartinneqartassaaq.
3. Taarsigassarsiarisimasat sinnerinik allanngortitsinissap anguniarnerani maannamut akilersuinissamut piumassuseqarsimanerup annertuujusimanera pitsaaqutaassava?
AKISSUT: Tunngaviatigut tatiginartumik pisussaaffinnik naammassinninniarsinnaaneq akiligassanillu tamanik akilersuiniarsinnaaneq taarsigassarsiat sinnerinik allanngortitsinermik kinguneqartassaaq. Kisiannili taarsigassarsiallip taarsigassarsiaminik akilersuisinnaaneranut ilimanaateqarnera allannguinissamut piumasaqaataajuartassaaq.
Taarsigassarsisup nalilikilliisinnaanermik aaqqissuussisinnaanera § 10a-p imm. 5-ip nutaap ajornarsisippaa, taarsigassarsiat akilersuutitaqanngitsut erniaqanngitsullu akileqqaanngikkaluarlugit illugisaq tunniunneqarsinnaavoq, tak. § 10a, imm. 1.
4. Taarsigassarsisimasunut § 21a-p imm. 2 naapertorlugu akilersuutinut akiligassaminnik aamma sinneruttunik akiitsuminnik isumakkeerfigineqartunut assingusumik immikkut piumasaqaatinik nassaassaqarpa?
AKISSUT: Naamik. § 21a, imm. 2 naapertorlugu isumakkeerinninnermi taarsigassarsitsitsisup, tassalu Namminersornerullutik Oqartussat illu tunineqassappat tunineqarnerani iluanaarutaasinnaasut isumakkiissavai, taamatullu taarsigassarsiallip piumasaqarneratigut Namminersornerullutik Oqartussat illu utertillugu pisiarinissaa pisussaaffigiunnaassallugu.
Kiisalu taarsigassarsiallip nalikilliartuaartitsinissamik aaqqissuussinermik atuisup, tak. 10a, imm. 1, inissiaq ernianut taarsigassarsianullu taarsersugassaanngitsunut akileeqqaarani allamut tunniussinnaanngikkaa allassallugu naapertuulluanngilaq. Taarsigassarsiallip peqqussummi maannakkut atuuttumi § 15 naapertorlugu BSU-mit taarsigassarsilluni illuutiminik Namminersornerullutik Oqartussanut utertitsisinnaatitaanera aalajangersakkamit kalluarneqassanngilaq, illu suli taarsigassarsiaqarfiummat. Illup Namminersornerullutik Oqartussanut utertinneqarnerani illumut taarsigassarsiat uninngatinneqartut "akilerneqanngikkaluarunilluunniit", utertitsilluni pisinermi iluanaarutiniit iluarsiivigineqartussaapput.
5. Taarsigassarsisimasup taarsigassarsiarisimasani isumakkeerneqarteriarlugit illulu tuneriarlugu inissiamut attartortittakkamut nalinginnaasumut erngerluni nammineq nuussinnaava?
AKISSUT: Aap, aap aamma aap. Tassa apeqqutit pingasut tamarmik aappimik akineqarput. Tassanili erngerluni erseqqissarneqassaaq, akiligassanngortitat akiitsullu sinnerisa isumakkeerfigineqarnissaannik qinnuteqaatinik aqutsineq pillugu Namminersornerullutik Oqartussat nalunaarutaat nr. 10, 18. april 2002-meersoq iluanaarniuteqarnissarpiaq aammalu pissutsinik nassuiarneqartunik pisoqarnissarpiaa akiorniarlugu pilersinneqarsimammat. Nalunaarummi allaqqavoq akiligassanngortunik akiitsullu sinnerinik isumakkeerfigineqarnissaq pillugu aalajangiinermi qinnuteqartup utoqqaassusia siunissamilu inuussutissarsiorsinnaanissaa, nalilinnik pigisaqarnera aammalu ernianik akilersuutinillu akiliisinnaassusissaa eqqarsaatigineqassasut, kiisalu
1) Illup pisoqaassusia.
2) Illup atortulersugaanera.
3) Illup pitsaassusia tamakkiisoq, tak. assit nassuiaatillu.
4) Akiitsut sinnerisa annertussusaat.
5) Piffissamut aalajangersimasumut akiliutaasartut annertussusaat.
6) Najukkami ineqarnikkut pilersuineq.
7) Illup tunineqarsinnaaneranut periarfissat.
Siuliani allassimasut apeqqutaatinnagit aaqqissuussinerup atuutilernerani taarsigassarsiallit 386-it akiligassanngortunik akiitsullu sinnerinik isumakkeerfigineqarnissamut inissialiornermut tapersiissuteqartarneq pillugu Inatsisartut peqqussutaata allanngortinneqarneranik Inatsisartut peqqussutaat nr. 19, 12. november 2001-imeersoq tunngavigalugu periarfissaqarsimapput, tassanimi § 21a-mi allaqqavoq, "Taarsigassarsiallit piffissami 1. maj 2000-imit 30. april 2002-p tungaanut pisinnaatitaaffigalugu ineqarnermut tapinik pissarsisarsimasut 1. november 2002 nallertinnagu Naalakkersuisunut qinnuteqarnermikkut akiligassanngorsimasunik taarsigassarsiallu amiakkuinik isumakkeerfigineqarsinnaapput". Taarsigassarsiallit taakku aningaasaqarnikkut eqqorneqartussaanerat uppernarsaatissaqarpoq, ineqarnermut tapinik pissarsisinnaajunnaarnertik peqqutigalugu.
Taamaattumik taarsigassarsiat 386-it taakku illui illoqarfinni akiligassanngortut akiitsullu sinnerisa isumakkeerfigineqareernerini iluanaaruteqarfiusumik tunitsiviusinnaasuni inissisimanissaat qularnartutut isigineqarsinnaanngilaq. Peqqussutissatulli siunnersuut manna pissutsit taamaattut peqqissinnaanerinut ammaassanngilaq.
Taarsigassarsiat erniaqarnatillu akilersuutitaqanngitsut akilerneqarnissaannut piffissaliussaq immikkut piumasaqaatini "tammarnerani assigisaaniluunniit" ilaatinneqarpoq.
6. Taarsigassarsisimasoq kangerlummi sulinngiffeqarnerminit kangianiissimanerminilluunniit qaammammik kingusinaarluni utersimappat, piffissallu ingerlanerani maqaasineqartutut nalunaarutigineqarsimappat, taanna sinnerlugu ilaqutaasut taarsigassarsianik akiliisussanngornissaannik tamanna isumaqarpa?
AKISSUT: Naamik. Imaappoq, taarsigassarsiat akiligassanngortinneqarpata najukkami eqqartuussivimmut akiliisitsiniarnissamik suliakkiisoqassaaq. Taamatut pisoqarnerani taarsigassarsialik eqqartuussivimmut aggersarneqassaaq, eqqartuussiviullu aggersaanermi suliassap suliarineqarnissaa isumagissavaa. Taarsigassarsialik sulinngiffeqarluni Thailandimut imaluunniit Maldiverinut angalaannarsimasoq paasineqarpat, soorunami suliaq tunuartinneqassaaq.
7. Maqaasineqartoq ukiut qulit maqaasineqareersimaguni toqusimasutut isigineqartariaqartutut qinnutigineqarsinnaanera, taamaattoq ukioq ataaseq maqaasineqartup toqusimasinnaanerata killilimmik pisimasinnaanera nalorninartoqartinneqanngippat, maqaasineqartut pillugit nalinginnaasumik malittarisassanut aalajangersagaq qanoq attuumassuteqarpa?
AKISSUT: Soorunami aalajangersagaq atorneqassaaq, aammalu maqaasineqartut pillugit maleruagassat nalinginnaasut kiisalu imm. 6-ip ataani akissuteqaat tunngavigalugit immersorneqassalluni.
Nammineq illuliat, illut nalikillilerneqareersimatinnagit akilerneqareersimatinngilluuniit, eqqartuussivilersuunnissaat taarsigassarsinermiluunniit uppernarsaatitut atorneqarnissaat § 25, imm. 3 inerteqqutigineqartoq malinneqarpoq. Tamatumali allanngortinnissaanut § 25, imm. 4 nutaaq Naalakkersuisunut pisinnaatitsinissamut periarfissiivoq. Oqaasertaliussat naapertorlugit 10/40/50 atorlugu nammineq illulianut taarsigassarsiisinnaaneq eqqarsaatigalugu tamanna pivoq.
8. Nammineq illuliornianut 10/40/50 atorlugu taarsigassarsisitsinissani § 25, imm. 3 kisiat saneqquttarumaneritsik Naalakkersuisut uppernarsarsinnaavaat?
AKISSUT: § 25, imm. 3-mi aalajangersagaq inissialiornermut tapersiissuteqartarneq pillugu Inatsisartut peqqussutaata allanngortinneqarnera pillugu Inatsisartut peqqussutaat nr. 3, 21. maj 2002-meersoq aqqutigalugu atuutsinneqalerpoq. Aalajangersakkap atuutsinneqalernerani siunertarineqarpoq, kapitali 5 naapertorlugu nammineerluni illuliat eqqartuussivitsigut malersorneqarsinnaanerat sallunaveeqqusiunneqarsinnaanerallu ajornartinneqassasoq. Taamaattorli sallunaveeqqusiussinissamut inerteqquteqarnermi kapitali 5 naapertorlugu pisortat taarsigassarsiarititaat taarsigassarsiallu allat pineqanngillat. Taamaattorli nammineq illuliorniarluni taarsigassarsiat realkredittimit taarsigassarsianik, nammineq illuliortup kommunimit piumasaqaatinut aningaasartuutissanut aningaasalersuutissatut taarsigassarsiaarineqartunik § 22, imm. 4-mi taaneqartunik ilaneqartariaqarput. Kisianni Naalakkersuisut kommunilu nammineq illuliassamik sananermut atatillugu ass. sanaartorfissagissaanermut 10/40/50-inik taarsigassarsititsisinnaapput.
Taamaattumik Naalakkersuisut § 25, imm. 4-mi aalajangersagaq siunnersuutigineqartoq 10/40/50-inik taarsigassarsititsinissamut atorsinnaavaat, periarfissaq kommunimit 10/40/50-imik taarsigassarsiat ilanerinut atorsinnaavaat, periarfissaq realkredittip 10/40/50-imut aningaasalersuutissatut taarsigassarsiarititassaanut atorsinnaavaat, imaluunniit ass. Grønlandsbanken A/S-ip nammineq illuliortumut taarsigassarsiat Iserit aqqutigalugu taarsigassarsititsineranut atorsinnaallugu.
9. Taamaattoqarsimappat, allannguutissatut siunnersuut aqqutigalugu tamatuma erseqqissumik inatsisissatut siunnersuummut ilanngunneqarnissaa ataatsimiititaliap kissaatigaa. Taamaattoqarsimanngippat, pisuni allani suni, nammineq illulianik eqqartuussivilersuussisinnaanernik taarsigassarsinermiluunniit uppernarsaatitut atuisinnaanermik akuersisinnaanertik eqqarsaatersuutiginerlugu Naalakkersuisut nassuiarsinnaavaat?
AKISSUT: Imm. 8-mut akissut takuuk.
10. Immikkoortoq 3.2-p ataani siunnersuummut oqaaseqaatini allassivoq, peqqussut "allaffissornikkut oqilisaassingaatsiarnissaq ilimagineqarpoq". Allaffissornikkut oqilisaassingaatsiarnissaq tamanna qanoq allaffissornermi sulisukinnerulerneranik aningaasartuutikinnerulernermilluuniit kinguneqassanersoq Naalakkersuisunut ilaasortap ilisimatitsissutigisinnaava?
AKISSUT: Ataatsimiititaliap taamatut apeqquteqarnera nuannaarutigisorujussuuara. Siorna A/S Inissiaatileqatigiiffik INI-miit suliassat arlallit allaffeqarfinnit tiguneqarput. Tamatumunnga atatillugu INI-mut sullissinissamik isumaqatigiissutip aningaasartai 3,5 mio. kr.-inik ikilineqarput. Ukioq mannangaaq allaffeqarfinnit allaffissornikkut oqilisaassineq takutinneqarsinnaalerpoq, tassalu 0,6 mio. kr.-it missaannik sipaaruteqarnikkut piviusunngortinneqartoq. Naatsorsuutigaara peqqussutissatut siunnersuut manna aqqutigalugu ineriartorneq tamanna taperserneqarumaartoq, taamaalilluni ukiut marluk pingasulluuniit ingerlanerini taarsigassarsianik aqutsineq ikinnerpaamik 0,5 mio. kr.-inik sipaaruteqarfiusinnaassalluni.
11. Naalakkersuisut taarsigassarsianik allanguinissamik qinnuteqaatit allaffissornikkut aqunneqartarnerat pillugu maleruagassiorsinnaapput, tak. § 10, imm, aamma erniaqanngitsunik akilersuutitaqanngitsunillu taarsigassarsinissamut qinnuteqaatit allaffissornikkut aqunneqartarnerat pillugu maleruagassiorsinnaapput, tak. § 10a, imm. 6. Maleruagassat takussuserneqarnissaat kissaatigineqarpoq, atuutilerfissaattullu naatsorsuutigineqartut ilanngullugit ilisimatitsissutigeqquneqarlutik.
AKISSUT: Naatsorsuutigaara allaffeqarfimma nalunaarut iluarsaataq ukiamut naammassereersimassagaa, tassanilu Namminersornerullutik Oqartussani aalajangersakkat imm. 5-ip ataani taaneqartut ingerlateqqinneqarneri aalajangersakkanik nutaanik ilaatinneqassapput.
Naalakkersuisut siunnersuutaannut siuliani apeqqutit taaneqartut saniatigut ataatsimiititaliaq BSU-mut tunngasutilinnik nalinginnaasumik arlalinnik apeqqutissaqarpoq.
Kapitali 4 aamma kapitali 6 malillugu taarsigassarsinerit assigiinngissusaat, taarsigassarsianik taarsigassarsinermi piumasaqaatiniillunilu taarsigassarsiat akilersorneranniippoq. AIS 2005 malillugu illut 80-it kapitali 6 malillugu 2.900-llu missaaniittut kapitali 4 malillugu akilersorneqarput.
12. Kapitali 6 malillugu taarsigassarsiat sinnerisa akilersorneqarnerat kapitali 4-mi maleruagassat naapertorlugit akilersorneqaraluarpata Naalakkersuisunut aningaasatigut kinguneqaatissat suussappat?
AKISSUT: Aallaqqaammut ilisimatitsissutigissavara A/S Inissiaatileqatigiiffik INI-miit kisitsisit qanittukkut pissarsiarineqartut malillugit maannapiaq taarsigassarsiallit 39-iinnaat kapitali 6 malillugu taarsigassarsiaqartut, tak. takussutissiaq kingulianiittoq. Paasissutissani kisitsisitigut najoqqutassat 2005-imi ullormi sumi naatsorsorneqarsimanersut takuneqarsinnaanngilaq. Ilassutigalugu ilisimatitsissutigineqassaaq, 2004-mi kapitali 6 malillugu taarsigassarsiat ingerlasut akilersorneqangaatsiarsimammata, tamatumunngarpiarlu peqqutaavoq taarsigassarsiallit aningaasalersuinermik niueruteqartunut namminersortunut Namminersornerullutik Oqartussat taarsigassarsiaritissinnaasaannit iluanaarfiusinnaanerusunik taarsigassarsisinnaalersimanerat.
Meeqqat 18-it inorlugit angerlarsimaffinni najugaqartut qanoq amerlatiginersut paasissutissani takuneqarsinnaanngilaq.Taamaattumik kapitali 6 malillugu taarsigassarsiat kapitali 4 malillugu taarsigassarsianut maleruagassat naapertorlugit akilersorneqarnerini aningaasaqarnikkut kingunerisassanik nalilersuinissamut tamanna ilaatinneqarsinnaanngilaq naliliiffigineqarsinnaananilu.
Takussutissiami takuneqarsinnaavoq ukiup affakkaartumik akiligassat katillugit 606.200 kr.-inik amerlassuseqartut. Taakku ernianut akilersuinermullu tamakkiisumut 30%-imik tapiiffigineqartassappata, tapiissutit ukiup affaanut 181.860 kr.-inik amerlassuseqassapput. Akiitsut sinnerinut 8,4 mio. kr.-ingajaasunut akilersuinermut tapiissut 30%-iusoq tapiiffigineqartassappat, taarsigassarsialinnut 39-iusunut tapiissutit 2,5 mio. kr.-it missaannik amerlassuseqassapput. Kisitsisit taakku qaammammut akiliutinut allanngortinneqarpata, qaammammut akiliutissaq minnerpaaq 267 kr.-iussaaq, qaammammut akiliutissaq annerpaaq 5.022 kr.-iussalluni, aammalu qaammammut akiliutissat agguaqatigiissinneqarnerat 2.591 kr.-iussalluni.
Siullermeerinerup ingerlanerani erserpoq, soraarnerussutisiaqarlersimasut BSU aqqutigalugu taarsigassarsinermiinnilli isertitaat appariaateqarnikut pingaartumik eqqarsaatigineqarnissaat Naalakkersuisunit kissaatigineqartoq.
13. Soraarnerussutisiallit allallu suliffissaqanngivissut taarsigassarsiaasa isumakkeerneqarnissaannut periarfissaq Naalakkersuisunit eqqarsaatersuutigineqarsimava?
AKISSUT: Namminersornerullutik Oqartussat nalunaarutaanni, imm. 5-ip ataani taaneqartumi ersereerpoq, akiligassanngortinneqartunik akiitsullu sinnerinik isumakkeerinissaq pillugu aalajangiinermi qinnuteqartup utoqqaassusia inuussutissarsiorsinnaassusissaatullu naatsorsuutigineqartoq eqqarsaatigineqartassasut. Taamatut naliliinermi qinnuteqartoq soraarnerussutisiaqarnersoq imaluunniit suliffissaqanngivissuunersoq eqqarsaatigineqartassaaq.
14. BSU aqqutigalugu illuutillit nutarterinissamut, alliliinissamut illumillu nutarsaanissamut tapissutinik qinnuteqartarnerannut patsisaatut Naalakkersuisut isumaat malillugu suuppat?
AKISSUT: Ilimagaara tamatumunnga pissutaasoq periarfissanik ilisimasaqannginneq. Allaffeqarfima ajunnginnerusumik paasissutissisoqarnissaa isaumagissavaa.
Naggataagut Naalakkersuisut peqqussutissatut siunnersuutaanni immikkoortut ataasiakkaat nassuiaateqarfigisinnaagakkit Ataatsimiititaliaq qutsavigeqqissavara. Aamma periarfissaq iluatsillugu Ataatsimiititaliamut ilisimatitsissutigissavara inissialiornermut tapersiissuteqartarneq pillugu peqqussut tamarmiusoq iluarsaanneqarmat, taassumalu 2006-imi Inatsisartunut saqqummiunneqarnissaa naatsorsuutigineqarmat. Tamatumunnga atatillugu suliap ingerlanera pillugu Ataatsimiititaliamut ingerlaavartumik ilisimatitsissuteqartassaanga, taamatullu Ataatsimiititaliaq qinnuigissallugu peqqussutissatut siunnersuutip iluarsaatap Inatsisartuni suliarineqannginnerani Ataatsimiititaliamut immikkut ittumik saqqummiunnissaanut akuereqqullunga.
Ataatsimiititaliap kissaatigippagu Ataatsimiititaliamik isumasioqateqarnissamut piareersimavunga.
Inussiarnersumik inuulluaqqusillunga
Dagsordenspunkter og behandlingsdato
|
J.nr. 38.01.02+002
Postboks 909 3900 Nuuk Oq/tel +299 34 50 00 Fax +299 34 54 10 iap@gh.gl www.nanoq.gl/iap |
Asasara Agathe Fontain,
Aallaqqaammut ataatsimiititaliap inissialiornermut tapersiissuteqartarneq pillugu Inatsisartut peqqussutaata allanngortinneqarneranik Inatsisartut peqqussutissaattut siunnersuummut saqqummiunneqartumut tunngatillugu itisiliinissannut periarfissiisunik apeqquteqarneranut qujassutiga ataatsimiititaliamut apuuteqqullugu qinnuigissavakkit.
Ukiup affaata kingulliup ingerlanerani pisuni arlalinni inissialiornermut tapersiissuteqartarneq pillugu isummatsinnik saqqummiussuinissamut periarfissaqartarsimavugut. Taamatullu ataatsimiititaliap ataatsimeeqatiginissaanut, Naalakkersuisullu isumanerluutaasa, aammattaaq ataatsimiititaliamit isumanerluutigineqartut nassuiaateqarfiginissaannut periarfissaqarsimallunga.
Ilaatigut ataatsimiinnerit isumasioqatigiiffiusut pissarsilluarfiusut, tamatumunngalu atatillugu attaveqaqatigiittarnerit tunngavigalugit Naalakkersuisut peqqussutissatut siunnersuusiorput, imm. 21-tut saqqummiunneqartumik. Taassuma ataatsimiititaliami suliarineqarneranut atasumik apeqqutinik arlalinnik saqqummertoqarpoq, taakkulu ataatsimiititaliap Naalakkersuisunit akineqarnissaat kissaatigineqarpoq.
Apeqqutit nassiunneqartut matuma kinguliani immikkoortillugit issuarneqarput, akissutitaallu uingasunik allanneqarlutik AKISSUT-mik aallarniuteqartinneqarlutik.
- - o o 0 o o - -
Taarsigassarsisimasut taarsigassarsiarisaminnik § 10a malillugu allanngortitsinissamik pissarsisinnaanngitsut taarsigassarsiamik allanngortinnissaannut qinnuteqarsinnaanerat § 10-p imm. 5-ip nutaap malittarisassiuuppaa. Taarsigassarsianit akiitsut sinneruttut aamma qinnuteqartup maannamut akiliisinnaassusia akiliinissamullu piumassuseqarnera eqqarsaatigalugit § 10a-p imm. 4-ni taaneqanngillat, taamaallaat § 10a-p imm. 5-iani taaneqarlutik. Tassunga atatillugu ataatsimiititaliamit makku apeqqutigineqassapput:
1. Akiitsut sinneruttut amerlavallaarsimappata taarsigassarsiarisimasat allan-ngortinnissaasa angunissaanut tamanna akornutaassava imaluunniit isumaqaannassava qaammatikkaartumik akilertagassaq qaffanneqaannassasoq imaluunniit akilersuineq sivitsorneqaannassasoq?
AKISSUT: Aallaqqaasiutigalugu erseqqissarneqassaaq § 10a, imm. 4 naapertorlugu taarsigassarsianik allanngortitsinissamut periarfissiineq taarsigassarsiallip ukiuni marlunni kingullerni isertitarisimasaanut attuumassuteqarmat, kisiannili § 10, imm. 5 naapertorlugu taarsigassarsianik allanngortitsinissaq aatsaat akuerineqarsinnaalluni, taarsigassarsialik taarsigassarsianik akilersuinissamut periarfissaqartoq nalilerneqarpat. Tassalu taarsigassarsiallip § 10, imm. 5 naapertorlugu taarsigassarsiaminik akilersuinissamut isertitai naammanngitsut imaluunniit akilersuisinnaassanngitsoq naliliisoqarpat, taarsigassarsianik allanngortitsinissamut qinnuteqaat itigartinneqassaaq. Taamaaliornermi taarsigassarsialik taamatullu taarsigassarsititsisoq eqqarsaatigineqarput. Akilersuinissaq iluatsissinnaanngitsoq siumungaaq ilimagineqarpat akilersuinissamut isumaqatigiissusiornissamut tunngavissaqanngimmat. Isumaqatigiissutit taamaattut ajornerpaamik kinguneqassagunik taarsigassarsiallip taassumalu ilaqutaasa aningaasaqarnikkut inooqatigiinnikkullu atugarliuleriartornerannik kinguneqarsinnaapput. Taamaattumik allannguinissamik qinnuteqaatit itigartitaanermik, akiliutikinnerulernermik imaluunniit taarsigassarsiat sivisunerusumik taarsersorneqarnerinik kinguneqarsinnaavoq.
2. Qinnuteqartup maannamut akilersuinissamut piumassuseqarneranut nalilersuinermi piumasaqaatit suut ilaatinneqassappat?
AKISSUT: Aammattaaq § 10, imm. 5-imi allaqqavoq, qinnuteqaatinik nalilersuinermi pingaartumik taarsigassarsianut akiitsut sinneri, qinnuteqartup maannamut akiliisinnaassusia akiliinissamullu piumassuseqarnera, qinnuteqartup nalilinnik pigisaqarnera inuussutissarsiorsinnaassusialu naatsorsuutigineqartoq, kiisalu illup pisoqaassusia niuernikkullu nalinga eqqarsaatigineqassasut.
Qinnuteqartup maannamut akiliisinnaassusianik naliliinermi pingaartumik akiliinissamut piumassuseqarneq, taarsigassarsiallip taarsigassarsianut akilersugaasa allattorsimaffianni takuneqarsinnaasoq piffissallu ingerlanerani isertitarisimasai, tassalu akiliisinnaassusia aallaavigineqassapput. Taarsigassarsianut akilersugassanik akiliinngitsooqattaartarsimaneq akilersuinissamut isumaqatigiissusiornissamut akornutaasinnaavoq, tassani taarsigassarsiallip isumaqatigiissutip eqquutsinissaanut tatiginassusilimmik pissusilersunnginnissaa annilaangassutigineqarsinnaammat. Kisianni nalilersuineq tamatigut qinnuteqartup nalilinnik pigisaqarneranik tamakkiisumik, aammalu sulisinnaassusissaanik kiisalu illup pisoqaassusianik niuernikkullu nalinganik misissuinermik ilaqartinneqartassaaq.
3. Taarsigassarsiarisimasat sinnerinik allanngortitsinissap anguniarnerani maannamut akilersuinissamut piumassuseqarsimanerup annertuujusimanera pitsaaqutaassava?
AKISSUT: Tunngaviatigut tatiginartumik pisussaaffinnik naammassinninniarsinnaaneq akiligassanillu tamanik akilersuiniarsinnaaneq taarsigassarsiat sinnerinik allanngortitsinermik kinguneqartassaaq. Kisiannili taarsigassarsiallip taarsigassarsiaminik akilersuisinnaaneranut ilimanaateqarnera allannguinissamut piumasaqaataajuartassaaq.
Taarsigassarsisup nalilikilliisinnaanermik aaqqissuussisinnaanera § 10a-p imm. 5-ip nutaap ajornarsisippaa, taarsigassarsiat akilersuutitaqanngitsut erniaqanngitsullu akileqqaanngikkaluarlugit illugisaq tunniunneqarsinnaavoq, tak. § 10a, imm. 1.
4. Taarsigassarsisimasunut § 21a-p imm. 2 naapertorlugu akilersuutinut akiligassaminnik aamma sinneruttunik akiitsuminnik isumakkeerfigineqartunut assingusumik immikkut piumasaqaatinik nassaassaqarpa?
AKISSUT: Naamik. § 21a, imm. 2 naapertorlugu isumakkeerinninnermi taarsigassarsitsitsisup, tassalu Namminersornerullutik Oqartussat illu tunineqassappat tunineqarnerani iluanaarutaasinnaasut isumakkiissavai, taamatullu taarsigassarsiallip piumasaqarneratigut Namminersornerullutik Oqartussat illu utertillugu pisiarinissaa pisussaaffigiunnaassallugu.
Kiisalu taarsigassarsiallip nalikilliartuaartitsinissamik aaqqissuussinermik atuisup, tak. 10a, imm. 1, inissiaq ernianut taarsigassarsianullu taarsersugassaanngitsunut akileeqqaarani allamut tunniussinnaanngikkaa allassallugu naapertuulluanngilaq. Taarsigassarsiallip peqqussummi maannakkut atuuttumi § 15 naapertorlugu BSU-mit taarsigassarsilluni illuutiminik Namminersornerullutik Oqartussanut utertitsisinnaatitaanera aalajangersakkamit kalluarneqassanngilaq, illu suli taarsigassarsiaqarfiummat. Illup Namminersornerullutik Oqartussanut utertinneqarnerani illumut taarsigassarsiat uninngatinneqartut "akilerneqanngikkaluarunilluunniit", utertitsilluni pisinermi iluanaarutiniit iluarsiivigineqartussaapput.
5. Taarsigassarsisimasup taarsigassarsiarisimasani isumakkeerneqarteriarlugit illulu tuneriarlugu inissiamut attartortittakkamut nalinginnaasumut erngerluni nammineq nuussinnaava?
AKISSUT: Aap, aap aamma aap. Tassa apeqqutit pingasut tamarmik aappimik akineqarput. Tassanili erngerluni erseqqissarneqassaaq, akiligassanngortitat akiitsullu sinnerisa isumakkeerfigineqarnissaannik qinnuteqaatinik aqutsineq pillugu Namminersornerullutik Oqartussat nalunaarutaat nr. 10, 18. april 2002-meersoq iluanaarniuteqarnissarpiaq aammalu pissutsinik nassuiarneqartunik pisoqarnissarpiaa akiorniarlugu pilersinneqarsimammat. Nalunaarummi allaqqavoq akiligassanngortunik akiitsullu sinnerinik isumakkeerfigineqarnissaq pillugu aalajangiinermi qinnuteqartup utoqqaassusia siunissamilu inuussutissarsiorsinnaanissaa, nalilinnik pigisaqarnera aammalu ernianik akilersuutinillu akiliisinnaassusissaa eqqarsaatigineqassasut, kiisalu
1) Illup pisoqaassusia.
2) Illup atortulersugaanera.
3) Illup pitsaassusia tamakkiisoq, tak. assit nassuiaatillu.
4) Akiitsut sinnerisa annertussusaat.
5) Piffissamut aalajangersimasumut akiliutaasartut annertussusaat.
6) Najukkami ineqarnikkut pilersuineq.
7) Illup tunineqarsinnaaneranut periarfissat.
Siuliani allassimasut apeqqutaatinnagit aaqqissuussinerup atuutilernerani taarsigassarsiallit 386-it akiligassanngortunik akiitsullu sinnerinik isumakkeerfigineqarnissamut inissialiornermut tapersiissuteqartarneq pillugu Inatsisartut peqqussutaata allanngortinneqarneranik Inatsisartut peqqussutaat nr. 19, 12. november 2001-imeersoq tunngavigalugu periarfissaqarsimapput, tassanimi § 21a-mi allaqqavoq, "Taarsigassarsiallit piffissami 1. maj 2000-imit 30. april 2002-p tungaanut pisinnaatitaaffigalugu ineqarnermut tapinik pissarsisarsimasut 1. november 2002 nallertinnagu Naalakkersuisunut qinnuteqarnermikkut akiligassanngorsimasunik taarsigassarsiallu amiakkuinik isumakkeerfigineqarsinnaapput". Taarsigassarsiallit taakku aningaasaqarnikkut eqqorneqartussaanerat uppernarsaatissaqarpoq, ineqarnermut tapinik pissarsisinnaajunnaarnertik peqqutigalugu.
Taamaattumik taarsigassarsiat 386-it taakku illui illoqarfinni akiligassanngortut akiitsullu sinnerisa isumakkeerfigineqareernerini iluanaaruteqarfiusumik tunitsiviusinnaasuni inissisimanissaat qularnartutut isigineqarsinnaanngilaq. Peqqussutissatulli siunnersuut manna pissutsit taamaattut peqqissinnaanerinut ammaassanngilaq.
Taarsigassarsiat erniaqarnatillu akilersuutitaqanngitsut akilerneqarnissaannut piffissaliussaq immikkut piumasaqaatini "tammarnerani assigisaaniluunniit" ilaatinneqarpoq.
6. Taarsigassarsisimasoq kangerlummi sulinngiffeqarnerminit kangianiissimanerminilluunniit qaammammik kingusinaarluni utersimappat, piffissallu ingerlanerani maqaasineqartutut nalunaarutigineqarsimappat, taanna sinnerlugu ilaqutaasut taarsigassarsianik akiliisussanngornissaannik tamanna isumaqarpa?
AKISSUT: Naamik. Imaappoq, taarsigassarsiat akiligassanngortinneqarpata najukkami eqqartuussivimmut akiliisitsiniarnissamik suliakkiisoqassaaq. Taamatut pisoqarnerani taarsigassarsialik eqqartuussivimmut aggersarneqassaaq, eqqartuussiviullu aggersaanermi suliassap suliarineqarnissaa isumagissavaa. Taarsigassarsialik sulinngiffeqarluni Thailandimut imaluunniit Maldiverinut angalaannarsimasoq paasineqarpat, soorunami suliaq tunuartinneqassaaq.
7. Maqaasineqartoq ukiut qulit maqaasineqareersimaguni toqusimasutut isigineqartariaqartutut qinnutigineqarsinnaanera, taamaattoq ukioq ataaseq maqaasineqartup toqusimasinnaanerata killilimmik pisimasinnaanera nalorninartoqartinneqanngippat, maqaasineqartut pillugit nalinginnaasumik malittarisassanut aalajangersagaq qanoq attuumassuteqarpa?
AKISSUT: Soorunami aalajangersagaq atorneqassaaq, aammalu maqaasineqartut pillugit maleruagassat nalinginnaasut kiisalu imm. 6-ip ataani akissuteqaat tunngavigalugit immersorneqassalluni.
Nammineq illuliat, illut nalikillilerneqareersimatinnagit akilerneqareersimatinngilluuniit, eqqartuussivilersuunnissaat taarsigassarsinermiluunniit uppernarsaatitut atorneqarnissaat § 25, imm. 3 inerteqqutigineqartoq malinneqarpoq. Tamatumali allanngortinnissaanut § 25, imm. 4 nutaaq Naalakkersuisunut pisinnaatitsinissamut periarfissiivoq. Oqaasertaliussat naapertorlugit 10/40/50 atorlugu nammineq illulianut taarsigassarsiisinnaaneq eqqarsaatigalugu tamanna pivoq.
8. Nammineq illuliornianut 10/40/50 atorlugu taarsigassarsisitsinissani § 25, imm. 3 kisiat saneqquttarumaneritsik Naalakkersuisut uppernarsarsinnaavaat?
AKISSUT: § 25, imm. 3-mi aalajangersagaq inissialiornermut tapersiissuteqartarneq pillugu Inatsisartut peqqussutaata allanngortinneqarnera pillugu Inatsisartut peqqussutaat nr. 3, 21. maj 2002-meersoq aqqutigalugu atuutsinneqalerpoq. Aalajangersakkap atuutsinneqalernerani siunertarineqarpoq, kapitali 5 naapertorlugu nammineerluni illuliat eqqartuussivitsigut malersorneqarsinnaanerat sallunaveeqqusiunneqarsinnaanerallu ajornartinneqassasoq. Taamaattorli sallunaveeqqusiussinissamut inerteqquteqarnermi kapitali 5 naapertorlugu pisortat taarsigassarsiarititaat taarsigassarsiallu allat pineqanngillat. Taamaattorli nammineq illuliorniarluni taarsigassarsiat realkredittimit taarsigassarsianik, nammineq illuliortup kommunimit piumasaqaatinut aningaasartuutissanut aningaasalersuutissatut taarsigassarsiaarineqartunik § 22, imm. 4-mi taaneqartunik ilaneqartariaqarput. Kisianni Naalakkersuisut kommunilu nammineq illuliassamik sananermut atatillugu ass. sanaartorfissagissaanermut 10/40/50-inik taarsigassarsititsisinnaapput.
Taamaattumik Naalakkersuisut § 25, imm. 4-mi aalajangersagaq siunnersuutigineqartoq 10/40/50-inik taarsigassarsititsinissamut atorsinnaavaat, periarfissaq kommunimit 10/40/50-imik taarsigassarsiat ilanerinut atorsinnaavaat, periarfissaq realkredittip 10/40/50-imut aningaasalersuutissatut taarsigassarsiarititassaanut atorsinnaavaat, imaluunniit ass. Grønlandsbanken A/S-ip nammineq illuliortumut taarsigassarsiat Iserit aqqutigalugu taarsigassarsititsineranut atorsinnaallugu.
9. Taamaattoqarsimappat, allannguutissatut siunnersuut aqqutigalugu tamatuma erseqqissumik inatsisissatut siunnersuummut ilanngunneqarnissaa ataatsimiititaliap kissaatigaa. Taamaattoqarsimanngippat, pisuni allani suni, nammineq illulianik eqqartuussivilersuussisinnaanernik taarsigassarsinermiluunniit uppernarsaatitut atuisinnaanermik akuersisinnaanertik eqqarsaatersuutiginerlugu Naalakkersuisut nassuiarsinnaavaat?
AKISSUT: Imm. 8-mut akissut takuuk.
10. Immikkoortoq 3.2-p ataani siunnersuummut oqaaseqaatini allassivoq, peqqussut "allaffissornikkut oqilisaassingaatsiarnissaq ilimagineqarpoq". Allaffissornikkut oqilisaassingaatsiarnissaq tamanna qanoq allaffissornermi sulisukinnerulerneranik aningaasartuutikinnerulernermilluuniit kinguneqassanersoq Naalakkersuisunut ilaasortap ilisimatitsissutigisinnaava?
AKISSUT: Ataatsimiititaliap taamatut apeqquteqarnera nuannaarutigisorujussuuara. Siorna A/S Inissiaatileqatigiiffik INI-miit suliassat arlallit allaffeqarfinnit tiguneqarput. Tamatumunnga atatillugu INI-mut sullissinissamik isumaqatigiissutip aningaasartai 3,5 mio. kr.-inik ikilineqarput. Ukioq mannangaaq allaffeqarfinnit allaffissornikkut oqilisaassineq takutinneqarsinnaalerpoq, tassalu 0,6 mio. kr.-it missaannik sipaaruteqarnikkut piviusunngortinneqartoq. Naatsorsuutigaara peqqussutissatut siunnersuut manna aqqutigalugu ineriartorneq tamanna taperserneqarumaartoq, taamaalilluni ukiut marluk pingasulluuniit ingerlanerini taarsigassarsianik aqutsineq ikinnerpaamik 0,5 mio. kr.-inik sipaaruteqarfiusinnaassalluni.
11. Naalakkersuisut taarsigassarsianik allanguinissamik qinnuteqaatit allaffissornikkut aqunneqartarnerat pillugu maleruagassiorsinnaapput, tak. § 10, imm, aamma erniaqanngitsunik akilersuutitaqanngitsunillu taarsigassarsinissamut qinnuteqaatit allaffissornikkut aqunneqartarnerat pillugu maleruagassiorsinnaapput, tak. § 10a, imm. 6. Maleruagassat takussuserneqarnissaat kissaatigineqarpoq, atuutilerfissaattullu naatsorsuutigineqartut ilanngullugit ilisimatitsissutigeqquneqarlutik.
AKISSUT: Naatsorsuutigaara allaffeqarfimma nalunaarut iluarsaataq ukiamut naammassereersimassagaa, tassanilu Namminersornerullutik Oqartussani aalajangersakkat imm. 5-ip ataani taaneqartut ingerlateqqinneqarneri aalajangersakkanik nutaanik ilaatinneqassapput.
Naalakkersuisut siunnersuutaannut siuliani apeqqutit taaneqartut saniatigut ataatsimiititaliaq BSU-mut tunngasutilinnik nalinginnaasumik arlalinnik apeqqutissaqarpoq.
Kapitali 4 aamma kapitali 6 malillugu taarsigassarsinerit assigiinngissusaat, taarsigassarsianik taarsigassarsinermi piumasaqaatiniillunilu taarsigassarsiat akilersorneranniippoq. AIS 2005 malillugu illut 80-it kapitali 6 malillugu 2.900-llu missaaniittut kapitali 4 malillugu akilersorneqarput.
12. Kapitali 6 malillugu taarsigassarsiat sinnerisa akilersorneqarnerat kapitali 4-mi maleruagassat naapertorlugit akilersorneqaraluarpata Naalakkersuisunut aningaasatigut kinguneqaatissat suussappat?
AKISSUT: Aallaqqaammut ilisimatitsissutigissavara A/S Inissiaatileqatigiiffik INI-miit kisitsisit qanittukkut pissarsiarineqartut malillugit maannapiaq taarsigassarsiallit 39-iinnaat kapitali 6 malillugu taarsigassarsiaqartut, tak. takussutissiaq kingulianiittoq. Paasissutissani kisitsisitigut najoqqutassat 2005-imi ullormi sumi naatsorsorneqarsimanersut takuneqarsinnaanngilaq. Ilassutigalugu ilisimatitsissutigineqassaaq, 2004-mi kapitali 6 malillugu taarsigassarsiat ingerlasut akilersorneqangaatsiarsimammata, tamatumunngarpiarlu peqqutaavoq taarsigassarsiallit aningaasalersuinermik niueruteqartunut namminersortunut Namminersornerullutik Oqartussat taarsigassarsiaritissinnaasaannit iluanaarfiusinnaanerusunik taarsigassarsisinnaalersimanerat.
Meeqqat 18-it inorlugit angerlarsimaffinni najugaqartut qanoq amerlatiginersut paasissutissani takuneqarsinnaanngilaq.Taamaattumik kapitali 6 malillugu taarsigassarsiat kapitali 4 malillugu taarsigassarsianut maleruagassat naapertorlugit akilersorneqarnerini aningaasaqarnikkut kingunerisassanik nalilersuinissamut tamanna ilaatinneqarsinnaanngilaq naliliiffigineqarsinnaananilu.
Takussutissiami takuneqarsinnaavoq ukiup affakkaartumik akiligassat katillugit 606.200 kr.-inik amerlassuseqartut. Taakku ernianut akilersuinermullu tamakkiisumut 30%-imik tapiiffigineqartassappata, tapiissutit ukiup affaanut 181.860 kr.-inik amerlassuseqassapput. Akiitsut sinnerinut 8,4 mio. kr.-ingajaasunut akilersuinermut tapiissut 30%-iusoq tapiiffigineqartassappat, taarsigassarsialinnut 39-iusunut tapiissutit 2,5 mio. kr.-it missaannik amerlassuseqassapput. Kisitsisit taakku qaammammut akiliutinut allanngortinneqarpata, qaammammut akiliutissaq minnerpaaq 267 kr.-iussaaq, qaammammut akiliutissaq annerpaaq 5.022 kr.-iussalluni, aammalu qaammammut akiliutissat agguaqatigiissinneqarnerat 2.591 kr.-iussalluni.
Siullermeerinerup ingerlanerani erserpoq, soraarnerussutisiaqarlersimasut BSU aqqutigalugu taarsigassarsinermiinnilli isertitaat appariaateqarnikut pingaartumik eqqarsaatigineqarnissaat Naalakkersuisunit kissaatigineqartoq.
13. Soraarnerussutisiallit allallu suliffissaqanngivissut taarsigassarsiaasa isumakkeerneqarnissaannut periarfissaq Naalakkersuisunit eqqarsaatersuutigineqarsimava?
AKISSUT: Namminersornerullutik Oqartussat nalunaarutaanni, imm. 5-ip ataani taaneqartumi ersereerpoq, akiligassanngortinneqartunik akiitsullu sinnerinik isumakkeerinissaq pillugu aalajangiinermi qinnuteqartup utoqqaassusia inuussutissarsiorsinnaassusissaatullu naatsorsuutigineqartoq eqqarsaatigineqartassasut. Taamatut naliliinermi qinnuteqartoq soraarnerussutisiaqarnersoq imaluunniit suliffissaqanngivissuunersoq eqqarsaatigineqartassaaq.
14. BSU aqqutigalugu illuutillit nutarterinissamut, alliliinissamut illumillu nutarsaanissamut tapissutinik qinnuteqartarnerannut patsisaatut Naalakkersuisut isumaat malillugu suuppat?
AKISSUT: Ilimagaara tamatumunnga pissutaasoq periarfissanik ilisimasaqannginneq. Allaffeqarfima ajunnginnerusumik paasissutissisoqarnissaa isaumagissavaa.
Naggataagut Naalakkersuisut peqqussutissatut siunnersuutaanni immikkoortut ataasiakkaat nassuiaateqarfigisinnaagakkit Ataatsimiititaliaq qutsavigeqqissavara. Aamma periarfissaq iluatsillugu Ataatsimiititaliamut ilisimatitsissutigissavara inissialiornermut tapersiissuteqartarneq pillugu peqqussut tamarmiusoq iluarsaanneqarmat, taassumalu 2006-imi Inatsisartunut saqqummiunneqarnissaa naatsorsuutigineqarmat. Tamatumunnga atatillugu suliap ingerlanera pillugu Ataatsimiititaliamut ingerlaavartumik ilisimatitsissuteqartassaanga, taamatullu Ataatsimiititaliaq qinnuigissallugu peqqussutissatut siunnersuutip iluarsaatap Inatsisartuni suliarineqannginnerani Ataatsimiititaliamut immikkut ittumik saqqummiunnissaanut akuereqqullunga.
Ataatsimiititaliap kissaatigippagu Ataatsimiititaliamik isumasioqateqarnissamut piareersimavunga.
Inussiarnersumik inuulluaqqusillunga
Upernaakkut ataatsimiinneq 2005
Ullormut oqaluuserisassat kiisalu ullut suliarineqarfissaat