Samling

Anthon Frederiksen/ Villy Olsvig Upa 2005/30-01

ulloq,  18. april  2005

 

 

Danmarkimi avammut  niuernermi siunnersuisoqatigiit  (Danmarks Eksportråd)  suliaasa  (Inatsit  nr. 53,  31,  januar  2001-imeersoq)  ilaasa  Kalaallit  Nunaannut  atuutilersinneqarnissaat  pillugu  Namminersornerullutik  oqartussat  oqaaseqaataat  pillugit  aalajangiiffigisassatut  siunnersuutip  siullermeerneqarnera.

 

Pillugu  Kattusseqatigiit  sinnerlugit  soqutigalugu  misissorsimavara imaattumillu  oqaaseqarfigissallugu:

 

Kalaallit  Nunatsinniik  avammut  niuernermi  tunisassiatta  pitsaanerpaamik  avammut  nittarsaanneqartuarnissaat   aammalu   sapinngisamik  annertunerpaamik  iluanaarutaasumik  nioqqutigineqarnissaat  Kattusseqatigiinniit  soqutigilluinnakkatta  ilagaat,  taamaattumik  tunisassiat  nunatsinneersut  avammut  niuerutigineqarneranni  iluaqutaasinnaasut  atorluarneqarsinnaasullu  tamaasa  atorluarniartariaqartut  Kattusseqatigiinniit    isumaqarpugut,  taamaammallu  periarfissaq  Danmark-ip  Kalaallillu  Nunatta  naalagaaffeqatigiikkallarneranni Danmark-imi  avammut  niuernermi  siunnersuisoqatigiit  aqqutigalugit  Nunatsinniik  tunisassiat avammut  niuerutigineqarnerisa  pitsaanerpaamik  Nunatsinnut  aalisartunut  sulisartunullu  sunniuteqarluartumik  ingerlanneqarsinnaaneranut  periarfissatsialattut  isigalugu  siunnersuut  taperserparput,  naak  nammineerluta  taamaattumik  pilersitsisinnaanerput orniginarnerungaluartoq,  taamaattoq  pioreersunik  atorluaaneq   aammalu  misilittangaareersut  atorluarlugit  inerisaaneq  iluatinnartoqartipparput,  taamaammallu   aamma  Namminersornerullutik  Oqartussat   peqqussutissamut  siunnersuummut   oqaaseqaateqarnissaannut  atatillugu  Siunnersuisoqatigiit   inuttalersungaanerannut  ilanngullugu Siunnersuisoqatigiinnut,  taassumallu  ataani  ataatsimiititaliamut   Kalaallit  Nunatta  sinniisuutitaqarnissaa  pingaaruteqartutut  isigalugu  Kattusseqatigiinniit  matumuuna kaammattuutingaarput;  Inatsisartut  Naalakkersuisunut  piumasaqaatigissangaat;  Nunarput  Siunnersuisoqatigiinni  il.il.  sinniisuutitaqalernissaa  piumasaqaatigineqassasoq.

 

Taamaammat  sinaakkutissatut  isumaqatigiissutissatut  siunnersuutit  siuliani  saqqummiussatta ilanngunneqarnissaat  kaammattuutingaarput.

 

Naggataatigut  peqqussutissatut  siunnersuummi  §  3-mi  oqaatsip  siuarsaanerup  kukkusumik  allanneqarsimanerata  iluarsineqarnissaa  aamma  inassutingaarput.

 

Taamatut  naakkaluamik  oqaaseqarluta   siunnersuummi   iluarsisassat  ilanngutassallu  ilanngunneqarnissaat   kaammattuutigalugu  siunnersuummut  suleqataaqqinnissatsinnut  piareersimanerput  nalunaarutingaarput. 

            

Anthon Frederiksen/ Villy Olsvig Upa 2005/30-01

ulloq,  18. april  2005

 

 

Danmarkimi avammut  niuernermi siunnersuisoqatigiit  (Danmarks Eksportråd)  suliaasa  (Inatsit  nr. 53,  31,  januar  2001-imeersoq)  ilaasa  Kalaallit  Nunaannut  atuutilersinneqarnissaat  pillugu  Namminersornerullutik  oqartussat  oqaaseqaataat  pillugit  aalajangiiffigisassatut  siunnersuutip  siullermeerneqarnera.

 

Pillugu  Kattusseqatigiit  sinnerlugit  soqutigalugu  misissorsimavara imaattumillu  oqaaseqarfigissallugu:

 

Kalaallit  Nunatsinniik  avammut  niuernermi  tunisassiatta  pitsaanerpaamik  avammut  nittarsaanneqartuarnissaat   aammalu   sapinngisamik  annertunerpaamik  iluanaarutaasumik  nioqqutigineqarnissaat  Kattusseqatigiinniit  soqutigilluinnakkatta  ilagaat,  taamaattumik  tunisassiat  nunatsinneersut  avammut  niuerutigineqarneranni  iluaqutaasinnaasut  atorluarneqarsinnaasullu  tamaasa  atorluarniartariaqartut  Kattusseqatigiinniit    isumaqarpugut,  taamaammallu  periarfissaq  Danmark-ip  Kalaallillu  Nunatta  naalagaaffeqatigiikkallarneranni Danmark-imi  avammut  niuernermi  siunnersuisoqatigiit  aqqutigalugit  Nunatsinniik  tunisassiat avammut  niuerutigineqarnerisa  pitsaanerpaamik  Nunatsinnut  aalisartunut  sulisartunullu  sunniuteqarluartumik  ingerlanneqarsinnaaneranut  periarfissatsialattut  isigalugu  siunnersuut  taperserparput,  naak  nammineerluta  taamaattumik  pilersitsisinnaanerput orniginarnerungaluartoq,  taamaattoq  pioreersunik  atorluaaneq   aammalu  misilittangaareersut  atorluarlugit  inerisaaneq  iluatinnartoqartipparput,  taamaammallu   aamma  Namminersornerullutik  Oqartussat   peqqussutissamut  siunnersuummut   oqaaseqaateqarnissaannut  atatillugu  Siunnersuisoqatigiit   inuttalersungaanerannut  ilanngullugu Siunnersuisoqatigiinnut,  taassumallu  ataani  ataatsimiititaliamut   Kalaallit  Nunatta  sinniisuutitaqarnissaa  pingaaruteqartutut  isigalugu  Kattusseqatigiinniit  matumuuna kaammattuutingaarput;  Inatsisartut  Naalakkersuisunut  piumasaqaatigissangaat;  Nunarput  Siunnersuisoqatigiinni  il.il.  sinniisuutitaqalernissaa  piumasaqaatigineqassasoq.

 

Taamaammat  sinaakkutissatut  isumaqatigiissutissatut  siunnersuutit  siuliani  saqqummiussatta ilanngunneqarnissaat  kaammattuutingaarput.

 

Naggataatigut  peqqussutissatut  siunnersuummi  §  3-mi  oqaatsip  siuarsaanerup  kukkusumik  allanneqarsimanerata  iluarsineqarnissaa  aamma  inassutingaarput.

 

Taamatut  naakkaluamik  oqaaseqarluta   siunnersuummi   iluarsisassat  ilanngutassallu  ilanngunneqarnissaat   kaammattuutigalugu  siunnersuummut  suleqataaqqinnissatsinnut  piareersimanerput  nalunaarutingaarput.