Samling
|
MADS PETER GRØNVOLD UPA 2004 41 109 87 28 – 01
|
ULLOQ 18.05.2004 |
Oqaaseqartartuusup saqqummiussaa
Mobiltelefonit siunissami nunaqarfinni atugaalersinnaanerinut, minnerunngitsumik nunaqarfinni anginerni attaveqaasiinissaq pingaarnerutillugu, pilersaarusiornissamut periarfissaqarnersoq pillugu apeqquteqaat aallaavigalugu oqallinnissamik siunnersuut.
Isorliunerusuni illoqarfiit mikinerit nunaqarfiillu TV-kanalinik amerlanerusunik pilersorneqarnissaannut periarfissat pillugit apeqquteqaat aallaavigalugu oqallinnissamik siunnersuut.
Tele atorlugu attaveqarneq pillugu nassuiaat.
Apeqquteqaat aallaavigalugu oqallinnissamik siunnersuutit marluk Jakob Sivertsen-imit Atassummeersumit aammalu Mads Peter Grønvold-imiit Kattusseqatigiinneersumit siunnersuutit aammalu Tele atorlugu attaveqarneq pillugu nassuiaat imatut sinnerlugit Kattusseqatigiit oqaaseqarfigissuagut.
Inatsisartuni ilaasortap Jakob Sivertsen Atassummeersup siunnersuutaa imatut Kattusseqatigiinniit oqaaseqarfigissuarput.
Siunnersuutip siunnerfia Kattusseqatigiinniit paasillugu siunnersuut tamakkiisumik tapersersorsinnaallugu matumuunna oqaatigissuarput, Kattusseqatigiinniit isumaqaratta taamatut mobiltelefon-imut attaveqaatip nunatsinni pitsanngorsarneqarnerasigut atuisunut suli pitsaanerusumik sullinneqalersinnaanerat qulakkeerneqarsinnaammat.
Naak angalaartillu VHF-radio sillimaniarnermi pitsaanerpaatut oqaatigineqarsinnaagaluartoq mobiltelefon-ip attaveqaateqarnikkut pitsanngorsarneqarnerasigut suli atorluarneqarnerulersinnaanera anguneqarsinnaammat pitsanngorsaasoqarsinnaaneranik siunnersuuteqartoqarnissa Kattusseqatigiinniit kissaatigaarput, taamalilluni mobiltelefon-i sumiiffinni tamaniunerusoq atorneqarsinnaasunngorlugit pitsanngorsarneqarsinnaanerat Kattusseqatigiinniit ujartorparput.
Inatsisartuni ilaasortap Mads Peter Grønvold Kattusseqatigiinneersup siunnersuutaanut imatut Kattusseqatigiinniit oqaaseqassuugut.
Sinerissami sumiiffinni assigiinngitsuni TV-ikkut isiginnaagassiani isginnaarsinnaaneq assigiinngitsorujussuusoq oqaatigineqarsinnaavoq, tamatigut apeqqutaasarluni sumiiffiit ilaanni TV-eqarfimmik ingerlatsisoqarnersoq, piffiillu ilaanni TV-eqarfiit ilaat ingerlatsippat apeqqutaasarluni atuisut amerlassusiat kanalinik arlaqarnerusunik isiginnaartoqarsinnaanerannut apeqqutaalluinnartarluni.
Nunarput ataatsimut isigalugu sumiiffinni innuttaasut qassiunerat apeqqutaatinnagu KNR-TV-ip saniatigut allanik isiginnaagaqarsinnaanngitsut eqqarsaatigalugit TV-ikkut isiginnaartakkat amerlisarniarlugit Naalakkersuisut suliniuteqarnersut paaserusunnarpoq ?.
Tassami nunatsinni inoqarfiit tamarmik assigiimmik ineriartornermut malinnaatin-neqassappata Kattusseqatigiinniit isumaqaratta piffinni KNR-TV-ip aallakaatittagaasa saniatigut kanalinik allanik saniatigut isiginnaarsinnaanngitsut periarfissinneqartariaqartut isumaqaratta.
Atortutigut ineriartorneq sukkasooq ingerlammat Kattusseqatigiinniit isumaqanngilagut aatsaat kr. 53 million-it atoqqaarlugit suliassat naammassineqarsinnaasut.
Taamaattumik sutigut tamatigut TV-ikkut isiginnaartakkat eqqarsaatigalugit suli allanik kanalinik isiginnaarsinnaanermut periarfissinneqarsimanngitsut periarfissiuunneqarsinnaanerat eqqarsaatigalugit siunissami qaninnerusumi pitsanngorsaasoqarsinnaanera neriuutigalugu oqallinnissamik siunnersuuteqartut Kattusseqatigiinniit tamakkiisumik taperserpagut.
Tele atorlugu attaveqarneq pillugu nassuiaat imatut Kattusseqatigiit sinnerlugit oqaaseqarfigissuarput.
Nunatsinni TELE Greenland A/S-ip ingerlatsinera Pitsaalluinnartuusoq Kattusseqatigiinniit isumaqarpugut, taamatut isumaqarnitsinnut ilaatigut tunngavigaarput nunatsinni attaveqaatitigut atukkat ukiuni kingullerni pitajaatsumik ingerlanneqarsimanerat qiviaraanni ukiuni pereersuni angusat pitsaalluinnartut eqqarsaatigalugit.
Soorunami taamatut TELE Greenland A/S-ip pitsaasumik naatsorsuutitigut angusaqartarnera qiviaraanni oqaatigineqarsinnaavoq ilaatigut kisermaassisuulluni attaveqaatitigut ingerlatsisuunera oqaatigineqarsinnaagaluartoq taamatut ingerlatsinera atuisunut pitsaasumik sunniuteqarmat, atuisunut pitsaassuseq tunniunneqartartoq pitsaasuujuarnissaa ilaatigut qulakkeerneqarpoq ingerlatsivik nunatsinni aggulullugu ingerlanneqanngimmat, tassa ingerlatsiviup ilaa namminersortunngorsarnagu.
Nunatsinni attaveqarneq tamani pitsaasumik ingerlanneqassappat aningaasarsiornikkut amigartoorfiusumik ingerlatsiviit qitiusumik aningaasalersorneqarnissaat pingitsoorneqarsinnaanngilaq, taamaliornikkut illoqarfinni anginerusuni ilaatigut sinneqartoorfiulluartuni sinneqartoorutit amigartoorfiusunut aningaasaliissutigineqartarnerat nammaqatigiinnertut taaneqarsinnaasarmata.
Taamaattumik maannakkut TELE Greenland A/S-imi ingerlatsineq ataatsimut isigalugu qiviaraanni pitsaasutut oqaatigineqartariaqarpoq, ukiunilu aggersuni suli pitsaasumik ingerlatsinikkut angusaqarnissaa neriuutigalugu atuisunullu akit unammillerneqarsinnaasumik ingerlanneqarnissaat neriuutigalugit Tele atorlugu attaveqarneq pillugu nassuiaat Kattusseqatigiinniit oqaaseqarfigaarput.
|
MADS PETER GRØNVOLD UPA 2004 41 109 87 28 – 01
|
ULLOQ 18.05.2004 |
Oqaaseqartartuusup saqqummiussaa
Mobiltelefonit siunissami nunaqarfinni atugaalersinnaanerinut, minnerunngitsumik nunaqarfinni anginerni attaveqaasiinissaq pingaarnerutillugu, pilersaarusiornissamut periarfissaqarnersoq pillugu apeqquteqaat aallaavigalugu oqallinnissamik siunnersuut.
Isorliunerusuni illoqarfiit mikinerit nunaqarfiillu TV-kanalinik amerlanerusunik pilersorneqarnissaannut periarfissat pillugit apeqquteqaat aallaavigalugu oqallinnissamik siunnersuut.
Tele atorlugu attaveqarneq pillugu nassuiaat.
Apeqquteqaat aallaavigalugu oqallinnissamik siunnersuutit marluk Jakob Sivertsen-imit Atassummeersumit aammalu Mads Peter Grønvold-imiit Kattusseqatigiinneersumit siunnersuutit aammalu Tele atorlugu attaveqarneq pillugu nassuiaat imatut sinnerlugit Kattusseqatigiit oqaaseqarfigissuagut.
Inatsisartuni ilaasortap Jakob Sivertsen Atassummeersup siunnersuutaa imatut Kattusseqatigiinniit oqaaseqarfigissuarput.
Siunnersuutip siunnerfia Kattusseqatigiinniit paasillugu siunnersuut tamakkiisumik tapersersorsinnaallugu matumuunna oqaatigissuarput, Kattusseqatigiinniit isumaqaratta taamatut mobiltelefon-imut attaveqaatip nunatsinni pitsanngorsarneqarnerasigut atuisunut suli pitsaanerusumik sullinneqalersinnaanerat qulakkeerneqarsinnaammat.
Naak angalaartillu VHF-radio sillimaniarnermi pitsaanerpaatut oqaatigineqarsinnaagaluartoq mobiltelefon-ip attaveqaateqarnikkut pitsanngorsarneqarnerasigut suli atorluarneqarnerulersinnaanera anguneqarsinnaammat pitsanngorsaasoqarsinnaaneranik siunnersuuteqartoqarnissa Kattusseqatigiinniit kissaatigaarput, taamalilluni mobiltelefon-i sumiiffinni tamaniunerusoq atorneqarsinnaasunngorlugit pitsanngorsarneqarsinnaanerat Kattusseqatigiinniit ujartorparput.
Inatsisartuni ilaasortap Mads Peter Grønvold Kattusseqatigiinneersup siunnersuutaanut imatut Kattusseqatigiinniit oqaaseqassuugut.
Sinerissami sumiiffinni assigiinngitsuni TV-ikkut isiginnaagassiani isginnaarsinnaaneq assigiinngitsorujussuusoq oqaatigineqarsinnaavoq, tamatigut apeqqutaasarluni sumiiffiit ilaanni TV-eqarfimmik ingerlatsisoqarnersoq, piffiillu ilaanni TV-eqarfiit ilaat ingerlatsippat apeqqutaasarluni atuisut amerlassusiat kanalinik arlaqarnerusunik isiginnaartoqarsinnaanerannut apeqqutaalluinnartarluni.
Nunarput ataatsimut isigalugu sumiiffinni innuttaasut qassiunerat apeqqutaatinnagu KNR-TV-ip saniatigut allanik isiginnaagaqarsinnaanngitsut eqqarsaatigalugit TV-ikkut isiginnaartakkat amerlisarniarlugit Naalakkersuisut suliniuteqarnersut paaserusunnarpoq ?.
Tassami nunatsinni inoqarfiit tamarmik assigiimmik ineriartornermut malinnaatin-neqassappata Kattusseqatigiinniit isumaqaratta piffinni KNR-TV-ip aallakaatittagaasa saniatigut kanalinik allanik saniatigut isiginnaarsinnaanngitsut periarfissinneqartariaqartut isumaqaratta.
Atortutigut ineriartorneq sukkasooq ingerlammat Kattusseqatigiinniit isumaqanngilagut aatsaat kr. 53 million-it atoqqaarlugit suliassat naammassineqarsinnaasut.
Taamaattumik sutigut tamatigut TV-ikkut isiginnaartakkat eqqarsaatigalugit suli allanik kanalinik isiginnaarsinnaanermut periarfissinneqarsimanngitsut periarfissiuunneqarsinnaanerat eqqarsaatigalugit siunissami qaninnerusumi pitsanngorsaasoqarsinnaanera neriuutigalugu oqallinnissamik siunnersuuteqartut Kattusseqatigiinniit tamakkiisumik taperserpagut.
Tele atorlugu attaveqarneq pillugu nassuiaat imatut Kattusseqatigiit sinnerlugit oqaaseqarfigissuarput.
Nunatsinni TELE Greenland A/S-ip ingerlatsinera Pitsaalluinnartuusoq Kattusseqatigiinniit isumaqarpugut, taamatut isumaqarnitsinnut ilaatigut tunngavigaarput nunatsinni attaveqaatitigut atukkat ukiuni kingullerni pitajaatsumik ingerlanneqarsimanerat qiviaraanni ukiuni pereersuni angusat pitsaalluinnartut eqqarsaatigalugit.
Soorunami taamatut TELE Greenland A/S-ip pitsaasumik naatsorsuutitigut angusaqartarnera qiviaraanni oqaatigineqarsinnaavoq ilaatigut kisermaassisuulluni attaveqaatitigut ingerlatsisuunera oqaatigineqarsinnaagaluartoq taamatut ingerlatsinera atuisunut pitsaasumik sunniuteqarmat, atuisunut pitsaassuseq tunniunneqartartoq pitsaasuujuarnissaa ilaatigut qulakkeerneqarpoq ingerlatsivik nunatsinni aggulullugu ingerlanneqanngimmat, tassa ingerlatsiviup ilaa namminersortunngorsarnagu.
Nunatsinni attaveqarneq tamani pitsaasumik ingerlanneqassappat aningaasarsiornikkut amigartoorfiusumik ingerlatsiviit qitiusumik aningaasalersorneqarnissaat pingitsoorneqarsinnaanngilaq, taamaliornikkut illoqarfinni anginerusuni ilaatigut sinneqartoorfiulluartuni sinneqartoorutit amigartoorfiusunut aningaasaliissutigineqartarnerat nammaqatigiinnertut taaneqarsinnaasarmata.
Taamaattumik maannakkut TELE Greenland A/S-imi ingerlatsineq ataatsimut isigalugu qiviaraanni pitsaasutut oqaatigineqartariaqarpoq, ukiunilu aggersuni suli pitsaasumik ingerlatsinikkut angusaqarnissaa neriuutigalugu atuisunullu akit unammillerneqarsinnaasumik ingerlanneqarnissaat neriuutigalugit Tele atorlugu attaveqarneq pillugu nassuiaat Kattusseqatigiinniit oqaaseqarfigaarput.