Samling
9. marts 2004 UPA 2004/ 55
Inatsisartut Suleriaasiat § 36, imm. 2, naapertorlugu matumuuna imaattumik Naalakkersuisunut apeqquteqarpunga:
Kalaallit Nunaanni erninerup nalaani sulinngiffeqarallartarneq sivitsorniarlugu Naalakkersuisut sukumiisunik pilersaaruteqarpat, taamaalilluni assersuutigalugu Nunani Avannarlerni nunat ilaanni ilisimaneqartutulli qaammatinik qulingiluanik sivisussuseqalersillugu? Erninerup nalaani sulinngiffeqartarnerup maannakkut atuuttup inuiaqatigiit aningaasaqarniarnerannut pitsaaqutaasa akornutaasalu qulaajaavigineqarnissaa Naalakkersuisut sukumiisunik pilersaarutigaat?
(Inatsisartuni ilaasortaq Palle Christiansen, Demokraatit)
Tunngavilersuut:
Ullumikkut Kalaallit Nunaanni erninerup nalaanni sulinngiffeqarallartarneq sivikitsuararsuuvoq, angajoqqaammi marluullutik erninerup nalaanni sulinngiffeqarallartarneri ataatsimut katsikkaanni sapaatit akunneri 26-iupput. Nunani atugarissaaqatigerusuttakkatsinni kisiannili assersuuffigiinnartakkatsinni, minnerpaamik qaammatini qulingiluani erninerup nalaani sulinngiffeqartitsisarnerup pitsaaqutai paasineqareersimalerput. Danmarkimi Sverigimilu killiffiat uaniippoq, allaat erninerup nalaani sulinngiffeqarallatarneq ukiumik ilivitsumik sivisussuseqalersikkusunneqarluni. Tamanna meeqqap inuunerata pitsaanerpaamik aallaqqaateqartikkusunneranik tunngaveqartinneqarpoq. Tamanna aamma kalaallit meerartaannut atuutsinneqartariaqartoq demokraatit isumaqarput.
Sinerissamittaaq illoqarfiit ilaanni meeqqerivinni inissat amigaataapput, tamatumalu angajoqqaanngorlaat ajornartorsiortilertarpai. Sulisariaqarput, taamaakkaluartorli meerartik meeqqatilluunniit meeqqerivimmi tulluartumi paaritissinnaaneq ajorpaat. Suliffimmi suleqatigiinnermut iluaqutaanngeqisumik piffissami killiligaanngitsumi sulinngikkallattariaqanngikkaangamik ”angerlarsimaffinni paaqqinniffiit akuerisaanngitsut” atortariaqartarpaat. Amerlanertigut ”angerlarsimaffinni paaqqinnittut akuerisaanngitsut” meeqqerisutut ilinniagaqarsimassanngillat, tamannalu meeqqamut angajoqqaanullu ”meeqqeriviliaassinermi” toqqissisimanartuusanngilaq.
Erninerup nalaanni sulinngiffeqarallartarnerup qaamatinut qulingiluanut sivitsornera ajornartorsiutinik tamanik aaqqiisinnaanngilaq, meeqqeriviilli inissaaleqisitsinerannut iluaqutaasaaq, minnerunngitsumillu qulakkeerneqassaaq meeraq angerlarsimaffiup aavataani paaqqutarineqartariaqalersilluni anginerulereersimasussaammat.
Erninerup nalaanni sulinngiffeqarallartarnerup sivitsorneqarnera anaanaasumut ataataasumullu arlamik qaqugu angerlarsimasinnaanerata ilaqutariinnut namminnernut aalajangerneqartalerneratigut eqaallisarneqarnera iluaqutaassusaavoq.
Demokraatinit upperaarput ilaqutariinnut iluaqutaasussaq aamma meeqqamut iluaqutaassasoq, tamannaliuna apeqquteqaatima isumarpiarigaa.
9. marts 2004 UPA 2004/ 55
Inatsisartut Suleriaasiat § 36, imm. 2, naapertorlugu matumuuna imaattumik Naalakkersuisunut apeqquteqarpunga:
Kalaallit Nunaanni erninerup nalaani sulinngiffeqarallartarneq sivitsorniarlugu Naalakkersuisut sukumiisunik pilersaaruteqarpat, taamaalilluni assersuutigalugu Nunani Avannarlerni nunat ilaanni ilisimaneqartutulli qaammatinik qulingiluanik sivisussuseqalersillugu? Erninerup nalaani sulinngiffeqartarnerup maannakkut atuuttup inuiaqatigiit aningaasaqarniarnerannut pitsaaqutaasa akornutaasalu qulaajaavigineqarnissaa Naalakkersuisut sukumiisunik pilersaarutigaat?
(Inatsisartuni ilaasortaq Palle Christiansen, Demokraatit)
Tunngavilersuut:
Ullumikkut Kalaallit Nunaanni erninerup nalaanni sulinngiffeqarallartarneq sivikitsuararsuuvoq, angajoqqaammi marluullutik erninerup nalaanni sulinngiffeqarallartarneri ataatsimut katsikkaanni sapaatit akunneri 26-iupput. Nunani atugarissaaqatigerusuttakkatsinni kisiannili assersuuffigiinnartakkatsinni, minnerpaamik qaammatini qulingiluani erninerup nalaani sulinngiffeqartitsisarnerup pitsaaqutai paasineqareersimalerput. Danmarkimi Sverigimilu killiffiat uaniippoq, allaat erninerup nalaani sulinngiffeqarallatarneq ukiumik ilivitsumik sivisussuseqalersikkusunneqarluni. Tamanna meeqqap inuunerata pitsaanerpaamik aallaqqaateqartikkusunneranik tunngaveqartinneqarpoq. Tamanna aamma kalaallit meerartaannut atuutsinneqartariaqartoq demokraatit isumaqarput.
Sinerissamittaaq illoqarfiit ilaanni meeqqerivinni inissat amigaataapput, tamatumalu angajoqqaanngorlaat ajornartorsiortilertarpai. Sulisariaqarput, taamaakkaluartorli meerartik meeqqatilluunniit meeqqerivimmi tulluartumi paaritissinnaaneq ajorpaat. Suliffimmi suleqatigiinnermut iluaqutaanngeqisumik piffissami killiligaanngitsumi sulinngikkallattariaqanngikkaangamik ”angerlarsimaffinni paaqqinniffiit akuerisaanngitsut” atortariaqartarpaat. Amerlanertigut ”angerlarsimaffinni paaqqinnittut akuerisaanngitsut” meeqqerisutut ilinniagaqarsimassanngillat, tamannalu meeqqamut angajoqqaanullu ”meeqqeriviliaassinermi” toqqissisimanartuusanngilaq.
Erninerup nalaanni sulinngiffeqarallartarnerup qaamatinut qulingiluanut sivitsornera ajornartorsiutinik tamanik aaqqiisinnaanngilaq, meeqqeriviilli inissaaleqisitsinerannut iluaqutaasaaq, minnerunngitsumillu qulakkeerneqassaaq meeraq angerlarsimaffiup aavataani paaqqutarineqartariaqalersilluni anginerulereersimasussaammat.
Erninerup nalaanni sulinngiffeqarallartarnerup sivitsorneqarnera anaanaasumut ataataasumullu arlamik qaqugu angerlarsimasinnaanerata ilaqutariinnut namminnernut aalajangerneqartalerneratigut eqaallisarneqarnera iluaqutaassusaavoq.
Demokraatinit upperaarput ilaqutariinnut iluaqutaasussaq aamma meeqqamut iluaqutaassasoq, tamannaliuna apeqquteqaatima isumarpiarigaa.