Samling

UPA 2004 / 27

19. Maj 2004

 

2003-mut Sanaartornermut Nutaanngorsaanermullu aningaasaateqarfik pillugu nassuiaat.

 

Naalakkersuisut 2003-mi Saaartugassanut Iluarsagassanullu Aningaasaateqarfik pillugu nassuiaataat Siumumiit imatut oqaaseqarfigissavarput.

 

Sanaartugassanut Iluarsagassanullu Aningaasaateqarfiup pilersinneqarnerata siunertaraa sanaartugassanut iluarsagassanullu tunngasut tulleriiaarnerisa pingaarnersiornerisalu

aqunneqarnerisa pitsanngorsarnissaat. Tamatuma kinguneraa  Sanaartugassanut Iluarsagassanullu inatsisartut aningaasaliissutaasa erseqqinnerusumik aalajangiisussaniit malinnaavigineqarsinnaaneri.

Tamatumalu saniatigut inatsisartut qulakkeertarpaat sanaartugassat aningaasaliiffigisatik naammassinissaasa tungaannut, akiinut naleqquttunik, aningaasanik immikkoortitsivigineqartarneri.

 

Maluginiarparput sanaartugassanik aningaasaateqarfiup uninngasuutai ukioq kingullermut sanilliullugu amerleriartinneqarsimasut, illuatungaatigulli atorneqarsimasut ikinnerullutik, tamatuma ersersippaa sanaartornermut atugassat 637 mio. kruunit nalinginik suli naammassineqarsimanngitsunik iluarsagassaqarlunilu sanaartungassaqartoq. Erseqqissarusupparpullu aningaasat taakku siunertanut aaliangersimasunut pituttorneqareersimammata, inatsisartut aningaasanut inatsisaat aqqutigalugu.

 

Inuiaqatigiinni pisariaqartitat inatsisartuniit aningaasalersornerinut atatillugu pisariaqarpoq, sanaartornikkut suliaqartut naammassisinnaasaat nalilersorneqartuassasut.

 

Nunatsinni ukiuni kingullerni sanaartorneqartut misissorlugit Siumumiit maluginiarparput nuna tamakkerlugu Namminersornerullutik Oqartussaniit ukioq kingulleq 578 mio. kr.-nit sanaartornermi atorneqarsimasut, tassalu sanaartungassanut iluarsagassanullu aningaasaateqarfimmut nuunneqartunik 94 mio. kruuninik ikinnerullutik, taamaalilluni 2003-imi ukiup naanerani 637 mio. kruunit uninngasuutigineqarlutik.

 

Sanaartugassanut Iluarsagassanullu aningaasaateqarfimmi aningaasaliissutit inatsisartunit siorna aalajangerneqarpoq, kingullermillu Siumumiit naalakkersuisunut inassutigaarput missingersuusiornermut inatsisip, aningaasaliisarnermullu malittarisassap allanngortinneqarnis-saat sulissutigeqqullugu. Inatsisartunut ilaasortat periarfissaqalissammata aningaasaliissutit iluanni pingaarnersiuisinnaanermik siunissami misissuissinnaalernissaminnut, soorlu atuarfeqarfiit iluarsaannerannut tunngasumik annertunerusumik salliutitsinissamik kissaateqarnerup ersersikkaa tamanna.

 

Siumup anguniagaraa nunap immikoortuinut akisussaaffiliinerunissaq taamaattumillu sanaartugassanut tunngatillugu Kommunenut agguagassanngorlugit aningaasaliisarnissap piviusunngortinnissaa siunniunneqassasoq kaammattuutigissavarput. Ukiuni kingullerni

Nammineq illuliat nakkutigineqarnerisa A/S INI-mut tunniunneqarnerisa kinguneraat illuliat ukiut arlerlugit sananeqaratik uninngaannartartut amerlineri, taamaattumik Siumumiit naalakkersuisunut kaammattuutigissavarput A/S INI-p isumaginninnerata pitsaanerulernissaa anguniaqqullugu. Nasssuiaammi paasinarmat aserfallatsaaliuinermut tunngatillugu A/S INI-p suliassanik nakkutiginninnera naammaginanngitsoq, taamaatumik Siumumiit pisariaqartipparput aamma taakkununnga isumaginninnerata pitsaanerulersinniarlugu suliniutinik suli ingerlatsisoqartuarnissaanik.

 

Siumup pinngartippaa sanaartugassat nuna tamaat isigalugu, inuussutissarsiornermilu siuariartorfiit  pingaartillugit sanaartugassat iluarsagassallu susassaqarfinnut immikkoortukkaarlugit, ungasissoq isigalugu pilersaarusiorneqarnissaat. Soorlu atuarfinnut tunngatillugu naalakkersuisunit siuniunneqartutuut. Taamaalilluta isumannaassagatsigu inuiaqatigiit pisariaqartitaasa naapertuulluarnerusumik agguataarsinnaanissaat, tamatumanilu sanaartornermik suliallit artukkernagit aningaasaliisarnissaq isumannaarneqassammat.

 

Illoqarfinni ataasiakkaani annertuallaamik sanaartortitsisarnerup takutippaa akit qaffakkiartuinnartarneri, taamaattumik Sanaartugassanut Iluarsagassanullu aningaasaateqarfimmit suliassat aningaasalersorneqartut peqqissaartumik tunngavilersorluakkamillu inissiterneqartarnissaat Siumumiit piumasaraarput.

 

Siumumiit isumaqarpugut missingersuusiornermut inatsit, aningaasaliisarnermullu malittarisassat ilaatigut piumasaqaatitigut sukumiivallaartumik naalakkersuisut susassaqarfiinut piumasaqaateqartartut, taamaattumillu allaffissornerup annikillisarneqarnissaa siunertaralugu sanaartornermut aningaasaliissutit, naalakkersuisunit pitsaanerusumik aqunneqarnisaat anguniartariaqarsoraarput, inatsisartunit aningaasanut inatsisitigut sinaakkusersorneqareertarmata.

 

Sanaartornermik suliaqartunit ajornartorsiutitut taakkartorneqartartut aaqqiivigineqarnissaat naalakkersuisunut kaammattuutigerusupparput. Namminersornerullutik Oqartussaniit sanaartugassanut aningaasaliissutit ukiup naanerani inatsisartunit akuersaaneqareeraangata pilersaarusiornerit suliariumannittussarsiussinerillu ukiarnissaata tungaanut ingerlanneqartarput, tamatumalu kingunerisarpaa sanaassat ukiukkut aallartinneqartariaqartarneri. Tamanna sanatitsisunut inuiaqatigiinnullu akisuallaarpoq taamaattumillu pilersaarusiornerit eqaallisarnerisigut Siumumiit tamanna aningorniaqquarput.

 

Erseqqissassavarput aningaasanut inatsimmi aningaasaliissutit katinneri susassaqarfinnut aalajangersimasunut immikkoortunut  avammut nittarsaanneqartarnissaat Siumumiit Naalakkersuisunut suliareqqullugu kissaatigaarput. Maannakkut sanaartornermi suliallit

neqeruunnginnerminni nalunngereertarpaat qanoq aningaasaliisoqarnersoq, tamatumalu allanngortinneqarnissaa kissaatigaarput.

 

Kommunet Namminersornerullutik Oqartussallu sanaartugassanut tunngatillugu isumaqatigiissuteqartalernissaat (Anlægskontrakt) Siumumiit tapersersornartipparput,

taamaalillutik kommunet eqaannerusumik sanaartugassanut tunngasumik pilersaarusiorsinnaalernissaat anguneqassammat.

 

Taamatut oqaaseqarluta Naalakkersuisut saqqummiussaat nassuiaat tusaatissatut Siumumiit tinguarput.

 

Ole Thorleifsen

Siumut

UPA 2004 / 27

19. Maj 2004

 

2003-mut Sanaartornermut Nutaanngorsaanermullu aningaasaateqarfik pillugu nassuiaat.

 

Naalakkersuisut 2003-mi Saaartugassanut Iluarsagassanullu Aningaasaateqarfik pillugu nassuiaataat Siumumiit imatut oqaaseqarfigissavarput.

 

Sanaartugassanut Iluarsagassanullu Aningaasaateqarfiup pilersinneqarnerata siunertaraa sanaartugassanut iluarsagassanullu tunngasut tulleriiaarnerisa pingaarnersiornerisalu

aqunneqarnerisa pitsanngorsarnissaat. Tamatuma kinguneraa  Sanaartugassanut Iluarsagassanullu inatsisartut aningaasaliissutaasa erseqqinnerusumik aalajangiisussaniit malinnaavigineqarsinnaaneri.

Tamatumalu saniatigut inatsisartut qulakkeertarpaat sanaartugassat aningaasaliiffigisatik naammassinissaasa tungaannut, akiinut naleqquttunik, aningaasanik immikkoortitsivigineqartarneri.

 

Maluginiarparput sanaartugassanik aningaasaateqarfiup uninngasuutai ukioq kingullermut sanilliullugu amerleriartinneqarsimasut, illuatungaatigulli atorneqarsimasut ikinnerullutik, tamatuma ersersippaa sanaartornermut atugassat 637 mio. kruunit nalinginik suli naammassineqarsimanngitsunik iluarsagassaqarlunilu sanaartungassaqartoq. Erseqqissarusupparpullu aningaasat taakku siunertanut aaliangersimasunut pituttorneqareersimammata, inatsisartut aningaasanut inatsisaat aqqutigalugu.

 

Inuiaqatigiinni pisariaqartitat inatsisartuniit aningaasalersornerinut atatillugu pisariaqarpoq, sanaartornikkut suliaqartut naammassisinnaasaat nalilersorneqartuassasut.

 

Nunatsinni ukiuni kingullerni sanaartorneqartut misissorlugit Siumumiit maluginiarparput nuna tamakkerlugu Namminersornerullutik Oqartussaniit ukioq kingulleq 578 mio. kr.-nit sanaartornermi atorneqarsimasut, tassalu sanaartungassanut iluarsagassanullu aningaasaateqarfimmut nuunneqartunik 94 mio. kruuninik ikinnerullutik, taamaalilluni 2003-imi ukiup naanerani 637 mio. kruunit uninngasuutigineqarlutik.

 

Sanaartugassanut Iluarsagassanullu aningaasaateqarfimmi aningaasaliissutit inatsisartunit siorna aalajangerneqarpoq, kingullermillu Siumumiit naalakkersuisunut inassutigaarput missingersuusiornermut inatsisip, aningaasaliisarnermullu malittarisassap allanngortinneqarnis-saat sulissutigeqqullugu. Inatsisartunut ilaasortat periarfissaqalissammata aningaasaliissutit iluanni pingaarnersiuisinnaanermik siunissami misissuissinnaalernissaminnut, soorlu atuarfeqarfiit iluarsaannerannut tunngasumik annertunerusumik salliutitsinissamik kissaateqarnerup ersersikkaa tamanna.

 

Siumup anguniagaraa nunap immikoortuinut akisussaaffiliinerunissaq taamaattumillu sanaartugassanut tunngatillugu Kommunenut agguagassanngorlugit aningaasaliisarnissap piviusunngortinnissaa siunniunneqassasoq kaammattuutigissavarput. Ukiuni kingullerni

Nammineq illuliat nakkutigineqarnerisa A/S INI-mut tunniunneqarnerisa kinguneraat illuliat ukiut arlerlugit sananeqaratik uninngaannartartut amerlineri, taamaattumik Siumumiit naalakkersuisunut kaammattuutigissavarput A/S INI-p isumaginninnerata pitsaanerulernissaa anguniaqqullugu. Nasssuiaammi paasinarmat aserfallatsaaliuinermut tunngatillugu A/S INI-p suliassanik nakkutiginninnera naammaginanngitsoq, taamaatumik Siumumiit pisariaqartipparput aamma taakkununnga isumaginninnerata pitsaanerulersinniarlugu suliniutinik suli ingerlatsisoqartuarnissaanik.

 

Siumup pinngartippaa sanaartugassat nuna tamaat isigalugu, inuussutissarsiornermilu siuariartorfiit  pingaartillugit sanaartugassat iluarsagassallu susassaqarfinnut immikkoortukkaarlugit, ungasissoq isigalugu pilersaarusiorneqarnissaat. Soorlu atuarfinnut tunngatillugu naalakkersuisunit siuniunneqartutuut. Taamaalilluta isumannaassagatsigu inuiaqatigiit pisariaqartitaasa naapertuulluarnerusumik agguataarsinnaanissaat, tamatumanilu sanaartornermik suliallit artukkernagit aningaasaliisarnissaq isumannaarneqassammat.

 

Illoqarfinni ataasiakkaani annertuallaamik sanaartortitsisarnerup takutippaa akit qaffakkiartuinnartarneri, taamaattumik Sanaartugassanut Iluarsagassanullu aningaasaateqarfimmit suliassat aningaasalersorneqartut peqqissaartumik tunngavilersorluakkamillu inissiterneqartarnissaat Siumumiit piumasaraarput.

 

Siumumiit isumaqarpugut missingersuusiornermut inatsit, aningaasaliisarnermullu malittarisassat ilaatigut piumasaqaatitigut sukumiivallaartumik naalakkersuisut susassaqarfiinut piumasaqaateqartartut, taamaattumillu allaffissornerup annikillisarneqarnissaa siunertaralugu sanaartornermut aningaasaliissutit, naalakkersuisunit pitsaanerusumik aqunneqarnisaat anguniartariaqarsoraarput, inatsisartunit aningaasanut inatsisitigut sinaakkusersorneqareertarmata.

 

Sanaartornermik suliaqartunit ajornartorsiutitut taakkartorneqartartut aaqqiivigineqarnissaat naalakkersuisunut kaammattuutigerusupparput. Namminersornerullutik Oqartussaniit sanaartugassanut aningaasaliissutit ukiup naanerani inatsisartunit akuersaaneqareeraangata pilersaarusiornerit suliariumannittussarsiussinerillu ukiarnissaata tungaanut ingerlanneqartarput, tamatumalu kingunerisarpaa sanaassat ukiukkut aallartinneqartariaqartarneri. Tamanna sanatitsisunut inuiaqatigiinnullu akisuallaarpoq taamaattumillu pilersaarusiornerit eqaallisarnerisigut Siumumiit tamanna aningorniaqquarput.

 

Erseqqissassavarput aningaasanut inatsimmi aningaasaliissutit katinneri susassaqarfinnut aalajangersimasunut immikkoortunut  avammut nittarsaanneqartarnissaat Siumumiit Naalakkersuisunut suliareqqullugu kissaatigaarput. Maannakkut sanaartornermi suliallit

neqeruunnginnerminni nalunngereertarpaat qanoq aningaasaliisoqarnersoq, tamatumalu allanngortinneqarnissaa kissaatigaarput.

 

Kommunet Namminersornerullutik Oqartussallu sanaartugassanut tunngatillugu isumaqatigiissuteqartalernissaat (Anlægskontrakt) Siumumiit tapersersornartipparput,

taamaalillutik kommunet eqaannerusumik sanaartugassanut tunngasumik pilersaarusiorsinnaalernissaat anguneqassammat.

 

Taamatut oqaaseqarluta Naalakkersuisut saqqummiussaat nassuiaat tusaatissatut Siumumiit tinguarput.

 

Ole Thorleifsen

Siumut