Samling
DANSK TEKST MANGLER
Anthon Frederiksen
Upa – 2003/72-01
ulloq, 21. marts 2003
Aamaruutissarsiorfikup Qullissat takujuminarsarneqarnissaanik Naalakkersuisut suliniuteqaqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortap Aqqaluk Lynge-p siunnersuutaa Kattusseqatigiit sinnerlugit imaattumik oqaaseqarfigissuara:
Siullermik erseqqissaatigissuara Kattusseqatigiinni soqutigilluinnakkatta ilagimassuk pinngortitap mingutsinneqannginnissaanik salingaattuutitsinissamillu suliniutinut suliniarnernullu suleqataanissaq.
Taamaattumik Qutdligssat ukiut marlussuit matuma siornatigut malerujussuarnit eqqorneqarluni illorpassuit piuneerussaanerannik kinguneqartumik illoqarfiusimasup ilaat aamma alianaattorsuaq ilaatigut takujuminaallisimammat, taamaattumik siunnersuut Naalakkersuisullu akissuteqaataat paasilluarlugit Naalakkersuisuniit susassaqartut peqatigalugit iliuuseriniangaat akuersaarpakka.
Taamatut oqaaseqarlunga suliap taamatut isikkoqarluni aappassaanneerneqarnissaminut ingerlaqqinnissaa akuersaarpara.