Samling
|
ATTAVIITTUT KATTUSSEQATIGIIT |
||
|
Anthon Frederiksen Upa – 2003/59-01 |
ulloq, 19. marts 2003 |
|
Attumi meeqqeriviup inaarsarneqarnissaata 2004-mi aningaasanut inatsimmi ilanngunneqarnissaa pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortap Otto Jeremiassen-ip siunnersuutaa Kattusseqatigiit sinnerlugit imaattumik oqaaseqarfigissuara:
Isumaginnikkut sanaartugassat pilersaarusiorneqartarnerat aammalu ingerlanneqar-tarnerat pillugu malittarisassat naapertorlugit Kangaatsiap kommunia iliuuseqarsimangaluarpat maannakkut ajornartorsiutigineqartoq maana oqaluuserisassatut saqqummiunneqarsimassanngikkaluarmat eqqaasitsissutigissuara.
Taamaammat kommune-nut tamanut aammalu Namminersornerullutik Oqartussanut inuiaqatigiinnullu pingaaruteqarpoq sanaartugassanut tunngatillugu kommune-t ata-asiakkaat akisussaaffinnik pisinnaatitaaffinnillu ullumikkornit annerusunik tunineqar-nissaasa piviusunngortinneqarnissaa naalakkersuinikkut piviusunngortinniassallugu pimoorullugu sulissutiginissaa, minnerunngitsumik sanaartornermi kinguaattoortarnerit aammalu marloqiusamik aqutsinerup ingerlatsinerullu taamaatinneqarnissaa anguniarlugu, minnerunngitsumillu qeqqaniit aqutsinerup annikillisikkiartortinneqarnissaa anguniarlugit, minnerunngitsumik allaffissornermut ingerlatsinermullu aningaasartuuterpassuit taamaaliornikkut ikilisinneqarsinnaassammata.
Soorunami pisariaqarpoq pingaaruteqarlunilu sanaartugassat aningaasanut inatsisikkut akuerineqareersimanissaat qulakkiissallugu, suliat taamaattoqanngippat aallartinneqartussaanngimmata.
Taamatut oqaaseqarlunga naalakkersuisut akissuteqaataat tusaatissatut tiguara.