Samling
DANSK TEKST MANGLER
|
Politik-ikkut suliniaqatigiiffik ATTAVIITTUT KATTUSSEQATIGIIT |
||
|
Anthon Frederiksen UPA-2003/129-0 |
ulloq 19. marts 2003 |
|
Naalagaaffiup ataatsip arlallilluunniit Irak-imut sakkulersorlutik sorsunniarnerannut Kalaallit Nunanni Inatsisartut Pisortatigoortumik akerliliinissaannut Danmarkillu sakkulersorluni sorsoqataannginnissaanut Inatsisartut pisortatigoortumik piumsaqarnissaannut aalajangiiffigisassaattut siunnersuut.
Inuit Ataqatigiit sinnerlugit Aqqaluk Lynge-p Josef Motzgfeldt-illu siunnersuutaat Inatsisartut Suleriaasianni § 41 aamma § 32 naapertorlugit Danmarkip sakkulersor-luni sorsoqataannginnissaanut Inatsisartut pisortatigoortumik piumasaqarnissaannut aalajangiiffigisassatut siunnersuutaat Kattusseqatigiit sinnerlugit imaattumik oqaaseqarfigissuara:
Siullermik erseqqissaatigissuara Kattusseqatigiinni tunuliaquttannik tusarniaaqqaarsinnaanermut piffissap annikippallaarnera pissutigalugu periarfissaqarsimannginnama, taamaattumik uani uanga nammineq isumanga annisissuara.
Isumaqarpunga siunnersuut tunngaviatigut tamakkiisumik taperserneqartariaqartoq, kisianni taama oqareerlunga aamma isumaqarpunga Kalaallit Nunatta tungaaniit nassuerutigalugu oqaatigisariaqaripput; pisortatigoortumik danskit naalakkersuisuinut saaffiginninneq siusinnerujussuakkulli pisariaqaraluarmat, tassa taamani danskit naalakkersuisuisat siulittaasuat Anders Fogh Rasmussen, nalunaaruteqarmat, tassa taamani Amerika-imi naalakkersuisut siulittaasuat sorsunnissamik nalunaaruteqarnera taperserlugu oqaaseqaqqaarmalli.
Taamaattumik oqaaseqaatissatut siunnersuut tunngaviatigut akuersaarpara, kisianni oqaaseqatigiinni oqaaseq “ ajuusaarutigilluinnagaannik” atussallugu pissutissaqanngitsugut, tassami suna uagut ajuusaarutigissangatsigu ?
Taamaammat isumaqarpunga oqaaseq taanna oqaatsimik “Pakatsissutigilluinnagaannik” -imik taarserneqartariaqartoq.
Taamatut oqaaseqarlunga siunnersuut tunngaviatigut taperserpara.