Samling
DANSK TEKST MANGLER
INATSISARTUNI ILAASORTAATITAT/ LANDSTINGSGRUPPEN UPA2003/110
19 Marts 2003
Utoqqaat, Innarluutillit siusinaartumillu sulisinnaajunnaarnersiutillit ineqarnermut akiliutaasa aaqqissuuteqqinneqarnissaat pillugu misissuisoqarnissaa pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Siullermeernera
Inatsisartunut ilaasortap Anthon Frederiksenip, Kattusseqatigiit, Utoqqaat, Innarluutillit, siusinaarlutillu sulisinnaajunnaarnersiutillit ineqarnermut akiliutaasa aaqqissuuteqqinnissaannik misissuisoqarnissaa pillugu Naalakkersuisut peqquneqarnissaannik Inatsisartut aalajangiiffigissassaattut siunnersuutaa pillugu imatut Siumumiit oqaaseqassaagut:
Inatsisartunut ilaasortap Anthon Frederiksenip siunnersuutaa soqutiginarpoq, Naalakkersuisulli
akissuteqaataanni erseqqissumik paasitinneqarpugut Utoqqaat, Innarluutillit siusinaarlutillu sulisinnaajunnaarnersiutillit, ukiumut kr. 100.000 ataallugit pisartagallit ukioq manna juulip aallaqqaataaniit aallartittumik aaqqiviginiarneqarmata, taakkulu aningaasanut inatsimmiilernissaat Naalakkersuisunit siunnerfigineqartoq, Siumumiit tamakkiisumik tapersersorneqartoq matumani nalunaarutigissavara.
Siumumiit nuannaarutigaarput utoqqaat, innarluutillit siusinaarlutillu sulisinnaajunnaarnersiutillit
Naalakkersuisunit aaqqiivigineqarnissaat aningaasanut inatsisikkoorlugu aaqqiiviginiaqaneqarmat
Taamaattumik Siumumiit naalakkersuisut nalunaarutaat tamakkiisumik taperserlugu nalunaarutigaarput.
Enos Lyberth.
Siumut.