Samling
Almindelige bemærkninger
På Landstingets efterårssamling 2001 opfordrede Landstingets Erhvervsudvalg i sin betænkning vedrørende “Forslag til Landstingslov om erhvervsfremme inden for turisterhvervet og landbaserede erhverv” Landsstyret til at undersøge muligheden for at afgiftspålægge udenlandske krydstogtskibe; det være sig krydstogtskibe, der bevæger sig ind i grønlandsk territorialfarvand, som går til havn eller ankrer op uden at gå ind i nogen grønlandsk havn. Endvidere blev Landsstyret opfordret til at undersøge, hvilke muligheder der findes for indførelse af lodspligt på disse krydstogtskibe, når de befinder sig i grønlandsk farvand. Selve undersøgelsen, som nærværende forslag refererer til, er fremsendt til Landstingets Erhvervsudvalg før Landstingets forårssamling 2002, benævnt “Redegørelse vedrørende Krydstogtturisme i Grønland, februar 2002".
Det fremlagte forslag til ændring af reglerne for krydstogtskibes betaling af havneafgift vil medføre, at krydstogtturister fremover i højere grad end tidligere skal bidrage til den grønlandske økonomi, ligesom forslaget medfører, at der skabes mere lige konkurrencevilkår mellem udbydere af krydstogtsejlads i grønlandsk territorialfarvand, idet afgiften pålægges alle krydstogtskibe uanset nationalitet.
Ifølge ovennævnte undersøgelse anses det ikke for praktisk muligt, at indføre regler om en obligatorisk lodspligt for krydstogtskibe i grønlandsk territorialfarvand, idet man ikke vil kunne rekruttere det nødvendige antal lodser. Det anses heller ikke for muligt p.t. at indføre en generel meldepligt for krydstogtskibe i grønlandsk territorialfarvand, men det forventes, at der på internationalt plan vil blive besluttet en generel meldepligt inden for en overskuelig årrække.
Det foreslås, at krydstogtskibe fremover ikke skal betale havneafgift, men i stedet for betale en afgift på 300 kr. pr. passager, som skibet medbringer, samt at føreren af et krydstogtskib skal fremsende en liste til Skattedirektoratet med angivelse af antallet af passagerer senest 24 timer før skibets ankomst til en grønlandsk havn, red eller det sted på kysten, hvor skibet ilandsætter passagerer.
Endvidere foreslås det af administrative grunde, at passagerrederier, der sejler i fast rutefart mellem grønlandske havne, og som har indgået en servicekontrakt med Grønlands Hjemmestyre, fritages for havneafgift for disse passagerskibe, idet det forudsættes, at Grønlands Hjemmestyres betaling ifølge servicekontrakten, nedsættes med et beløb svarende til det beløb, rederiet skulle have betalt i havneafgift.
_________________
FM 2002/14
SDI j.nr. HAVN/25.01.01-7
Det foreslås, at forslaget skal træde i kraft fra 1. januar 2003, men da krydstogtrejser i 2003 allerede udbydes til salg hen over sommeren 2002, er det nødvendigt at vedtage loven under Forårs-
samlingen 2002, således at operatørerne i markedet kan blive orienteret inden rejserne i 2003
udbydes.
Hjemmestyrets bekendtgørelse nr. 28 af 27. november 1997 om havneafgift forventes efterfølgende ændret, således at der også skal svares havneafgift ved anløb af havnene i Kangerlussuaq og Narsarsuaq.
Forslaget til ændring af landstingslov om havneafgift forventes at indbringe landskassen et årligt merprovenu på 1,2 mio. kr., hvortil skal lægges besparelsen på servicekontrakten med Arctic Umiaq Line A/S på årligt kr. 1,8 mio., i alt årligt 3 mio. kr. fra og med 2003. Herudover forventes det, at den foreslåede omlægning af afgiften for krydstogtskibe vil medføre flere havneanløb, med en forventning om, at krydstogtpassagererne vil lægge en større omsætning i land.
Forslaget forventes ikke at have mærkbare administrative konsekvenser.
Forslaget har været til høring hos Arctic Umiaq Line A/S, Royal Arctic Line A/S, Direktoratet for Boliger og Infrastruktur, Direktoratet for Miljø og Natur, Sekretariatets Erhvervsafdeling, Sekretariatets Udenrigskontor, Økonomidirektoratet, KANUKOKA og Greenland Tourism A/S, hvis bemærkninger i relevant omfang er indarbejdet i lovforslaget.
Bemærkninger til de enkelte bestemmelser
Til § 1, nr. 1
Som konsekvens af, at krydstogtskibe ikke længere skal betale havneafgift, men i stedet for skal betale en afgift pr. passager, som skibet medbringer, foreslås det af informative grunde, at lovens titel ændres til landstingslov om havne- og krydstogtpassagerafgift.
Til § 1, nr. 2
Ved krydstogtskibe forstås et passagerskib, der ikke sejler i rutefart, og som ikke har det, som det primære formål at transportere passagerer fra en havn til en anden havn. Det primære formål for passagererne vil typisk være fornøjelse og rekreation, ligesom det typisk vil det være en turistmæssig attraktion i sig selv, at være passager ombord på et krydstogtskib.
Et passagerskib, som periodisk udgår af fast rutefart med henblik på at sejle turister op og ned af kysten, vil ved sådan sejlads være at betragte som et krydstogtskib.
Ved passager forstås enhver person, såvel betalende som ikke betalende, der er om bord på et skib. Besætningsmedlemmer og servicepersonale anses ikke som passager.
Det foreslås, at et krydstogtskib fremover ikke skal betale havneafgift, uanset hvor mange havne skibet måtte anløbe, men i stedet skal skibet betale en afgift på 300 kr. pr. passager det medbringer.
Afgiftstilsvaret pr. passager skal betales, såfremt skibet anløber en grønlandsk havn, ligger på red, eller ilandsætter passagerer på kysten.
Det udløser ikke yderligere afgifter, at skibet under dets sejlads langs Grønlands kyster anløber flere havne eller ilandsætter passagerer på kysten flere gange. Medtager krydstogtskibet under det igangværende krydstogt nye passagerer, skal skibet yderligere svare afgift, af det nye antal passager, som går ombord.
Udgår og afsluttes krydstogtet fra en grønlandsk havn, skal skibet svare afgift af det antal passagerer, som skibet medbringer ved afsejlingen fra den grønlandske havn. Det udløser ikke yderligere afgifter, at skibet under dets sejlads langs Grønlands kyster anløber flere havne eller ilandsætter passagerer på kysten flere gange. Medtager krydstogtskibet under det igangværende krydstogt nye passagerer, skal skibet yderligere svare afgift, af det nye antal passagerer, som går ombord.
Udgår krydstogtet fra en udenlandsk havn, herunder en dansk eller færøsk havn, men afsluttes i en grønlandsk havn, hvorfra nyt krydstogt med nye passagerer udgår til en udenlandsk havn, herunder en dansk eller færøsk havn, skal skibet svare afgift af de passagerer, som skibet medbringer til en grønlandsk havn samt det antal passagerer, som skibet medbringer ved afsejlingen fra den grønlandske havn.
Det foreslås, at føreren af et krydstogtskib, 24 timer før skibets forventede ankomst til grønlandsk havn, red eller det sted på kysten, hvor passagerer skal ilandsættes, skal fremsende en liste til Skattedirektoratet med angivelse af antallet af passagerer. En tilsvarende meldepligt gælder allerede i dag, idet føreren af et skib, som ikke indgår i fast rutetrafik efter en forud til Skattedirektoratet opgivet fartplan, straks ved skibets ankomst til det grønlandske afgiftsområde skal anmelde ankomsten til nærmeste havnemyndighed, og senest 24 timer før anløb af grønlandsk havn meddele pågældende havnemyndighed skibets forventede anløbstidspunkt.
Til § 1, nr. 3
Ved en servicekontrakt forstås en kommerciel kontrakt mellem Grønlands Hjemmestyre og en leverandør om levering af bestemte ydelser til en på forhånd aftalt pris, og hvor det er op til leverandørens effektivitet, hvorvidt han tjener eller taber på kontrakten.
Bestemmelsen vil p.t. alene få betydning for Arctic Umiaq Line A/S.
Til § 1, nr. 4
Det foreslås, at afgiftstilsvaret for krydstogtskibe forfalder, når skibet anløber den første grønlandske havn, red eller det sted på kysten, hvor passagerer skal ilandsættes, og at afgiften skal indbetales til Skattedirektoratet senest ved afsejlingen. Udgår krydstogtet fra en grønlandsk havn forfalder afgiften, når skibet anløber havnen, og afgiften skal indbetales til Skattedirektoratet senest ved skibets afsejling. Medtager et krydstogtskib nye passagerer fra en grønlandsk havn under et igangværende krydstogt, forfalder afgiften ved skibets anløb af den havn, hvor disse passagerer tages ombord, og den yderligere afgift skal indbetales til Skattedirektoratet senest ved skibets afsejling.
For andre skibe, der skal betale havneafgift, er reglerne om afgiftstilsvarets forfaldstidspunkt og seneste rettidige indbetaling af afgiftstilsvaret uændret.
Til § 2
Det foreslås, at landstingsloven skal træde i kraft den 1. januar 2003.
Oqaaseqaatit nalinginnaasut
Inatsisartut 2001-imi ukiakkut ataatsimiinneranni Inatsisartut Inuussutissarsiorneq pillugu ataatsimiitsitaliaata “Takornariaqarnermik inuussutissarsiuteqarneq aamma nunami inuussutissarsiutit siuarsarneqarnissaat pillugit Inatsisartut inatsisissaattut siunnersuummut” isumaliutissiissummini Naalakkersuisunut kajumissaarutigaa, nunat allamiut umiarsuaasa takornarianik angallassissutit akileraarusiiffigineqarsinnaanerat misissoqqullugu; pineqartut tassaapput umiarsuit takornarianik angallassissutit Kalaallit Nunaata imartaani angalaartillutik umiarsualivimmut nunalittut imaluunniit Kalaallit Nunaanni umiarsualivimmut nunalinngikkaluarlutik umiarsualiviup avataani kisartut. Naalakkersuisuttaaq kajumissaarneqarput misissueqqullugit, umiarsuit takornarianik angallassissutit taamaattut Kalaallit Nunaata imartaani angalaartillutik ilisimasortaqartussaatitaanissaannik atuutilersitsinissamut suut periarfissaanersut. Misissuineq siunnersuummi matumani innersuussutigineqartoq Inatsisartut 2002-mi upernaakkut ataatsimiinnissaat sioqqullugu Inatsisartut Inuussutissarsiorneq pillugu ataatsimiitsitaliaanut nassiunneqareerpoq, taaguteqartoq “Umiarsuit takornarianik angallassissutit atorlugit Kalaallit Nunaanni takornarianik angallassineq pillugu nassuiaat, februar 2002".
Umiarsuit takornarianik angallassissutit umiarsualivimmiinnermut akileraarutinik akiliisarnissaat pillugu maleruagassanik allannguinissamik siunnersuutip saqqummiunneqartup kingunerissavaa, umiarsuarni takornarianik angallassissutini ilaasunit siusinnerusumit annertunerusumik nunatta aningaasaqarniarneranut akileeqataasarnerunissaat, soorluttaaq siunnersuutip kingunerissagaa Kalaallit Nunaata imartaani takornarianik angallassinermik neqerooruteqartut unammillersinnaanermut assigiinnerusumik periarfissinneqarnerat, tassami umiarsuit takornarianik angallassissutit nunamit suminngaanneernerat apeqqutaatinnagu tamarmik akileraarutinik akiliisussanngortussaammata.
Umiarsuit takornarianik angallassissutit Kalaallit Nunaata imartaaniittut pinngitsooratik ilisimasortaqartarnissaannik aalajangersagaliornissap piviusunngortinneqarsinnaanera misissuineq qulaani taaneqartoq malillugu periarfissaqanngilaq, ilisimasortassammi naammattut pissarsiarineqarsinnaanissaat ajornassammat. Aammattaaq umiarsuit takornarianik angallassissutit Kalaallit Nunaata imartaaniittut nalunaaruteqarnissamik nalinginnaasumik maannakkorpiaq pisussaaffilerneqarnissaat periarfissaqanngilaq, kisiannili ukiut amerlanngitsut qaangiuppata nalunaaruteqarnissamik nalinginnaasumik pisussaaffiliinissap nunat tamat akornanni aalajangiunneqarnissaa naatsorsuutigineqarpoq.
Siunnersuutaavoq umiarsuit takornarianik angallassissutit siunissami umiarsualivimmiinnermut akileraarutinik akiliisaratik, tassunga taarsiullugu umiarsuup ilaasuinut akileraarummik ilaasumut ataatsimut 300 kr.-inik akiliisarnissaat, kiisalu umiarsuup takornarianik angallassissutip naalagaa, umiarsuup Kalaallit Nunaanni umiarsualivimmut nunalinnissaa, umiarsualiviup avataanut kisarnissaa imaluunniit ilaasuminik sinerissami nunnigussinissaa nal.ak. 24-nik sioqqullugu allattorsimaffimmik ilaasut qassiunerinik imaqartumik Akileraartarnermi Pisortaqarfimmut nalunaaruteqartarnissaa.
Kiisalu allaffissorneq eqqarsaatigalugu siunnersuutigineqarpoq, umiarsuaatileqatigiiffiit ilaasunik angallassisut Kalaallit Nunaanni umiarsualiviit akornanni aalajangersimasumik ingerlaartut, aammalu Namminersornerullutik Oqartussanik sullissinissamik isumaqatigiissuteqartut, umiarsuarnut ilaasunik angallassissutinut taakkununnga umiarsualivimmiinnermut akileraarutinik akiliisussaatitaannginnissaat, tassa naatsorsuutigineqarmat sullissinissamik isumaqatigiissut naapertorlugu Namminersornerullutik Oqartussat akiliutissaat umiarsuaatileqatigiiffiup umiarsualivimmiinnermut akileraarutinut akiliisussaasuuguni akiligassaraluisut annertutigisumik appartinneqassasut.
Siunnersuutip ulloq 1. januar 2003-miit atuutilernissaa siunnersuutaavoq, umiarsuilli 2003-mi takornarianik angallassinissaat 2002-p aasaanerani tuniniarneqalereersussaammata inatsisip 2002-mi upernaakkut ataatsimiinnissami aalajangiutivinneqarnissaa pisariaqarpoq, 2003-mi angalanissat neqeroorutigineqarnissaat sioqqullugu angallassinissamik tuniniaasartut tamanna ilisimareerniassammassuk.
Umiarsualivimmiinnermut akileraarutit pillugit Namminersornerullutik Oqartussat nalunaarutaata nr. 28, 27. november 1997-imeersup matuma kingorna allanngortinneqarnissaa naatsorsuutigineqarpoq, tassa Kangerlussuarmi Narsarsuarmilu umiarsualivinnut nunalinnermi umiarsualivimmiinnermut akileraarutinik akiliisarnissaq aamma atuuttussanngorlugu.
Umiarsualivimmiinnermut akileraarutit pillugit Inatsisartut inatsisaata allanngortinneqarnissaanik siunnersuutip landskarsimut ukiumut 1,2 mio. kr.-ninik isertitsissutaanerusarnissaa naatsorsuutigineqarpoq, taakkualu saniatigut sipaarutaasussaapput Arctic Umiaq Line A/S-ip sullissinissamik isumaqatigiissutaatigut atunngitsuugassat ukiumut 1,8 mio. kr.-nit, tassalu katillugit ukiumut 3 mio. kr.-nit ukioq 2003 aallarnerfigalugu. Taakku saniatigut naatsorsuutigineqarpoq akileraarutip aaqqiivigineqarnissaanik siunnersuutip kingunerisaanik umiarsuit takornarianik angallassissutit amerlanerusut umiarsualivinnut nunalittalernissaat, tassuunakkullu umiarsuit takornarianik angallassissutit ilaasuisa nunamiinnerminni aningaasanik amerlanerusunik atuisalernissaat.
Siunnersuutip allaffissornermut malunnaatilimmik sunniuteqarnissaa ilimagineqanngilaq.
Siunnersuut Arctic Umiaq Line A/S-imut, Royal Arctic Line A/S-imut, Ineqarnermut, Attaveqarnermut Pilersuinermullu Pisortaqarfimmut, Avatangiisinut Pinngortitamullu Pisortaqarfimmut, Allattoqarfiup Inuussutissarsiutinut immikkoortortaqarfianut, Allattoqarfiup nunanut allanut tunngasunut allaffianut, Aningaasaqarnermut Pisortaqarfimmut, KANUKOKA-mut aamma Greenland Tourism A/S-imut tusarniaassutigineqarsimavoq, taakkulu oqaaseqaataat pisariaqarneri malillugit inatsisissatut siunnersuutip suliarineqarnerani ilanngunneqarsimapput.
Aalajangersakkanut ataasiakkaanut oqaaseqaatit
§ 1, nr. 1-imut
Umiarsuit takornarianik angallassissutit umiarsualivimmiinnermut akileraarutinik akiliissaarlutik, tassungali taarsiullugu umiarsuup ilaasuinut inummut ataatsimut akileraarummik akiliisalersussaammata, paatsoortoqannginnissaa pillugu siunnersuutigineqarpoq inatsisip taaguutaa allanngortillugu, Umiarsualivimmiinnermut aamma umiarsuit takornarianik angallassissutit ilaasunik angallassinerannut akileraarutit pillugit Inatsisartut inatsisaannik taaguuteqalernissaa.
§ 1, nr. 2-mut
Umiarsuit takornarianik angallassissutit pineqartut tassaapput umiarsuit ilaasartaatit aalajangersimasumik ingerlaartuunngitsut aammalu umiarsualivimmiit umiarsualivimmut ilaasunik assartuinissaq siunertarinerullugu ingerlaartuunngitsut. Ilaasuisa pingaarnertut siunertaat tassaasarpoq nuannaariarneq qasuersaarnissarlu, soorluttaaq umiarsuarmi takornarianik angallassissummi ilaasuulluni takornariatut angalasuunissaq imminermini pilerigineqartartuusoq.
Umiarsuaq ilaasartaat aalajangersimasumik ingerlaarunnaarallarluni takornarianik sinerissami angallassissalluni aallartippat, umiarsuaq takornarianik angallassisutut isigineqassaaq.
Ilaasut pineqartut tassaapput inuk kinaluunniit, akiliilluni akiliinaniluunniit umiarsuarmiittoq. Inuttat sullissisullu ilaasutut isigineqanngillat.
Siunnersuutaavoq umiarsuit takornarianik angallassissutit umiarsualivimmiinnermut akileraarutinik siunissami akiliisannginnissaat, apeqqutaatinnagu umiarsuaq umiarsualivinnut qassinut nunalinnersoq, tassungali taarsiullugu umiarsuup ilaasuminut ataatsimut akileraarummik 300 kr.-iniusumik akiliisalernissaa.
Ilaasumut ataatsimut akileraarut akiligassanngussaaq umiarsuaq Kalaallit Nunaanni umiarsualivimmut nunalippat, umiarsualiviup avataanut kisarpat imaluunniit ilaasuminik sinerissamut nunnigussippat.
Umiarsuaq Kalaallit Nunaata sineriaani angalanermini umiarsualivinnut arlaqartunut nunalippat imaluunniit ilaasuminik sinerissamut arlaleriarluni nunnigussippat tamanna akileraarutinik akileeqqinnermik nassataqartussaanngilaq. Umiarsuaq takornarianik angallassissut angallassinerminik aallartitsereerluni nutaanik ilaasoqalerpat, umiarsuaq ilaasumi nutaat amerlassusiat malillugu akileraarutinik akiliinerussaaq.
Takornarianik angallassineq Kalaallit Nunaanni umiarsualivimmiit aallartinneqarlunilu naammassineqarpat, umiarsuup Kalaallit Nunaanni umiarsualivimmit aallarnerani ilaasuisa amerlassusiat malillugu umiarsuaq akileraarutinik akiliissaaq. Umiarsuup Kalaallit Nunaata sineriaani angalaarnermini umiarsualiviit arlaqartut nunaliffigippagit imaluunniit ilaasuminik sinerissamut arlaleriarluni nunnigussippat tamanna akileraarutinik akiliinerunermik kinguneqassanngilaq. Umiarsuaq takornarianik angallassissut angallassinerminik aallartitsereerluni nutaanik ilaasoqalerpat, ilaasut nutaat amerlassusiat malillugu umiarsuaq akileraarutinik akiliinerussaaq.
Takornarianik angallassineq nunap allap umiarsualivianiit, matumani aamma danskit savalimmiulluunniit umiarsualivianniit aallartinneqarpat, Kalaallilli Nunaanni naammassineqarluni, tassanngaanniillu nutaanik ilaasoqarluni nunap allap umiarsualivianut, matumani aamma danskit savalimmiulluunniit umiarsualiviannut ingerlaassalluni takornarianik angallassineq nutaaq aallarnerpagu, taava umiarsuup ilaasut Kalaallit Nunaanni umiarsualivimmut ilaasorisaasa amerlassusiat kiisalu umiarsuup Kalaallit Nunaanni umiarsualivimmiit aallarnermini ilaasorisaasa amerlassusiat naapertorlugu umiarsuaq akileraarutinik akiliissaaq.
Umiarsuup Kalaallit Nunaanni umiarsualivimmut, umiarsualiviup avataani kisarsimaffissaminut sinerissamiluunniit ilaasuminik nunnigussiffissamisut tikitassaanut siullermut apuunnissaa nal.ak. 24-nik sioqqullugu umiarsuup takornarianik angallassissutip naalagaata allattorsimaffimmik, ilaasut qanoq amerlatiginerannik imaqartumik Akileraartarnermi Pisortaqarfimmut nassiussisarnissaa siunnersuutaavoq. Taamatut nalunaaruteqartussaaneq ullumikkut atuutereerpoq, tassami ingerlaarfissatut pilersaarut Akileraartarnermi Pisortaqarfimmut nalunaarutigineqareersimasoq naapertorlugu umiarsuup aalajangersimasumik ingerlaarfeqanngitsup naalagaa pisussaammat, umiarsuup Kalaallit Nunaanni akitsuuteqarfiusumut tikinnerani tikinneq umiarsualivimmi oqartussaasunut qaninnerpaanut piaarnerpaamik nalunaarutigissallugu, aammalu umiarsuup Kalaallit Nunaanni umiarsualivimmut tikiffissaatut naatsorsuutigineqartoq kingusinnerpaamik nal.ak. 24-nik sioqqullugu umiarsualivimmi oqartussaasunut pineqartunut nalunaarutigissallugu.
§ 1, nr. 3-mut
Sullissinissamik isumaqatigiissut tassaatinneqarpoq suliassanik aalajangersimasunik akimillu siumut isumaqatigiissutaareersumik Namminersornerullutik Oqartussat suliassanillu isumaginnittussap akornanni niueqatigiilluni isumaqatigiissut, isumaqatigiissullu taanna suliassanik isumaginnittussap, qanoq sulleritsiginini apeqqutaatillugu iluanaaruteqarfigisinnaavaa annaasaqaatigisinnaalluguluunniit.
Aalajangersagaq maannakkorpiaq taamaallaat Arctic Umiaq Line A/S-imut sunniuteqartussaavoq.
§ 1, nr. 4-mut
Siunnersuutaavoq umiarsuit takornarianik angallassissutit akileraarutinut akiligassaasa akiligassanngortarnissaat, umiarsuup umiarsualivimmut, umiarsualiviup avataani kisarfissaminut imaluunniit sinerissami ilaasuminik nunnigussiffissaminut siullermut tikinneraniit, aammalu kingusinnerpaamik aallalernerani akileraarutit Akileraartarnermi Pisortaqarfimmut akilerneqartarnissaat. Takornarianik angallassineq Kalaallit Nunaanni umiarsualivimmiit aallartinneqarpat akileraarutinut akiligassat umiarsuup umiarsualivimmut tassunga nunalinnerani akiligassanngussapput, akileraarutillu kingusinnerpaamik umiarsuup aallalernerani Akileraartarnermi Pisortaqarfimmut akilerneqassallutik. Takornarianik angallassineq aallartereersoq umiarsuaq takornarianik angallassissut ilaasunik nutaanik Kalaallit Nunaanni umiarsualivimmiit ilaasoqalerpat, akileraarutinut akiligassat umiarsuup umiarsualivimmut tassunga ilaasunik nutaanik ilaasoqalerfimminut nunalinneraniit akiligassanngussapput, akileraarutinullu akiligassat amerlissutaat taakku kingusinnerpaamik umiarsuup aallalernerani Akileraartarnermi Pisortaqarfimmut akilerneqassallutik.
Umiarsuarnut allanut umiarsualivimmiinnermut akileraarutinik akiliisussanut akileraarutinut akiligassat akilerneqarfissanngorfiat aammalu akileraarutinut akiligassat kingusinnerpaamik akilerneqarfissaat pillugit aalajangersakkat allannguuteqanngillat.
§ 2-mut
Inatsisartut inatsisaata ulloq 1. januar 2003-miit atuutilernissaa siunnersuutaavoq.