Samling

14. oktober 2004 EM 2004/39/2

 

Forslag til Landstingsforordning om uddannelsesstøtte

(Landsstyremedlem for Kultur, Uddannelse, Forskning og Kirke)

 

Demokraterne har følgende bemærkninger til forslag til Landstingsforordning om uddannelsesstøtte.

Først vil vi sige at der er mange positive tiltag i forslaget.

Da det er meningen at de studerendes økonomi ikke skal forværres af forslaget mangler Demokraterne at der i forslaget bliver taget hensyn til de studerende som har meget dyre bogudgifter og dem som bor langt fra uddannelsesstedet som derfor må betale dyre busbilletter. Derfor har vi fra Demokraterne foreslået en forbedring.

 

Demokraterne mener også at modydelsen for at tilbyde gode støtteordninger er at de studerende inden for en årrække kommer tilbage til Grønland for at arbejde.

 

De nævnte emner har vi et forslag til i mindretalsudtalelsen.

 

Landsstyret har ikke fulgt disse forslag og vi fra Demokraterne har derfor besluttet at stemme blank.

 

Astrid Fleischer Rex

Demokraatit/Demokraterne

24.september 2004

UKA 2004/ 39

 

Ilinniagaqarnersiuteqarneq pillugu Inatsisartut peqqussutissaattut nr. xxxx-itut, xxx-imeersoq, siunnersuut.

 

Inuit annertuumik pikkorissarusuttut Demokraatinit tamakkiisumik tapersersorneqarput. Kalaallit inuiaqatigiit ineriartorteqqinneqarnissaannut ilinniartitaanerup siumut aqqutissaanera Demokraatinit isumaqarfigaarput.

 

Taamaattumik innuttaasut ilinniagarerusutaminnik, Nunatsinniippat, Danmarkimiippat nunaluniluunniit allaniippat, sumiiffik apeqqutaatinnagu toqqaanissaannut naammagittarluta tapersersuiumavugut. Aappaatigulli ilinniagaqartunut taamatut ajunngisaarnerup nunani allani ilinnigaqartup naammassiguni Nunatsinnut uterluni sulinertut ittumik utertitsilluni ”ilinniagaqarnersiutini akilertassagai” qulakkeerusupparput.

 

Nunami sumiluunniit ilinniagaqarnissamut toqqaanissamut misiliinerup ammaanneqarnera nuannaarutigaarput, naak ilinniagariumasaq Nunatsinni ilinniarneqarsinnaagaluartoq. Ajoqutaasorli tassaavoq, iliniagaqarniartup siumut ilisimareersinnaanngimmagu ilinniakkat sorliit misileraanermut ilaatinneqarnersut.

Taamaattumik Naalakkersuisunut ilaasortaq apererusupparput ilinniakkat sorliit misileraanermut ilaatinneqarnersut.

Tassa imatut paasineqartariaqarnerluni, assersuutigalugu tusagassiortunngorniaq ilinniartitsisunngorniarluunniit Nunatta avataani ilinniagaqarusulluni KIIIP-imit itigartitaasimasoq siunissami ilinniagaqarnersiuteqarluni Nunatta avataani tusagassiortunngorniarsinnaasoq ilinniartitsisunngorniarsinnaasorluunniit?

 

Ilinniagaqartut bussinut billetsinut atuakkanullu namminneerlutik akiliisalerlutik akisussaaffeqartinneqarnerulernissaat Demokraatinit isumaqataaffigaarput, ilinniagaqarnersiutit amerlisinneqarnerisigut akisussaaffeqarnerulissapput.

Taamaattorli Nunatta avataani ilinniagaqartuutivut ernumassutigaagut najukkaminniimmi ungasissumi ilinniarfeqartut bussinut billetsinut akileerujussuartarput. Bussinut billetsit atuakkallu eqqarsaatigalugit ilinniagaqarnersiutit qaammammut 400 kronit missaanni amerlineqarnerat taakkununnga naammanngilaq.

Nakorsanngornianut inatsisilerituunngornianullu ilinniagaqarnersiutit amerlineqarneri Demokraatinit aamma naammassorineqanngillat ilinniartummi taakku atuakkanut agguaqatigiissillugu qaammammut 400 kronit sinnerlugit atuisarput.

Taamattumik Danmarkimi ilinniagaqartunut siunnersuut malillugu ilinniagaqarnersiutit 9,5%-imik amerlineqartussat marluinngorlugit avinneqarnissaat Demokraatinit siunnersuutigaarput, taamaalilluni amerliliinerit marluinngussapput: aappaa 9,5%-nik amerlisut aappaalu 15%-inik.

 

Immikkut akiliuteqartarnerni siunnersuummi Danmarkimi ilinniagaqartut katsorsartinneqarnissaannut akiliutit allanngortinneqannginnissaat, meeqqanut tapit Danmarkimi tapit malillugit tunniunneqartarnissaat juullisioriartorlunilu angalanerni akiliunneqartarnissat nuannarutigaagut.

 

Klippekorteqartarneq eqqarsaatigalugu ilinniagaqartunut amerlanernut ukiuni arfineq´marlunni klippekorteqarnissaq Demokraatinit ajorineqanngilaq, ilinniakkap naammassinagu allamik aallartitsinissaq aamma pinngitsoortinniarlugu. Ilinniakkanili ukiuni tallimani – arfinilinni ilinniartarialinni klippekorti ukiuni arfineq´marlunni atorsinnaasoq eqqarsarnartoqartipparput, tassami ilinniakkani taakkunani naatsorsueqqissaartarfimmit kisitsisit malillugit angusinngitsoortartut amerlasaqaat taamaattumillu tamakkunani ilinniartut ukiuni arfineq´marlunni – arfineq´pingasuni naammasiniartarput. Ilinniakkat taama sivisutigisut eqqarsaatigalugit ukiut arfineq´marluk sinnerlugit klippekorteqartoqartarnissaa Demokraatinit siunnersuutigaarput.

 

Ukiumut taarsigassarsiarineqarsinnaasut marloriaatinngortinneqarnerat Demokraatinit akuersaarluarparput pilersitsinermili/ataasiaannarluni taarsigassarsiarisassat amerlassusissaat amigaartigaarput. Ullutsinni akit eqqarsaatigalugit maannakkut ataasiaannarluni taarsigassarsiarineqarsinnaasut 10.000 kronit Demokraatinit naammassorineqanngillat taamaatumillu amerlineqartariaqarput.

 

Taama pitsaatigisunik ilinniagaqarnersiuteqarnermut ilinniagaqartut ”taarsiisarnissaat” tassaassaaq, ilinniagaqartut ukiut aalajangersimasut iluini Nunatsinnut suliartortassasut. Suliartorumanngippata ilinniagaqarnersiutaasa ilaannik akiliisinneqartassapput.

 

 

Demokraatit siunnersuutigereernikuuaat siunnersuutigeqqissavaallu:

Immikkoortut tullinnguuttut makku ilinniagaqarnersiutit allanngortinneqarneranni ilanngunneqartariaqarput:

 

a)     Piginnaalersitsisumik ilinniagaqarlutik naammassisut tamarmik taasigassarsiaasa pingajorarterutaat taarserneqassanngitsut.

b)     Tamatuma saniatigut ilinniakkap naammassineqarneraniit ukiut pingasut iluini sivikinnerpaamik ukiuni marlunni Nunatsinni sulisimagunik taarsigassarsiamik pingajorarterutaat taarsissanngikkaat.

c)      Sivikinnerpaamik ukiuni pingasuni Nunatsinni sulisimagunik tarsigassarsiaasa pingajorarterutaat kingulleq taarsissanngilaat piginnaalersitsisumilli ilinniagaq ukiunit pingasunit sivikinneruppat ilinniakkap sivisussusaa apeqqutaatillugu Nunatsinni sulinerisa sivisussusissaat apeqqutaatillugu taarsigassarsiat pingajorarterutaat kingulleq taarsinngitsoorneqassalluni.

d)     Taarsigassarsiat 2/3-lii taarsinngitsoorusukkaanni Nunatsinni sulineq ilinniakkap naammassineqarneraniit ukiut tallimat qaangiutsinnagit aallartissimassaaq.

 

 

Taamatut oqaaseqarluta siunnersuutip Inatsisartut Kultureqarnermut Ilinniartitaanermullu Ataatsimiititaliannut ingerlateqqinneqarnissaa Demokraatinit siunnersuutigaarput. 

Astrid Fleischer Rex

Demokraatit/Demokraterne