Samling

20120913 09:26:39
Partiit oqaaseqaataat (Kattusseqatigiit)

 


Villy Olsvig 


Uka- 2004-36/01


 

 


ulloq,  27. oktober   2004

 


 


KNI A/S pillugu inatsisartut peqqussutaata allanngortinneqarneranik Inatsisartunut peqqussutaannut  siunnersuut


 


Nalunnaarusiaq Maesk Broker-ikkunneersut  Kattusseqatiginiit  soqutigalugu atuarsimavara imaatullu oqaaseqaateqarfigissallugu.


 


Siullermik Kattusseqatigiinniit maluginiarsimavara pisortaqarfiit/suliffeqarfiit sinerissamut siammarsarneqarsinnaanerannik Naalakkersuisut oqaluttarnera ersittumik iliuseqarfigineqarmat.


 


Taamatuttaarlu Kattusseqatigiinniit maluginiarsimallugu nalunaarusiami oqariartuutigineqarmat aningaasarsiornikkut pitsaqutissanik arlalinnik nassataqarumaartoq, taamaattorli aamma eqqaaneqarsimalluni inuttut aningaasaqarnikkullu atugarisanut arlaatigut sunniuteqarnerlukkumaartoq.


Nalunaarusiamimi ilaatingut eqqaaneqarsimammat ulloq naallugu suliffinnik 23-vinik naleqarsinnaassasoq.


 


Tamaattorli nalunaarusiami ilaatigut taaneqarsimanngitsunik Kattusseqatigiinniit peqarsorinarpoq.


 


Umiarsuaatileqatigiiffimmik Green Reefers Norskinik pigineqartumik inuiaqatigiit sullinneqalissappata kinguneriumaagassai suussanersut sukumiinerusumik eqqartorneqarsimannginneri Kattusseqatigiinniit malunginniarsimavara.


 


Ilaatingummi maannamut RAB-imi umiartortunut tunngatillugu suli qulakkeerneqarsimanngimmat siunissami umiarsuaatileqatigiiffimmi Green Reefers Norskinik pigineqartumi inuttanngorsinnaanissaat.


 


Umiarsuit anginerusut usitunerusullu atorneqalissappata  nunaqarfinni talittarfeqarnikkut qanoq eqqarsaasersuuteqartoqarnersoq Kattusseqatigiinniit takujuminaattippara.


 


Taamatuttaarlu umiarsuit anginerusut ikinnerusut usitunerusullu atorneqalissappata, tunisassiorfinni qerititsiveqarnikkut tunisassianik sivisunerusumik uninngasoqartaleratarsinnaanera ilimagineqartariaqassammat, tamatuma aalisartunut umiatsiaararsortunut minnerunngitsumillu tunisassiorfinni sulisartunut kingunerlunnginnissaa Kattusseqatigiiniit neriuutigissangatsigu.


 


Taamatut oqaaseqarlunga suliap aapassaaneerneqarnissaminut ataatsimiisitaliamut susassaqarfiusumi suliarineqarnissaa inassutingaara.

Ataatsimiinnerit

Ukiakkut ataatsimiinneq 2004

Ullormut oqaluuserisassat kiisalu ullut suliarineqarfissaat

Inatsisartut inatsisissaattut siunnersuutit- allannguutissallu Naalakkersuisunit UKA 04

04EM/01.25.01-36 KNI A/S pillugu Inatsisartut peqqussutaata allanngortinneqarneranik Inatsisartut peqqussutaannut nr. xx, xx 2004-meersumut siunnersuut

Siullermeerneqarnera

Partiit oqaaseqaataat (Kattusseqatigiit)