Samling
Dansk tekst mangler
Anthon Frederiksen Uka- 2004-32/01
|
ulloq, 24. september 2004 |
Tupa avatangiisinillu tupatorfiunngitsunik isumannaarineq, kiisalu tapanik nioqqutissat nalunaaqutserneqartarneri pillugit Inatsisartut peqqussutaannut siunnersuutip siullermeerneqarnera.
Kattusseqatigiit sinnerlugit imaattumik oqaaseqarfiginiarpara:
Allannguutissartut siunnersuutit Kattusseqatigiinniit tamakkiisumik taperserpavut, minnerunngitsumik tuba peqqinnanngilluinnartuummat aammalu minnerunngitsumik meeqqanut inuusuttunullu tuba-p atungaanera aamma inuiaqatigiinnut peqqinnissaqarfimmullu annertoorujussuarmik kingunerlutitsisarmat, taamaattumik tuba-p atungaaneri pillugu maanna iliuuseriniarneqartut tamanit tapersersortariaqarput.
Isumaqarpunga inuusuttut ornittangaanni klub-bini allanilu aamma inuusuttuaqqat ornittangaanni pujortaqqusaannginneq atuutinneqartariaqartoq, tassami tuba.-p atungaanerata siammarterneqarnera aamma taakkunani pisarmat.
Taamatut oqaaseqarlunga suliap appassaanneerneqannginnerani ataatsimiititaliamut susassaqarfiusumut oqaluuserisassanngorlugu ingerlanneqarnissaa inassutingaara.