Samling
|
Anthon Frederiksen Uka –28/ 2004-01
|
ulloq, september 2004 |
Annertussusileriikkanik ikiorsiissutit pillugit Inatsisartut peqqussutaata allanngortinneranik Inatsisartut peqqussutissaattut siunnersuutip siullermeerneqarnera.
Annertussusileriikkanik ikiorsiissutit pillugit Inatsisartut peqqussutaata allanngortinneqarnissaanik Inatsisartut peqqussutissaattut siunnersuut Kattusseqatigiit sinnerlugit imaattumik oqaaseqarfigissuara:
Siullermik erseqqissaatigissuara; Kattusseqatigiinni anguniakkatta pingaartut aamma ilagimmassuk; Nunatsinni suliffissaaleqinerup sapinngisamik minnerpaaffissaatinneqarnissaa qulakkeerniarlugu periarfissat assigiinngitsut atorlugit suliffissanik pilersitsiortornermut aqqutissiueqataassalluta aammalu ilinniartitaanikkut pikkorissartitsiuarnikkullu suliffissaaleqisut sapinngisamik assigiinngitsunik sammisassaqartinneqartuarlutillu unittuunnginnissaat anguniarlugu suleqataajuassalluta, taamaattumik aamma annertussusileriikkanik ikiorsiissutit akileraaruteqaataasussanngortinneqarnissaannik siunnersuut paasilluarlugu ilalernartipparput, naak allaffissornikkut suliassanik aallaqqaammut annikillisitsisinnaanera ilimanaateqanngikkaluartoq, kisianni ungasinnerusoq isigalugu tamanut iluaqutissartaqarnera naatsorsuutigineqarsinnaammat.
Taamatut oqareerluta ataatsimiititalianut susassaqartunut piumasaqaatigissuarput; suliap aappassaanneerneqannginnerani aalisartut, piniartut, nunalerinermik uumasuuteqarnermillu inuutissarsiuteqartut immikkut illuinnartumik inuutissarsiutiminnik ajornartoorluinnarnerminni annertussusileriikkanik ikiorserneqarsinnaalernissaat misissuiffigeqqullugu.
Taamatut oqaaseqarlunga suliap aappassaanneerneqannginnerani Inatsisartut akileraartarnermut akitsuusiisarnermullu ataatsimiititaliaani aammalu ataatsimiititaliani allani susassaqarfiusuni oqaluuserineqarnissaa inassutingaara.
|
Anthon Frederiksen Uka –28/ 2004-01
|
ulloq, september 2004 |
Annertussusileriikkanik ikiorsiissutit pillugit Inatsisartut peqqussutaata allanngortinneranik Inatsisartut peqqussutissaattut siunnersuutip siullermeerneqarnera.
Annertussusileriikkanik ikiorsiissutit pillugit Inatsisartut peqqussutaata allanngortinneqarnissaanik Inatsisartut peqqussutissaattut siunnersuut Kattusseqatigiit sinnerlugit imaattumik oqaaseqarfigissuara:
Siullermik erseqqissaatigissuara; Kattusseqatigiinni anguniakkatta pingaartut aamma ilagimmassuk; Nunatsinni suliffissaaleqinerup sapinngisamik minnerpaaffissaatinneqarnissaa qulakkeerniarlugu periarfissat assigiinngitsut atorlugit suliffissanik pilersitsiortornermut aqqutissiueqataassalluta aammalu ilinniartitaanikkut pikkorissartitsiuarnikkullu suliffissaaleqisut sapinngisamik assigiinngitsunik sammisassaqartinneqartuarlutillu unittuunnginnissaat anguniarlugu suleqataajuassalluta, taamaattumik aamma annertussusileriikkanik ikiorsiissutit akileraaruteqaataasussanngortinneqarnissaannik siunnersuut paasilluarlugu ilalernartipparput, naak allaffissornikkut suliassanik aallaqqaammut annikillisitsisinnaanera ilimanaateqanngikkaluartoq, kisianni ungasinnerusoq isigalugu tamanut iluaqutissartaqarnera naatsorsuutigineqarsinnaammat.
Taamatut oqareerluta ataatsimiititalianut susassaqartunut piumasaqaatigissuarput; suliap aappassaanneerneqannginnerani aalisartut, piniartut, nunalerinermik uumasuuteqarnermillu inuutissarsiuteqartut immikkut illuinnartumik inuutissarsiutiminnik ajornartoorluinnarnerminni annertussusileriikkanik ikiorserneqarsinnaalernissaat misissuiffigeqqullugu.
Taamatut oqaaseqarlunga suliap aappassaanneerneqannginnerani Inatsisartut akileraartarnermut akitsuusiisarnermullu ataatsimiititaliaani aammalu ataatsimiititaliani allani susassaqarfiusuni oqaluuserineqarnissaa inassutingaara.