Samling
24. september 2002 UKA 2002/95
Sisimiuni umiarsualivik pillugu suliaq sumut killippa aammalu allilerinissap piviusunngortinneqarnissaa qaqugu naatsorsuutigineqarsinnaava)
(Inatsisartuni ilaasortaq Godmand Rasmussen)
Akissuteqaat
(Ineqarnermut, Attaveqarnermut Pilersuinermullu Naalakkersuisoq)
Siullermeerneqarnera
Sisimiut umiarsualiviata allilerneqarnissaata pilersaarusiornera suli naammassineqanngilaq, naalakkersuisoqarfimma kissaatigisimammagu annertusaanissamut pilersaarusiami 2002-mi upernaakkut inatsisartunut ilaasortanut agguaanneqartumi naatsorsuutigisat pingaarnersiuinerillu inuiaqatigiit aningaasaqarnerannut tunngatillugu nalilersorlugit misissorneqassasut. Nalilersuilluni misissuineq taanna maannakkorpiaq susassaqarfiit arlallit peqataasoralugit suliarineqarpoq. Nalilersuilluni sulinermi soorunami Sisimiut umiarsualiviata qanoq annertutigisumik atugaanera pillugu paasissutissat ilanngunneqassapput.
2002-mi upernaakkut umiarsualivinnik annertusaanissamut pilersaarummi tunniunneqartumi oqaatigineqarpoq ukiuni qulini tulliuttuni milliardit affaasa missaannik tamakkiisumik aningaasalersuinissaq pisariaqartinneqassasoq. Tamatta soqutigisariaqarparput taamatut aningaasalersuinissamik kissaateqarnerup sukumiinerusumik nalilersorneqarnissaa, taamatullu aamma pingaarnersiuilluni tulleriiaarisoqarnissaa patajaatsumik inuiaqatigiillu aningaasaqarniarnerat eqqarsaatigalugu isumatusaartumik aalajangiinissamut tunngaveqarluni.
Nalilersuilluni misissuineq suli naammassineqanngilaq naatsorsuutigineqarporli ima piffissaalluarallartillugu naammassineqarsimassasoq 2003-mut Inatsisartut Aningaasanut inatsisissaattut siunnersuutip aappassaaneerneqarnerani Naalakkersuisuniit pingaarnersiuinissamut tulleriinnilersuineq saqqummiunneqarsinnaassalluni.
24. september 2002 UKA 2002/95
Sisimiuni umiarsualivik pillugu suliaq sumut killippa aammalu allilerinissap piviusunngortinneqarnissaa qaqugu naatsorsuutigineqarsinnaava)
(Inatsisartuni ilaasortaq Godmand Rasmussen)
Akissuteqaat
(Ineqarnermut, Attaveqarnermut Pilersuinermullu Naalakkersuisoq)
Siullermeerneqarnera
Sisimiut umiarsualiviata allilerneqarnissaata pilersaarusiornera suli naammassineqanngilaq, naalakkersuisoqarfimma kissaatigisimammagu annertusaanissamut pilersaarusiami 2002-mi upernaakkut inatsisartunut ilaasortanut agguaanneqartumi naatsorsuutigisat pingaarnersiuinerillu inuiaqatigiit aningaasaqarnerannut tunngatillugu nalilersorlugit misissorneqassasut. Nalilersuilluni misissuineq taanna maannakkorpiaq susassaqarfiit arlallit peqataasoralugit suliarineqarpoq. Nalilersuilluni sulinermi soorunami Sisimiut umiarsualiviata qanoq annertutigisumik atugaanera pillugu paasissutissat ilanngunneqassapput.
2002-mi upernaakkut umiarsualivinnik annertusaanissamut pilersaarummi tunniunneqartumi oqaatigineqarpoq ukiuni qulini tulliuttuni milliardit affaasa missaannik tamakkiisumik aningaasalersuinissaq pisariaqartinneqassasoq. Tamatta soqutigisariaqarparput taamatut aningaasalersuinissamik kissaateqarnerup sukumiinerusumik nalilersorneqarnissaa, taamatullu aamma pingaarnersiuilluni tulleriiaarisoqarnissaa patajaatsumik inuiaqatigiillu aningaasaqarniarnerat eqqarsaatigalugu isumatusaartumik aalajangiinissamut tunngaveqarluni.
Nalilersuilluni misissuineq suli naammassineqanngilaq naatsorsuutigineqarporli ima piffissaalluarallartillugu naammassineqarsimassasoq 2003-mut Inatsisartut Aningaasanut inatsisissaattut siunnersuutip aappassaaneerneqarnerani Naalakkersuisuniit pingaarnersiuinissamut tulleriinnilersuineq saqqummiunneqarsinnaassalluni.