Kalaallit Nunaanni siunissami timmisartunik angallassinerup ilusissaa pillugu nassuiaat
UKA 2002/69
1. Aallaqqaasiut
Tunngavia
Kalaallit Nunaanni angallannerup annertusarneqarnissaa piukkunnarsarnissaalu pillugit Namminersornerusut 2001-imi misissueqqissaarneq annertooq ingerlappaat. Kalaallit Nunaanni timmisartukkut angallassinerup ilusaata annertusarneqarnissaanut atasumik akilersinnaassusermik ingerlatsinikkullu misissueqqissaarnerit annerusumik misissorneqarput.
Pilersaarutit misissueqqissaarnerillu Inatsisartut ukiakkut 2001-imi aamma 2002-mi upernaakkut ataatsimiinneranni oqallisigineqarput. Aammattaaq Ineqarnermut, Attaveqarnermut Pilersuinermullu Pisortaqarfik timmisartumik angallassisarnermi allannguutissanik pitsannguutissanillu siunnersuutigineqartut pillugit illuatungeriit peqataatinneqartut tusarniaaffigineqarnissaat siunertaralugu ukiuunerani 2002-mi Angallanneq pillugu isumasioqatigiissitsivoq.
Angallanneq pillugu isumasioqatigiissitsinermi kiisalu angallanneq pillugu politikikkut upernaakkut oqallinnermi Ineqarnermut, Attaveqarnermut Pilersuinermullu Naalakkersuisoq inerniliivoq misissueqqissaarnerit oqallinnerillu imatut tikkuussissasut:
A
Narsarsuup annertuumik iluarsartuussiffigineqartussanngortup Qaqortumi nunap immikkoortuani nutaamik mittarfiliorfigineratigut taarserneqarnissaa eqqarsaatigineqartariaqartoq.
A
Nuummi Ilulissanilu mittarfiit 1199 meterinngorlugit tallineqartariaqartut.
A
Nunap immikkoortuani mittarfiliassaq aningaasanut inatsimmi ilanngunneqarsimasoq pinnagu Paamiuni pisariitsumik mittarfiliortoqartariaqartoq.
A
Kitaani mittarfiit ilaasa annikinnerusumik atorneqarnissaat timmisartunillu 19-inik ilaasoqarsinnaasunik timmisartorfigineqarnissaannut periarfissat misissorneqartariaqartut.
Naalakkersuisunut ilaasortaq aamma inerniliivoq sanaartugassatut aningaasaliiffigineqartussat nutaat siunnersuutigineqartut inuiaqatigiinnut akilersinnaassuseqarnerannik nalilersuinerit inaarutaasumik isummerfigineqartariaqartut.
Timmisartunik angallassinermi ilusip oqaluttuarisaanerata tunngavia
Kalaallit Nunaanni timmisartumik angallassinermi iluseq Kangerlussuarmi Narsarsuarmilu sakkutooqarfinnut mittarfiusimasunit marluusunik oqaluttuarisaanikkut tunngaveqarpoq, timmisartorneq sakkutooqarnerlu eqqarsaatigalugit inissilluarneqarsimasut, kisiannili ullumikkut inuinnaat atuinissamullu pisariaqartitsinerit eqqarsaatiginagit.
Tamatuma malitsigisaanik Kalaallit Nunaannut atlantikukkut angallassineq tamarmi nunap iluani mittarfinnik ingerlaqqiffiusussanik pisariaqartitsivoq, atlantikukkut mittarfiit taakku marluk aamma Kalaallit Nunaanni mittarfiit sinnerisa akornanni ilaasunik piffissaq sivikinnerpaaq atorlugu assartuisoqartariaqarluni. Taamatut timmisartuussisarnerup pisariaqartippaa Kangerlussuarmi Narsarsuarmilu utaqqinissaq sivikillisinniarlugu nunap iluani timmisartunik anginerpaanik peqarnissaq. Ilaasut atlantikukkoorlutik Kangerlussuarmukartut 50%-ingajaat Nuummut ingerlasarput 17%-illu Ilulissanut.
Ullumikkut atukkat tunngavigalugit timmisartumik ingerlaqqittarneq nunap iluani timmisartup atorneqartussap angissusissaanut timmisartumik ingerlaqqilluni angallannermut taamaallaat aalajangiisussaanngilaq, kisianni aamma nunap sinneranut angallassinermut timmisartunik 50-inik ilaasoqarsinnaasunik pisariaqartitsinngitsunik, tassa atuisut piumasaqaataat tunngavigalugit naammaginartumik akuttutigisumik timmisartuussisoqartassappat. Timmisartut Dash 7, ullumikkut mittarfinnut naatsunut missinnaasuni, 50-inik ilaasoqarsinnaasuni timmisartuni kisiartaammata, timmisartut Dash 7-init timmisartunik nutaalianik angeqqataannillu taarserneqartussanngorpata ullumikkullu angallasseriaaseq ingerlatiinnarneqassappat mittarfiit tallineqarnissaannut annertuumik aningaasaliisoqartariaqassaaq.
Kalaallit Nunaannili illoqarfinni ataasiakkaani (Nuuk Ilulissallu eqqaassanngikkaanni) angallanikkut pisariaqartitsineq mittarfiit taakku tallineqarnissaannik pisariaqartitsoqanngilaq, taamaallaalli Kangerlussuarmut siumut utimullu timmisartumik ingerlaqqittarnermi timmisartup qanoq ittuunissaanik pisariaqartitsoqarluni. Nunap iluani timmisartuussineq timmisartunik mikinernik akulikinnerusumillu ingerlasartumik isumagineqassappat naleqqunnerussaaq, ilaasut aamma allakkat usinillu assartuussinermut iluaqutaasumik.
Nunap iluani timmisartuussinermi takorluukkat
Nunap iluani timmisartuussinermi pilersaarutit allannguutissallu qulaani pineqartut Kalaallit Nunaanni timmisartut nutaalianngortinnissaannut periarfissiissaaq. Kalaallit Nunaanni timmisartuussinermi Dash 7-init ullumikkut tunngaviupput. Taakku siunissami qanittumi taarserneqartussaapput.
Taarsiineq pisussaq timmisartut pisoqaanerannut kiisalu timmisartut ingerlanneqarnerinut annertuumik aningaasartuutaanerinut naleqqiunneqassaaq. Timmisartut Dash 7-it imaaliallaannaq taarserneqarsinnaanngillat, ullumikkut timmisartut nutaaliat taamaaqataat taamatut ilaasoqarsinnaasut Nunatsinni mittarfiit 799 meterinik takissusillit miffigisinnaanngimmatigik. Timmisartunik nutaalianik iluaqutaasumik timmisartuussisoqassappat pisariaqarpoq mittarfiit 1199 meterinngorlugit tallineqarnissaat.
Tamannali ima annertutigisumik sanaartornermi aningaasaliissuteqarnissamik pisariaqartitsissaaq mittarfinnut tamanut atuunnissaanut piviusunngornissaa ilimanarani. Taarserluguli sulissutigeqqissallugu aalajangiunneqarpoq mittarfiit angallaffigineqarnerpaat tallineqarnissaat tamatumalu malitsigisaanik mittarfinnut mikinerusunut qanittuaniittunut qitiusutut atorneqarlutik. Tamatuma kingunerissavaa mittarfiit mikinerusut assersuutigalugu Dash 6-inik (tamatuma kingorna Twin Otter) imaluunniit Dornier 228-nik 19-inik ilaasoqarsinnaasunik timmisartorfigineqarnissaat. Taamatut aaqqiinerup illuatungaatigut qulakkiissavaa timmisartut nutaalianngortinniarlugit mittarfiit tamarmik tallineqarnissaat pisariaqarunnaassasoq.
Aappaatigullu tikiffissat annikinnerusumik angalaffigineqartut timmisartunik anginernik akunnattumik isorartussusilinnut timmisinnaasunik timmisartorfigineqarnissaat pinngitsoorneqassaaq, soorlu ATR 72/42 aamma Dash 8, ilaasoqarnermikkut tamakkiisumik qaqutigoortumik atorneqarsinnaassaammata. Kiisalu Dash 7 atorlugu timmisartuussinissap ingerlatiinnarnissaanut pinngitsaalineqarnissaq pinngitsoorneqassalluni. Taamatut aaqqiinermi aamma tikiffissat taakku akulikitsumik timmisartorfigineqalersinnaaneri aamma qulakkeerneqassapput. Timmisartut angisuut atornerisigut timmisartuussinerup imminut akilersinnaanissaa eqqarsaatigalugu akulikitsumik timmisartuussisinnaanerup appartinneqarsinnaanera aamma annilaangassutigineqarsinnaavoq.
Taamatut timmisartuussinerup mittarfiit mikinerusut annikinnerusumik atorneqalernissaannut aamma periarfissiisoqassaaq, mittarfinnimi annikinnerusumik atorneqartuni immikkut qatserisartoqarnissaanut annaassiniarnissamullu inuttaqartitsinissamut ilaatigut pisariaqartitsisoqarunnaassammat. Annikinnerusumik mittarfiup atorneqartup ingerlanneqarnera nunap immikkoortuini mittarfiit nutaat 799 meterinik mittarfillit ingerlanneqarnerinit malunnartumik akikinnerupput. Tamatumani Namminersornerusut Mittarfeqarfinnut ingerlatsinermut aningaasaliissutaat annikillisinneqassapput.
Timmisartussinikkut ilusip taamatut aaqqissuunneratigut timmisartuussineq sumiiffinni pisariaqartitaviit ullumikkornit annertunerusumik aallaavigineqarnissaannik aamma Namminersornerusunut qulakkeerneqarnissannik periarfissaqalissaaq. Tamanna pisinnaavoq nunap iluani timmisartuussinissap ilaa, timmisartunik mikinernik annerpaamik 19-inik ilaasoqarsinnaasunik isumagineqartussaq, ukiuni 8-10-ni sivisussusilinnik ilaasunik angallassinissamik arlalinnik akuersissuteqarnikkut tamanut neqeroorutigineratigut. Tamatuma kingunerissavaa, aningaasartuutit eqqarsaatigalugit, tikiffissat aalajangersimasut timmisartorfiginerisa paasiuminarnerulernissaat.
Mittarfinni 1199 meteriusuni allani ilaasunik angallassineq niuerneq tunngavigalugu ingerlanneqalersinnaassaaq. Tassani timmisartortitsisoq ataaseq imaluunnit amerlanerit, ukiut arfineq pingasut-qulikkaarlugit tikiffissanut timmisartuussinissaannut isumaqatigiissuteqarfigineqarsinnaassapput. Taamatut pisinnaatitaaffimmut aamma ilaassaaq billetsip aamma usit akiinut Namminersornerusut akuersisarnissaat, timmisartuussisup aappaa kisimiilluni ingerlassisuulissammat. Timmisartuussisoq akit akuerineqartut naapertorlugit timmisartuussisinnaassanngippat Namminersornerusullu tamatuma eqqortuunnginnera qularissappassuk, taava namminersornerusut timmisartuussisartunut allanut saaffiginnissinnaavoq apeqqutigalugulu suliassaq isumagisinnaaneraat.
Taamaattorli timmisartut Dash 7-it atorunnaarsikkiartorneri ukiut arlallit ingerlanerini pisussaassaaq. Ukiuni arlalinni timmisartuussinikkut ilusit marluk ataatsikkut ingerlanneqartariaqarnerinik tamanna kinguneqassaaq. Illuani timmisartuussinikkut iluseq ataaseq akunnattumik isorartussusilimmik timmisinnaasut timmisartut angisuut timmisartullu 19-inik ilaasoqarsinnaasut, appaatigullu timmisartuussinikkut ilusit ullumikkutut Dash 7 atorlugu timmisartuussinermik aallaaveqartoq.
Angallanneq pillugu nassuiaammi siunniunneqarpoq
A
Kangerlussuup aamma Nuup, Ilulissat aamma Kujataata akornanni timmisartumik ingerlaqqiffiusartut angisuut akornanni timmisartunik akunnattumik isorartussusilimmik timmisartunik nutaalianik (ATR 72/42) isumagineqassasut.
A
Paamiut aamma Maniitsoq timmisartunik 19-inik ilaasoqarsinnaasunik isumagineqassasut.
A
Kitaani Tunumilu mittarfiit allat suli timmisartunik Dash 7-inik isumagineqassasut.
Taamatut timmisartunik Dash 7-inik atorunnaarsitsiartornissamik siunniussineq makku tunualiaqutigalugit qinerneqarpoq: 1) timmisartumik ingerlaqqilluni angallassineq annertuumik ilaasussatigut tunngavissaqarluartutut isikkoqarmat, taamaalilluni timmisartut akunnattumik isorartussusilimmik timmisartut angisuut pisinnaasaat atorneqarsinnaalluni, aamma 2) Paamiut Maniitsullu timmisartorfigineri paarlattuanik annikitsumik ilaasussatigut tunngavissaqartutut isikkoqarmat taamaattumik timmisartunik 19-inik ilaasoqarsoqarsinnaasunik timmisartuussineq akilersinnaassuseqarnerpaajulluni. Dash 7-inimut naleqqiullugu timmisartunik 19-inik ilaasoqarsinnaasunik timmisartuussineq akikinnerussagunanngilaq, mittarfiilli ingerlanneqarnerisa akikinnerulernissaannut periarfissiilluni. Aammattaaq ukiuni qaninnerni aggersuni timmisartut pisoqaaneri pissutigalugit Dash 7-it aserfallatsaliornerinut aningaasartuutit sakkortuumik qaffariassasut ilimagineqarpoq. Timmisartuussinikkut ilusini allannguutissatut saqqummiunneqartut malunnarpoq angallassinerit allat tamatuma ajornerulersissanngikkaa.
Allatigut angalassinernut ataqatigiittoqarnissaa, tassani aamma umiarsuartigut ilaasunik angallassineq, aalajangiisuulluinnarpoq. Nalunaarummi saqqummiunneqartut aalajangersimasumik iluseqarnissamut Kalaallit Nunaannut ajornerulersitsinatillu paarnaarussinngillat. Nuummi Ilulissanilu mittarfinnik tallisitsinissaq eqqarsaatigalugit timmisartuussinerniit allanik periarfissaqarunanngilaq. Qaqortumi mittarfiliornissaq eqqarsaatigalugu umiarsuarmik ilaasunik angalassinermi eqqarsaatit ilanngunneqartariaqarunarput, mittarfimmik pilersitsinissamut pilersaarutit ingerlateqqinneqarnissaat pillugit isummertoqassappat.
Siunissami angallassinikkut ilusissaq pillugu isummernissamut tunngavissiaq
Angallanneq pillugu akilersinnaassusikkut misissueqqissaarnerit tunngavigalugit, mannalu tikillugu angallanneq pillugu politikip nanginneratut, angallanneq pillugu politikimik pilersitsisoqartariaqarpoq, atuisuni pissutsinik kiisalu Namminersornerusut tungaanniit siunissami aningaasaliissutissanik ingerlatsinermilu tapiissutissanut naapertuisoq.
Tunngavigisat
A
Tamakkiisumik isiginninneq eqqarsaatigalugu nunap iluani timmisartuussineq pilersaarusiorneqartariaqarpoq.
A
Illoqarfinnut anginernut nunap iluani angallanneq atuisut piumasaqaataat tunngavigalugit ingerlanneqartariaqarpoq.
A
Angallassinermi tunngavigisanut timmisartut naleqqussarneqartariaqarput.
A
Angallassinerup annertussusaanut timmisartullu angissusissaa piviusorsiortumut mittarfeqarfiit angissusilerneqassapput.
Anguniakkat taakku naammassiniarlugit, sisamaqiusamik ilusilimmik makkuninnga imalimmik pilersitsisoqassaaq:
A
Iluseq 1: Kangerlussuaq aqqusaarlugu atlantikukkut angallassineq.
A
Iluseq 2: Nuuk, Ilulissat aamma Qaqortoq, niuerneq tunngavigalugu timmisartunik angisuunik akunnattumik isorartussusilimmik timmisinnaasunik isumagineqassaaq.
A
Iluseq 3: Illoqarfiit allat niuerneq tunngavigalugu, kiffartuussinissamut isumaqatigiissuteqarnikkuulluunnit timmisartunik mikinernik isumagineqassapput.
A
Iluseq 4: Nunaqarfiit kiffartuussinissamut isumaqatigiissuteqarnikkut qulimiguulinnik mikisunik angisuunillu isumagineqassapput.
Nassuiaatip siunertaa
Timmisartuussinerup ilusaani allannguutissatut aamma sanaartornermi aningaasaliissutissatut siunnersuutigineqartut inuiaqatigiinnut akilersinnaassuseq pillugu nalilersuinernik angallassineq pillugu nassuiaat aallaaveqarpoq. Kalaallit Nunaata siunissami timmisartorfigineqarnissaanut takorluukkat qulaani pineqartoq tunngavigalugu timmisartuussinerup ilusaani allannguutissat aamma sanaartornermi aningaasaliissutissat aamma angallassineq pillugu nassuiaammi siumut isiginiarneqarput.
Taamaalilluni angallassineq pillugu nassuiaatip siunertaraa inuiaqatigiinnut akilersinnaassuseq pillugu misissueqqissaarnerit ukuupput:
A
Qaqortumi mittarfimmik 1199 meterimik pilersitsineq Narsarsuup Mittarfianut taartaasussaq, tamatumalu kingorna matuneqartussaq.
A
Nuummi mittarfiup 1199 meterinngorlugu tallinissaa.
A
Ilulissani mittarfiup 1199 meterinngorlugu tallinissaa.
A
Paamiuni pisariunngitsumik mittarfimmik pilersitsineq.
A
Maniitsup annikillisinneqarnissaa mittarfik pisariunngitsunngorlugu.
Killiliineq
Angallassineq pillugu nassuiaammi mittarfinni sanaartugassani aningaasaliissutissat inuiaqatigiinnut akilersinnaassuseq pillugu nalilersuinermut tunngasortaani kiisalu ilusitigut allannguutissani makku tunngavigineqassapput:
A
Aningaasaliissutissat annertussusaat, Mittarfeqarfinnut tapiissutit aamma timmisartuussisartunik kiffartuussinissamik isumaqatigiissuteqarnermut akiliutit eqqarsaatigalugit Namminersornerusunut aningaasatigut sunniutissat nalilersorneri.
A
Billetsit akiisa aamma timmisartornerit akulikillisillugit allanngortinnerisa atuisunut sunniutissat nalilersorneri. Usinik allakkanillu assartuussinermi sunniutaajumaartut misissueqqissaarnermi ilanngunneqanngillat. Naatsorsuutigineqarpoq usinik allakkanilu assartuinerit saqqummiussat tunngavigalugit ajornerulissanngitsut.
A Takornariaqarnikkut illoqarfimmut/nunap immikkoortuanut sunniutissat nalilersorneri.
A
Aningaasartuutit inissisimaffiisa allanngortinnerisa timmisartuussisartunut sunniutissat nalilersoneri.
Pissutsit taaneqartut sunniuteqarfissaanni toqqaannartumik uuttorneqarsinnaasuni siullermik misissuiffigineqassapput. Piffissaq eqqarsaatigalugu misissueqqissaarnermi ukiut 20-25-t piffissatut atorneqassaaq.
Ittoqqortoormiuni mittarfimmik pilersitsisinnaaneq pillugu apeqqut nassuiaammi ilanngunneqanngilaq, siunissamili Kalaallit Nunaanni siunissami timmisartunik angallassinerup ilusissaa pillugu apeqqummut arlaannaatigulluunniit sunniuteqartussaanani.
Taakku saniatigut Paamiuni mittarfik pisariunngitsup, timmisartunik annerpaamik 19-inik ilaasoqartartunik timmisartorfigineqartarnissaa eqqarsaatigalugu, pilersinnissaa aamma nalilersorneqassaaq. Kitaani timmisartuussineq taamaallaat Dash 7-imik ingerlanneqassagaluarpat, timmisartuussisarnermiit Paamiut immikkoortinneqannginnissaat siunertaavoq.
Nassuiaatip matuma saqqummiunneqarneranut atasumik, Inatsisartut 2002-mi ukiakkut ataatsimiinneranni, nassuiaammut ilassummik agguaassisoqarnissaa taamaattumik naatsorsuutigineqarpoq. Tassani sammineqarumaarput timmisartumik annerpaamik 19-inik ilaasoqarsinnaasumik kitaani tikiffissat ilaasa ataqatigiissumik timmisartorfigineqalernerinut sunniutissat, tassani ilaalluni mittarfiit ilaasa mittarfinnut pisariunngitsunut annikillisinneqarnissaat.
Periuseq
Balanced Score Card atorlugu periusimi tunngavigisat tunngavigalugit misissueqqissaarneq ingerlanneqassaaq. Periuseq taanna atorlugu pitsaasumik saqqummiisoqartarpoq, kisianni aamma aningaasaliissutit allannguutissatullu eqqarsaatigineqartut pillugit anguniakkat, siunnerfigisat iluatsitsinissamullu nalilersuutissat ersarissuuteqqissaarnissaannut periarfissaqarpoq. Angallassinerup ilusaani sanaartugassatigut aningaasaliissutissat allannguutissallu inuiaqatigiinnut akilersinnaassuseqarnikkut sunniutissat nalilersornerinut iluaqutaasumik periuseq taanna taamaalilluni atorneqarsinnaavoq. Tamatumunnga pissutaavoq tamakkiisumik isiginninnissamik tunngaviliisarnera, soqutigisaqaqatigiinnut kalluarneqartunut sunniutaasinnaasut ilanngunneqartarmata.
Periuseq immikkoortuni allaaserineqartuni tamani immikkut atorneqassaaq, aningaasaliissutilli ataatsimoortillugit naammassineqarnissaannut tunngaveqarluni, taamaalilluni pilersaarutit ataasiakkaat sunniutissaasa nalilersuiffigisinnaanerat ajornarani. Kalaallit Nunaanni timmisartuussinermut ikittuinnarnik ilaasoqarsinnaaneq tikiffissallu amerlasuut atalluinnarput. Pilersaarutini ataasiakkaani anguniakkat naammassineqarnissaannut pilersaarutit ataatsimut nalilersuiffiginissaat taamaattumik pisariaqarluinnartutut isikkoqarpoq.
Atuisunut sunniutaasinnaasut nalilersuinernut tunngatillugu soqutiginarpoq oqaatigissallugu timmisartorfimmi ataatsimi timmisartornermi timmisartuussisumut aningaasatigut allannguutit timmisartorfimmi pineqartumi ilaasunut toqaannartumik sunniuteqarneq ajormat. Air Greenlandip akitigut ilusilersuisimanera naapertorlugu agguaqatigiissillugu kilometeri ingerlaffigisimasaq naapertorlugu akeqartitsivoq, taamaalilluni ingerlaffigisami ataatsimi akeq ataasiulluni, ingerlaffigineqartoq annikitsumik annertuumilluunniit matussutissaqarnersoq apeqqutaatinnagu.
Tamanna isumaqarpoq aningaasatigut pissutsit allanngorneri timmisartunik nutaaliaanerusunik timmisartuussinermi Air Greenland A/S-imut aningaasartuuteqarnikkut kingunerisinnaasai, timmisartorfigisani taakkunani ilaasunut toqqaannartumik sunniuteqassanngitsoq. Tassungali atatillugu naleqquttuussaaq oqallisigissallugu @agguaqatigiissillugu kilometerit naapertorlugit akiliisitsisarneq@siunissami akit ilusaanni tunngavigissallugu siunertamut naleqquttuunersoq.
Allatut oqaatigalugu aningaasartuutit allanngussagaluarpata Air Greenland A/S-ip ilaasuinut tamanut agguataarneqassapput, ingerlaffigineqartuni ilaasunut kisimi tunnani. Balanced Score Card atorlugu periusimi pilersaarutini ataasiakkaani illuatungeriinnut peqataasunut ataqatigiissitsinermi isummat nalilersorsinnaaneri siunniunneqarpoq. Taamatut ataqatigiissitsinermi isummat aamma aalajangiusimaannarneqassapput, ilaasunut ataqatigiissitsinermi isummanik nunap iluani timmisartuussinermi ilaasunut tamanut naatsorsuussamilluunniit saqqummiussisoqaraluarpat, tak. @agguaqatigiissillugu kilometerit naapertorlugit akiliisitsisarneq@. Tamanna isumaqarpoq billetsi akii qanoq ineriartornissaat ilimagineqassanersut nalilersussallugit aamma pisariaqarsimasoq.
Aammattaaq malugeqquneqarpoq takornariat sulisoqarnerlu eqqarsaatigalugit immikkoortut taakku pillugit aningaasatigut sunniutaasinnaasut aalajangeruminaassinnaaneri. Immikkoortulli taakku nassuiaammut ilaatinneqarput uffa taakku toqqaannartumik aningaasartalerneqarsinnaanngikkaluartut. Takornariat sulisoqarnerlu pillugit immikkoortumik ilanngussinikkut angallassineq pillugu nassuiaat timmisartuussinermi nutaanik sanaartugassatigut aningaasaliissutit allannguutillu ataqatigiissitsinermi isummanik ilaneqarpoq.
Aamma taamatut nunap immikkoortuani/kommunimut ataatsimut sanaartornissamut pilersaarutit sunniutigisinnaasaat ataqatigiissitsinermi isummat allaaserineqarput, naak nassuiaammi inuiaqatigiinnut aningaasatigut naatsorsuinerni sunniutissat qaninnerusut qinerneqaraluartut.
Tamatuma nanginneratut taamatut pilersaarnermi sunniutaasinnaasut paasiniarlugit kommunit pineqartut attavigineqarsimapput. Kommunit - suliffeqarfiilli ataasiakkaat sumiiffinnilu kattuffiit pinnagit - suliap ingerlanneranut ilanngutsinneqarnerinut pissutaavoq kommunit pingaarnertigut immikkoortumi sinniisutut oqaatigineqarsinnaaneri. Aammattaq isumaqarpoq paasissutissat ilanngunneqartut nalinginnaasuullutik pingaarnersiugaassasut. Ataqatigiissitsiniarnermi taamatut ilanngussineq qinerneqarpoq pineqartut tamaasa ataatsimut katersornissaannut periarfissaasuaneq paasineqarmat.
Paasissutissanut tunngaviit
Angallassineq pillugu nassuiaatip annersaa misissueqqissaakkanik naammassineqareersimasunik aallaaveqarpoq. Tassunga ilassutitut kommunimut aningaasatigut sulisoqarnikkullu sunniutit ilassutissaqartinniarlugit kommunit tusarniaaffigineqarsimapput. Mittarfiit il.il. ingerlanneqarneri pillugit paasissutissanik kingullernik pissarsinermi Mittarfeqarfiit aamma peqataasimapput. Paasissutissanut tunngaviit makku atorneqarumaarput:
A
Namminersornerusut sinnerlugit misissueqqissaarnerit Buch & Partnersimit 2001-imeersut.
A
Misissueqqissaarneq HS ANALYSEmit 2000-imeersoq.
A
2002-imi Angallanneq pillugu isumasioqatigiinnermi imaqarniliat.
A
Ukiaq 2001-imi aamma upernaaq 2002-mi Inatsisartut ataatsimiinnerannit imaqarniliat.
A
Paasissutissat assigiinngitsut Air Greenland A/S-imiit aamma Mittarfeqarfinniit 2002-mi.
2. QAQORTUMI NUNAP IMMIKKOORTUANI MITTARFIK
Namminerosornerusunut ataqatigiissitsinermi isummat |
||
Anguniagaq AKujataani qulimiguulimmik ingerlatsinermut akiliutit appartinnissaat. ANarsarsuup nutarternissaa pisariaarutsillugu. AMittarfeqarfinnut ingerlatsinermut tapiissutit annikillisillugit. |
||
Uuttuiffissat AKiffartuussinermi isumaqatigiissutit (isumaqatigiissummut akiliut ukiumut 8,8 mio. kr.-inik appartinneqassappat). AMittarfeqarfiit Narsarsuarmut missingersuutaat akerlianillu Qaqortumut missingersuut (ingerlatsinermi pitsanngoriaat ukiumut 4.053.000 kr. aamma 2025 tikillugu ukiumut 7,6 mio. kr.-inik iluarsartuussinissamut sipaarutit). AToqqaannartumik Island aamma Canadamut timmisartorsinnaaneq. |
||
Iluatsitsinissamut piumasaqaatit AMittarfeqarfinnut aningaasaliissutit ikinnerusut ATimmisartuussisunut akiliutit ikinnerusut. |
Atuisunut ataqatigiissitsinermi isummat |
Qaqortoq nunap immikkoortuani mittarfittut pilersinneqassaaq angallassinikkut apuuffissaq qanillisinniarlugu atlantikukkut angallannissamut periarfissaqarluni. Mittarfiup nutaap Narsarsuarmi Mittarfiup iluarsartuunnissaa pisariaarutsissavaa. |
Nunap immikkoortuanut ataqatigiissitsinermi isummat |
||
Anguniagaq AAtuisoq anguniakkamut toqaannartumik anngunneqassaaq. AAkit annikinnerusut. |
Anguniagaq AAngallassinikkut atassutit pitsanngoriarneri. AAngalannermi aningaasartuutit annikinnerusut. ATakornariaqarnermut inuutissarsiornermullu tunngavissat pitsaanerusut. ASulisut amerlanerusut. |
|||
Uuttuiffissat AQaqortumut toqqaannartumik atassutit amerlassusilit. AQaqortumiit/-mut timmisartornermi ilaasunut aningaasartuutit piviusut (ukiumut katillugit 5.674.000 kr.-inik sipaaruteqarneq). |
Uuttuiffissat ASulisut, takornariat akulikissutsit amerlassusillit. |
|||
Iluatsitsinissamut piumasaqaatit AKiffartuunneqarnerup pitsanngoriaataa misigalugu. |
Iluatsitsinissamut piumasaqaatit ASuliffissaasuasut ikinnerusut. ANajugaqartunut isertitat annertunerusut. ASuliffeqarfiit nutaat. |
Timmisartuussisunut ataqatigiissitsinermi isummat |
||
Anguniagaq AAnnerpaamik isertitaqarsinnaaneq. AAllatigut angallannermut aamma timmisartunut ataqatigiinneq. |
||
Uuttuiffissat AIngerlatsinermi aningaasartuutit. |
||
Iluatsitsinissamut piumasaqaatit AIsertitaqarneq. AAngalasut amerlassusillit. |
Mittarfik 1199 meteritut takitigisoq 30 meteritullu silitsigisoq sanaartorneqassaaq. Mittarfiup eqqaani isumannaallisaanermut nuna immikkoortitaq tassaavoq mittarfiup qeqqaniit illugiimmik sanimut 40 meteri mittarfiullu isuiniit 60 meteri. Mittarfik nunap qanoq issusia isikkuanilu naapertorlugu immikkoortumi pallikkuminaatsumi (qaqqaqarfik) mittarfinnut immikkut maleruagassiaq naapertorlugu sanaartorneqassaaq.
Narsarsuarmut taartitut Qaqortup mittarfiata sanaartornissaanut tunngatillugu piffissap ilaani Kujataata Danmarkimiit timmisartunik atlantikukkoortumit tikinneqarnissaminik periarfissaqassanngilaq. Kalaallit Nunaata atlantikukkut timmisartorfiginera manna tikillugu Air Greenland A/S aamma SAS-imit isumagineqarpoq. Air Greenland A/S aamma SAS-ip Kangerlussuup aamma Københavnip akornanni aqqut timmiffigisarpaat, Air Greenland A/S-illu kisimiilluni København aamma Narsarsuup akornanni aqqut timmiffigissallugu pisussaaffigalugu.
SAS-illi naluneqanngitsutut nalunaarutigisimavaa ingerlatseqatigiiffik aningaasaqarnikkut peqquteqarluni aprilip aappaani 2003-miit Kalaallit Nunaanni timmisartortarnini unitsinniarlugu, tamatumalu kingorna atlantikukkut timmisartuussisarnermi nutaamik inissisimasoqalissalluni, timmisartorlu mikisoq ataaseq atorlugu Kalaallit Nunaata angallassinikkut isumagineqarnerata qulakkeernissaa naammassanani.
Taamaattumik Air Greenland A/S-ip timmisartup Airbus 330-200-p attartornissaa pillugu isumaqatiginninnialerpoq. Pilersuinissamut isumannaarinissap annertunerpaajunissaa anguniarlugu Danmarkimi Angallannermut ministeriaqarfik aamma Naalakkersuisut isumaqatigiipput Air Greenland A/S-ip tunngaviusumik akuersissutaata 2012-imut (piffissat attartorfissat marluk) sivitsornissaanut ingerlatseqatigiiffiup qinnuteqaataa akuerineqassasoq, ingerlatseqatigiiffiullu København aamma Kalaallit Nunaata akornanni timmisartumik ilaasunik ingerlatsisarnissaanut akuersissutaa piffissami 1. oktober 2005-imiit 31. oktober 2007-imut (piffissaq attartorfissaq ataaseq) aamma sivitsorneqassasoq.
Airbus 330-200-ip ingerlasinnaanikkut peqquteqartumik Narsarsuarmut timmisinnaanngimmat Air Greenland A/S-imut ingerlassisinnaanermut akuersissut tunniunneqarpoq, Narsarsuaq Danmarkimiit toqqannartumik timmisartorfigineqarnissaanik piumasaqaatitaqanngitsumik. Piumasaqaataasimavorli Kujataata Danmarkillu akornanni timmisartorneq ilaasunut akisunerulissanngitsoq.
Air Greenland A/S-imut ingerlassinissamut akuersissummi Angallannermut ministeriaqarfimmiit ilanngunneqarpoq piffissami 31. oktober 2007 tikillugu ingerlatseqatigiiffinnut allanut ingerlassinissamut assingusumik akuersissummik tunniussisoqarsinnaassasoq. Danskit imaluunniit kalaallit oqartussaasui Kalaallit Nunaannut ingerlassisarfinni unammillernissamut akuersissuteqannginnissaminnut siumoortumik piffissami sivisuumi pituttorneqassanngitsut taamaalilluni qularnaarneqarpoq.
Qulaani taaneqartutut aalajangiinerit tunngavigalugit atlantikukkut timmisartuussinissamut piffissami qaninnermi aamma ungasinnerusumut (2007 tikillugu) aaqqiisoqarpoq, oqaatigineqartutullu Air Greenland A/S-ip saniatigut ingerlatseqatigiiffinnut allanut akuersissummik tunniussisoqarsinnaanermik aalajangiisoqarsinnaanera akornutaanani.
Piffissaq ungasinnerusoq (2007-ip kingorna) Atlantikukkut timmisartuussinissaq eqqarsaatigalugu siunissami tamatumani piumasaqaatitut atugassarititassat angallannermut ministeriaqarfiup, I-neqarnermut Attaveqarnermut Pilersuinermullu Pisortaqarfiup, Naalagaaffiup Mittarfeqarfii aamma Mittarfeqarfiit akornanni ataatsimut suleqatigiissitami isumaqatiginninniutigineqassapput, taakkulu juni 2003-mi nalunaarusiortussaallutik. Suleqatigiissitami periarfissat allat misissoqqissaarneqarnissaat isumaqatigiissutaavoq, soorlu toqqaannartumik timmisartortarnissaq aamma Island aqqusaarlugu timmisartortarnissaq, soorlu aamma aqqutip isumagineqarnissaanut neqeroorutiginissaanut apeqqut misissoqqissaarneqassasoq.
Narsarsuup toqqaannartumik timmisartorfigineqarnissaa eqqarsaatigalugu, maannakkut matuma suliarinerani suli paasineqanngilaq Kujataa Danmarkimiit toqqaannartumik timmisartorfigineqassanersoq, Island aqqusaarlugu imaluunniit Kangerlussuaq aqqusaarlugu ilaasut timmisartuunneqartassanersut.
Pingaartuuvoq nalunaarutigissallugu siunissami Kujataata Danmarkimiit timmisartorfigineqarnissaata akornusinnginnissaa, Narsarsuarmi mittarfiup taartissaanik Qaqortumi mittarfimmik piler-sitsisoqassappat. Tamatumanili pisariaqarpoq Islandimi akunnilluni minnissaq atlantikukkullu timmisartorsuaq angisooq timmisartumik mikinermik taarserlugu. Qaqortumi 1199 meterimik takissusilimmik mittarfeqarnikkut soorunami timmisartunik angisuunik, soorlu ullumikkut Narsarsuarmut tikittartunik, mittoqarsinnaassanngilaq, kisianni Islandimiit, Canada aamma USA-miit timmi-sartunik mittoqarsinnaassaaq.
Qulaani taaneqartunut atatillugu apeqquterpaaluit makku saqqummerput:
A
Niuerneq tunngavigalugu timmisartuussisoqatigiit arlaata Kujataata aamma Danmarkip akornanni ilaatigut Island aqqusaarlugu timmisartortarsinnaanera pivisorsiorneruva, taamaattoqassappallu taamatut atassuteqarnermi billetsit qanoq akeqassappat?
A
Timmisartuussisoqatigiit toqqaannartumik timmisartorsinnaassanngippata paarlattuanillu Kangerlussuaq aqqusaarlugu Air Greenland A/S timmisartuussisassagaluarpat taava Kujataata Danmarkillu akornanni billetsit qanoq akeqassappat.
A
Mittarfik Qaqortoq pilersinneqarneranut Mittarfiullu Narsarsuup matuneqarnissaanut naleqqiullugu Mittarfiup Narsarsuup allanngortinnginnissaa tamanna Namminersornerusunut qanoq akeqassava, taamatullu aaqqiissuteqarneq Atlantikukkut taamanikkut timmisartuussisarnissamut qanoq sunniuteqassava.
Matuma suliarinerata nalaani Kujataata Danmarkimiit toqqaannartumik imaluunniit Island aqqusaarlugu timmisartorfigineqarnissaanut ingerlassinissamut akuersissuteqarnissamik qinnuteqartoqarnikuunngilaq. Air Greenland A/S ilisimatinneqarpoq Kujataata aamma Danmarkip akornanni ilaasut ajornerusumik inissinneqassappata tamanna politikerit tungaanniit akuerineqarsinnaanngitsoq. Taamaalilluni akuerineqarsinnaanngilaq Air Greenland A/S Narsarsuup aamma Kangerlussuup akornanni attaveqarnikkut, Atlantikukkut ilaasut ingerlateqqinneqarnissaat siunertaralugu, aqqummi ataatsimi billetsip akia qaffasitsissappassuk, ingerlatseqatigiiffimmik allamik Narsarsuup Københavnillu akornanni toqqaannartumik atassuteqarnissamik iluaqutaasumik isumaqatigiissuteqarsinnaagaluarluni.
Atuisunut ataqatigiissitsinermi isummat
Qaqortumi mittarfiliornikkut ilaasut Kujataanukartut 58%-ii tikiffissaminnut toqqaannartumik apuunneqartassagaluarput. Taamaalilluni ullumikkut Narsarsuup aamma Qaqortup akornanni qulimiguulimmik timmisartuussineq ilaasunik Qaqortumukartussanut atorunnaassagaluarpoq. Tamatuma kingunerissavaa sivikinnerusumik angalasalerneq, ilaatigullu ilaasunut 826 kr. angullugu Narsarsuup Qaqortullu akornanni qulimiguulimmik timmisartuussinermi billetsimut ataatsimut sipaaruteqarneq.
Ullumikkut periutsimut sanilliukkaanni ilaasut Kujataaniit Kujataanukartullu tamarmik apuuffissartik anguniarlugu qulimiguulimmik timmisartuunneqarlutik ingerlaqqittariaqarput. Tamannali ilaasunut Narsamut aamma Nanortalimmukartunut suli atuutissaaq, piffissarli sivikinnerusoq atorlugu angallanneqartussaassapput billetsillu akia appasinnerussalluni Qaqortup inissisimanera qiterpasinnerummat.
Qaqortumi mittarfik nutaaq atorneqarsinnaanngorluni naammassineqarpat ilaasut qulimiguulimmik Narsarsuarmut Narsarsuarmiillu ullumikkut timmisartut Qaqortumut tikillutik aallarlutilluunniit timmisalissapput. Takussutissiap ataaniittup takutippaa akitigut nikingassut (ilaasunut akiliut ilanngullugu) ilaasut ataasiakkaat atugassaat, ullumikkut qulimiguulimmik ingerlassinermi billetsimut akigitinneqartut annerpaat atuuttut aallaavigineqarlutik.
Aallarfik / tikiffik Narsarsuaq Qaqortoq Nikingassut procenti
Narsaq 596 kr. 341 kr. 255 kr. 42,78%
Alluitsup Paa 1.071 kr. 596 kr. 475 kr. 44,35%
Nanortalik 1.351 kr. 1.041 kr. 310 kr. 22,94%
Qaqortoq 826 kr. 0 kr. 826 kr. 100,00%
Soorlu takuneqarsinnaasoq ilaasut tamarmik Kujataanut tikittut aallartullu qulimiguulimmik ingerlaffinni billetsip akiatigut sipaaruteqartussaassapput.
2001-imi Air Greenland A/S Narsarsuarmut tikittut aallartullu qulimiguulimmut ilaasut katillugit 16.957-it ingerlassimavai aningaasallu katillugit 7.604.000 kr.-it kaaviiaartissimallugit. Ilaasut taakku Narsarsuaq aqqusaarlugu timmisartortarunnaarpata, Qaqortorli aqqusaarlugu, qulaani sipaarutaasoq naapertorlugu ilaasunut billetsimut aningaasartuutigut sipaarutaassapput katillugit ukiumut 5.574.000 kr. (inuiaqatigiinnut akilersinnaassuseq pillugu naatsorsuinermut ilaavoq). Oqaatigineqassaaq taamatut sipaaruteqarneq atuutiinnassammat apeqqutaatinnagulu atlantikukkut ilaasut Kujataanut (Island aqqusaarlugu) toqqaannartumik imaluunnit Kangerlussuaq aqqusaarlugu timmisartuussisoqarneq.
Narsarsuup aamma Københavnip akornanni ukiumut 16.500 missaannik ilaasoqartarpoq. Soorlu siusinerusukkut taaneqareersoq, matuma suliarinerani Narsarsuaq atlantikukkut siunissami timmisartorfigineqarnissaa suli paasineqanngilaq, taamaattumillu kingusinnerusukkut Mittarfiup Narsarsuup matuneqarneratigut ilaasunut sunniutaasinnaasut pillugit missingersuusiortoqarsinnaanani. Qaqortumi mittarfissap ammarneqarnissaata tungaanut ilaasut atlantikukkoortut Kangerlussuaq aqqusaarlugu timmisartuunneqartassappata allannguisoqassanngilaq, ilaasummi Kangerlussuarmut timmisartuuteqqinneqartassammata Narsarsuarmiit pinnani Qaqortumiilli.
Alla pisinnaasoq tassaavoq atlantikukkut timmisartuussineq ullumikkutut ingerlatiinnarneqartoq - Air Greenland A/S imaluunniit ingerlatseqatigiiffik alla Boeing 757-236 ER imaluunniit timmisartoq assingusoq alla suli atorlugu timmisartuussisoq. Taamatut timmisartuussineq taamaalilluni Airbus 330-ip saniatigut ingerlalissaaq, taassuminnga Kangerlussuarmut timmisartuussilernissaa 28. oktober 2002-imiit naatsorsuutigineqarmat. Qaqortumi 1199 meterimik mittarfeqalernikkut Mittarfiullu Narsarsuup matuneratigut Boeing 757-236 ER-ip imaluunniit timmisartup angeqqataa, Danmarkimut toqqaannartumik timmisinnaasup atorneqarsinnaanera ajornalissaaq.
Taamaattoqassappat Danmarkimut aallarneq tikinnerlu Keflavik aqqusaarlugu timmisartuussinikkut pisinnaasoq eqqarsaatigineqarsinnaavoq, tamannalu timmisartoq BAE-146 atorlugu pisinnaalluni. Timmisartoq taamatut ittoq issiavinnut akeqatitsisinnaassaaq Boeing 757-236 ER-imit akisunerusumik. Ilaasumut ataatsimut ingerlanneqartumut kilometerimut akimi nikingassut 60 ørimik tunngaveqarluni, Keflavikimut 1.200 km ungasitsigisumut ilaasorineqarsinnaasullu 75%-iulluni taava aningaasartuutaanerusut ukiumut 16 mio. kr.-iussapput. Aningaasat taakku siumut utimullu billetsimut agguaqatigiissillugu 1.900 kr.-imik qaffariaateqarnermik naleqarput.
Ukiut tulliuttut ingerlanerani naatsorsuutigineqarpoq Narsarsuup atlantikukkut siunissami timmisartorfigineqarnera annertunerusumik paasinarsissasoq, taamaalillunilu atlantikukkut timmisartuussinermi billetsip akiata allanngornissaa inuiaqatigiinnut akilersinnaassusermut misissueqqissaarnermut ilaatinneqassanersoq - qanorlu annertutigisumik - annertunerusumik paasisaqarfigisinnaassavarput.
Namminersornerusunut ataqatigiissitsinermi isummat
Qaqortumi mittarfiup sanaartornissaa ingerlatsinikkut sanaartornermilu Namminersornerusunut sunniuteqassaaq.
Ingerlatsineq - Kujataani timmisartuussinermi kiffartuunneqarnissamut isumaqatigiissut
Kujataani timmisartuussineq pillugu kiffartuunneqarnissamut isumaqatigiissummut Namminersornerusut tapiissutaat eqqarsaatigalugit qulimiguulimmik nutaamik (S61-imiit ikinnerusunik issiavilik) Kujataata timmisartorfigineqarnissaanut akitigut neqeroorummik Air Greenland A/S nassiussinikuuvoq, Qaqortumi mittarfeqarnissaa, Mittarfik Narsarsuup matuneqarnissaa, Paamiut suluusalimmik timmisartorfigineqarnissaa aamma Kangilinnguanut sapaatip akunnermut ataasiarluni siumut utimullu timmisartortoqartarnissaa tunngavigalugit. Taamatut isumaqatigiissuteqarnerup missingersuutaa, aalajangiigallarnerusoq, ukiumut 23,3 mio. kr.-iuvoq. Aningaasat taakku 26,1 mio. kr.-inut, ullumikkut Kujataani Air Greenland A/S-imik isumaqatigiissuteqarsimanermut, sanilliunneqassapput.
Ullumikkut isumaqatigiissuteqarnerup aamma siunissami isumaqatigiissuteqarnissamut siunnersuutip assigiinngissutaat annertooq tassaavoq kaaviiartitat appariarujussuarneri kiisalu toqqaannartumik timmisartumut (qulimiguulik nutaaq) aningaasartuutit qaffariarneri, ukiumut 6 mio. kr.-it missaaniittusatut nalilerneqarsimasut.
Pingaaruteqarpoq malugissallugu qulaani pineqartut tunngavigalugit sualuttumik oqartoqarsinnaammat Mittarfiup Qaqortup sanaartunngitsoorneratigut Air Greenland A/S-imik nutaamik kiffartuunneqarnissamut isumaqatigiissuteqarnikkut ingerlaannaq ukiumut 6 mio. kr.-it missaanik qaffariaateqartoqassasoq.
Qulaaniittut tunngavigalugit oqartoqarsinnaavoq, Qaqortumi mittarfiliortoqassappat, Kujataani qulimiguulimmik timmisartuussineq pillugu kiffartuunneqarnissamut isumaqatigiissummi sipaarutaasinnaasut pitsaanerpaamik missiliutit, timmisartuussinermi sullitanut akit inissisimaffiat allanngussanngitsoq aallaavigalugu, tassaammata ukiumut 8,8 mio. kr.-init (inuiaqatigiinnut akilersinnaassuseq pillugu naatsorsuinermut ilaavoq).
Sipaarutissat naatsorsuutigineqartoq - oqaatigineqareersutut aalajangiigallarnerusoq - siullermik Kujataani qulimiguulimmik akunnattumik angissusilimmik annerpaamik ataatsimik pisariaqartitsisoqarnissaa.
Aammattaaq oqaatigineqassaaq timmisartuussisartut aalajangersimasut missiliutaanni angallassinikkut aningaasaqarnermi kisitsisini tunngavigineqartuni annertuumik qularnartoqarnera. Taamaattumik sukkumiinerusumik misissueqqissaartoqarnissaa pisariaqassaaq. Qaqortumi mittarfiliassaq pillugu ukiumi missingersuusiaagallartumik suliaqartoqarpat ukiup ingerlanerani taamatut misissueqqissaartoqarsinnaassaaq, tassa pilersaarutip aallartinnissaa pillugu inaarutaasumik aalajangiineq pitinnagu.
Qulaani misissueqqissaarneq pineqartoq assersuutigalugu assartuussutit assigiinngitsut ilaasunut kilometerimut aningaasartuutitut timmisartuliortut kisitsisitigut tunngavii aallaavigineqassapput. Aamma Air Greenland A/S aamma Air Alpha Greenland A/S-imiit timmisartuussinissamut
neqerooruteqartitsisoqarsinnaavoq.
Misissueqqissaarnerup inernissaanut apeqqutaalluinnarpoq Narsarsuup atlantikukkut siunissami timmisartorfigineqarnissaa, matuma suliarineqarnerata nalaani suli paasineqanngitsoq, tak kapitalimi siusinnerusukkut allaaserisaq.
Ingerlatsineq - Mittarfeqarfiit
Mittarfeqarfiit naatsorsuutigaat Narsarsuup ingerlanneqarneraniit Qaqortumi mittarfiup ingerlanneqarnera ukiumut 6.463.000 kr.-inik akikinnerujumaartoq. Tassani annertuumik tunngavigineqarpoq Kujataata Danmarkillu akornanni Atlantikukkut angallassinermi Kangerlussuup qitiusutut atorneqarnissaa. Atlantikukkut angallassineq suli Københavnimut toqqaannartumik ingerlanissaa tunngavigineqassappat, kisiannili assersuutigalugu Island aqqusaartarlugu, Mittarfik Narsarsuarmut taarsiullugu Mittarfiup Qaqortup atulernerani sipaarutissatut missiliuunneqarput ukiumut 4.053.000 kr. (inuiaqatigiinnut akilersinnaassuseq pillugu naatsorsuinermut ilaavoq) ( Takuuk ilanngussaq 1).
Kujataani mittarfiup nuunneqarneratigut sipaarutissatut missiliuussamiit ilaasa annersaat nerisassanut, inissianut najugaqarnermullu kiisalu inuiaqatigiinni kiffartuussinernut aningaasartuutinit sipaarutaapput, tassani ilaalluni Narsarsuarmi illoqarfiup qatserisartui.
Mittarfeqarfinnut Namminersornerusut ingerlatsinermut aningaasaliissutaat taamaalilluni ukiumut 4,0 aamma 6,4 mio. kr.-it akornanni appartinneqarsinnaassapput, Qaqortumi mittarfik pineqartoq maannamut mittarfiit nutaat arfinillit assigalugit mittarfittut atoriaannartut tunniunneqarnera tunngavigalugu. Sipaarutissatut saqqummiunneqartut tunngavigisami tunuliaqutaasut suuneri ilanngussaq 1-imi ersarinnerusumik saqqummiunneqarput.
Sanaartukkat - Mittarfik
Sanaartugassani Qaqortup mittarfissaata pilersinneqarnera 200-250 mio. kr.-ininik akeqassangatinneqarpoq (inuiaqatigiinnut akilersinnaassuseq pillugu naatsorsuinermut ilaavoq). Taamatut aningaasaliissuteqarneq Narsarsuup ukiuni tulliuttuni 20-25-ini 191 mio. kr.-it atorlugit iluarsartuunneqarnissaanut naleqqiunneqassaaq (inuiaqatigiinnut akilersinnaassuseq pillugu naatsorsuinermut ilaavoq). Tassunga atatillugu oqaatigineqassaaq Mittarfik Narsarsuup matuneqarnera 7 mio. kr.-inik akeqassasoq naatsorsuutigineqarmat (inuiaqatigiinnut akilersinnaassuseq pillugu naatsorsuinermut ilaavoq). Mittarfittaani iluarsartuunneqarluni aallartinneqareersumi sipaarutissaq Mittarfeqarfiit naapertorlugit Qaqortumi mittarfiup atulernissaata tungaanut tamakkiisumik peerneqarsinnaassanngilaq. Qaqortumi mittarfiup siussinnerpaamik atulernissaata tungaanut mittarfik illersorneqarsinnaasumik ingerlanneqassappat iluarsartuussinerit annikinnerit allat aamma tassani pineqarput. Taamaaliluni naatsorsuutigineqarpoq Mittarfik Narsarsuaq piffissami 2003-2006-imi ukiumut 5 mio. kr.-inik iluarsartuussinermi aningaasartuuteqarnikkut akeqarumaartoq (inuiaqatigiinnut akilersinnaassuseq pillugi naatsorsuinermut ilaavoq).
Sanaartukkat - Inissiat
Inissiatigut pilersuineq tamarmiusoq ajornerulissanngippat, Qaqortumi imaluunniit illoqarfinni allani Narsarsuarmi suleqataasimasut nuuffigisassaannik inissianik taartissanik sanaartortoqartariaqassaaq. Ilimanarpoq pinerit tamaasa Mittarfeqarfiit inissiamik pisariaqartitsisuussanngitsoq. Qularnanngilarli inissanut taartissanik pilersitsisoqartariaqarnissaa, pisariaqartitsinerlu sukumiinerusumik misissueqqissaarnikkut paasineqarumaarpoq.
Assersuutigalugu taaneqarsinnaavoq Arctic Umiaq Line A/S maannakkut sisamanik suleqatinik DMI-mut (Danmarks Meterologiske Institut) atukkiinikuummat, Narsaruarmi Sikunik Alapernaarsuiffimmi sulisunik. Qularnanngitsumik taakku Qaqortumut nuutsinneqartariaqassapput.
Qaqortumi mittarfiliassaq pillugu ukiumi missingersuusiaagallartumik suliaqartoqarpat ukiup ingerlanerani inissianik pisariaqartitsineq sukumiinerusumik misissuineq suliarineqarsinnaassaaq.
Nunap immikkoortuanut ataqatigiissitsinermi isummat
Mittarfik allaaserineqartoq Qaqortup Kommunianut angallassinikkut attaveqaatit pitsaanerulerne-rannik sunniuteqassaaq, imatut paaasillugu, ilaasut Qaqortumut tikittut aallartullu Narsarsuup Qaqortullu akornanni timmisartuunneqarnissaminnut pisariaqartitsiunnaassasut. Qaqortumut a-ngalanissaq akikinnerulerlunilu sukkanerulissaaq, tamatumalu saniatigut aalajangersimasumillu tikinneqartarnera pitsaanerulissagunarluni, qulimiguulimmik timmisartuussinermi silap ajorneranik il.il. eqqorneqartarnerit sunniutaassanngimmat. Angallassinikkut atassutinik taamatut pitsan-ngoriaatit Qaqortumut attuumassuteqarnerulernissamut soqutinarnerulersitsissapput innuttaasunut inuutissarsiortunullu iluaqutaasumik.
Assersuutigalugu Qaqortumi takornarianik angallassisartut tassunga atatillugu saqqummiunnikuuvaat ullumikkut Narsarsuup aamma Qaqortup akornanni attaveqarnikkut pisinnaasaq inuutissarsiutip ineriartorteqqinnissaanut akornutinngorsimasoq. Qaqortup Kommuniata inuutissarsiornikkut ineriartortitsinissamut pilersaarummi angallassinikkut ajornartorsiut imatut naatsumik allaaseri-neqarpoq:
@Angallassinikkut pissutsinut - nunap iluani aamma nunap avataanut - naleqqiullugu pissutsit killeqartut akuttunngitsumillu ajornartorsiutaasut inuutissarsiortunut piffissakkut aningaasaqarnikkullu ajornartorsiutaannaanngillat - aamma Qaqortumi inuutissarsiutitigut i-neriartoqqinnissamut annertuumik aporfiupput. (Y) Aammattaaq Qaqortumi innuttanut ullumikkut timmisartuussineq annertuumik ajornartorsiutitaqarpoq. Ilaatigut ajornartorsiutit tigussaasut, ilaatigut kommunini allani taamatut angitigisuni angalaniarnikkut iluatinnartunik neqeroorfigineqarnermik misigisaqarsinnaannginneq. Aammattaaq silaannakkut angallassinermi akit qaffasissorujussuit ajornartorsiutaapput@(Inuutissarsiutit ineriartortinnissaannut pilersaarummut 2002-mut siunnersuut - Qaqortup Kommunianut, sept. 2000).
Qaqortumi mittarfik qanoq annertutigisumik kommunimi suliffinnik nutaanik kinguneqassanersoq nalilersussallugu ajornartutut isikkoqarpoq. Kisianni Kalaallit Nunaata sinnera peqatigalugu ineriartornissamut atassuteqarnissamullu malunnartumik pitsaanerusumik tunngavissaqalerneranik nalilersuiffiginissaa ajornanngilaq. Piviusumilli mittarfiup nuunneqarnissaata kingunerissavaa sulisut mittarfimmut ingerlatanullu allanut atassuteqartut Narsarsuarmiit Qaqortumut nuuttariaqassapput. Narsarsuarmi sulisut tamarmiusut amerlassusaannut naleqqiullugu tamanna Narsap Kommunianut sulisoqarnikkut akileraarutitigullu isertitaqarnikkut malunnaatilimmik sunniuteqassaaq, tassa Narsarsuaq mittarfiup eqqaani sanaartorneqarsimammat. Tamatuma assinganik Qaqortoq nutaanik amerlanerusunik suliffissanik akileraarutitigullu tunngaviit annertusinneqarlutik.
Ullumikkut ingerlaneq naapertorlugu Narsarsuarmi inuiaqatigiinnit suliakkiissutit arlalinnut mittarfeqarfimmiit aningaasartuutigineqartarput. Inuiaqatigiinnit suliakkiissutit taakku ilaatigut tassaapput aqqusineqarneq umiarsualiviullu ingerlanneqarnera, nalinginnaasumik kommunip ataani isuma-gineqartaraluartut. Narsarsuarmiit Qaqortumut mittarfiup nuunneqarneratigut taamaattumik naatsorsuutigineqassaaq Narsap Kommunia aningaasartuutinik arlalinnik nammatassinneqarumaartoq,
taakkumi Mittarfeqarfimmit isumagineeruttussaammata.
Timmisartuussisunut ataqatigiissitsinermi isummat
Kujataani ilaasunik angallassinermi timmisartuussisuusumut Air Greenland A/S-imut Qaqortumi mittarfittaarneq imatut sunniuteqassaaq qulimiguulimmik timmisartuussisarnerup ilarujussua atorunnaassalluni. Ilaatigut Kujataanut ilaasut tikittut aallartullu 58%-iisa missaat Narsarsuup Qaqortullu akornanni qulimiguulimmik timmisartuussisarnermiit sipaarneqassapput, ilaatigut tikiffissanut allanut ilaasut naannerusumik aqqutissaqalissapput Qaqortup qitiusumik inissisimanera peqqutigalugu.
Naatsorsuigallarnerit takutippaat Kujataani nunap immikkoortuani aqqutinilu timmisartuussinissamut Namminersornerusut Air Greenland A/S-imik kiffartuunneqarnissamut isumaqatigiissuteqarnera 26,1 mio. kr.-iniik 23,3 mio. kr.-inut appartinneqassasut (2002-mi akiliutit). Taamaalilluni kiffartuunneqarnissamut isumaqatigiissummi 2,8 mio. kr.-inik appaasoqassaaq (inuiaqatigiinnut akilersinnaassuseq pilllugit naatsorsuinermi ilaavoq). Tassungali ilanngullugu eqqaamaneqassaaq siuliani takutinneqarmat ilaasut billetsimut aningaasartuutimikkut ukiumut 5.674.000 kr.-inik sipaaruteqassasut, taakkunanngalu Qaqortumiit ilaasut annertunerpaamik sipaaruteqarneq malugi-sussaassallugu.
Tamatuma saniatigut immikkoortumi inuutissarsiornikkut annertunerusumik ingerlatsilernerup kingunerissagunarpaa annertunerusumik angalasoqalernera tamatumalu malitsigisaanik ilaasussat amerlerlillutik. Ilaasussat taamatut amerlisinnaanerat ilaatigut Kalaallit Nunaata sinneranut annerusumik ataasuteqarnermik pilersitsissaaq, ilaatigut nunanut allanut atassuteqarnerup annertusineratigut. Matumani Islandimiit takornarissat periarfissaalluassapput, taakkumi toqqaannartumik Qaqortumut timmissunneqarsinnaassammata. Timmisartuussisartunulli aningaasatigut sunniutaa-sinnaasut ersarissumik oqaatigineqarsinnaaneri ajornakusoorpoq, massa ilaasussat amerlinerisigut ilaasunik angallassinerit isertitaqarnerulernermik pilersitsisussaagaluartut. Inuiaqatigiinnut aki-lersinnaassuseq pillugit naatsorsuinerni annertunerusumik isertitaqarnerulernissaq ilanngunneqanngilaq.
Qularnanngitsumik timmisartuussisartunut, DMI-mut il.il. mittarfiup pilersinneqarnerani aningaasartuutinut ilaanngitsuni allaffinnik, illorsuarnik isersimatitsivinnik il.il. pilersitsinissamik pisariaqartitsisoqarumaarpoq. Qaqortumi mittarfiliassaq pillugu ukiumi missingersuusiaagallartumik suliaqartoqarpat ukiup ingerlanerani tamakkuninnga inissianik pisariaqartitsineq sukumii-nerusumik misissuisarneq suliarineqarumaarpoq, tassa pilersaarutip aallartinnissaa pillugu inaarutaasumik aalajangiineq pitinnagu.
Arctic Umiaq Line A/S-ip oqaatigaa Narsarsuaq aqqutigalugu umiarsuaatileqatigiiffiup takornariatigut suliaqarnera inuiaqatigiinnut akilersinnaassuseqarnikkut nalinga ullumikkut ukiumut 15 mio. kr.-it missaaniittoq, taannalu Qaqortumi 1199 meterimik mittarfiliornikkut nutaamik iluseqalernikkut piffissami ungasinnerusumi atorunnaartussatut nalilerlugu. Kujataata Danmarkillu akornanni atlantikukkut siunissami timmisartuussinissaq, soorlu siusinnerusukkut marlussoriarluni oqaatigineqareersoq, nalorninarmat, takornariatigut suliaqarnera inuiaqatigiinnut akilersinnaassuseqarnikkut umiarsuaatileqatigiiffiup annaasassatut Arctic Umiaq Line A/S-ip eqqoriaanera inuiaqatigiinnut akilersinnaassuseqarneq pillugu naatsorsuinermut ilannguneqanngilaq. Kujataanut atlantikukkut angallassinermi tikittut aallartullu siunissami qaninnermi Kangerlussuaq imaluunniit Keflavik aqqusaarlugu ingerlanneqalissappata, naatsorsuutigisamik ajornerulersitsineq piffissap taamaasinerani pisussaassaaq, taamaattumillu Kangerlussuarmut imaluunniit Keflavikimut timmi-sartuusseqqinnernit Narsarsuarmiit imaluunniit Qaqortumiit ingerlanneqarnissaat apeqqutaassannani.
Aammattaaq Arctic Umiaq Line A/S-ip isumaa naapertorlugu immikkoortumi takornariaqarnikkut suliaqarneq alla nalilersorneqartariaqassaaq, soorlu aamma umiarsuaatileqatigiiffiup umiarsuaatai maanna uninngasut allanngortinnerinut atasut immikkoortumi ineriartornissamut periarfissat nalingi naatsorsorneqartariaqartut.
Greenland Tourism A/S-ip oqaatiginikuuvaa Kujataani takornariaqarnikkut inuutissarsiornerup ineriartornerani apeqqutaatinneqanngitsoq Narsarsuarmi mittarfiup allanngortinneqarnera imaluunniit Qaqortumi allamik taarserneqarnera. Takornariaqarnermut inuutissarsiornermi aalajangiisuuvoq angallassinikkut iluseq pillugu paasisaqarnissaq, taamaalilluni takornariartitsisartut aalajangiinissaminnut tunngavissaqalersillugit.
Inerniliineq
Mittarfik Qaqortoq 1199 meterimik mittarfilerneratigut Mittarfiullu Narsarsuup matuneqarneratigut inuiaqatigiinnut akilersinnaassusiata pilersaarutip nalilersornerani marlunnik periarfissanik naatsorsuisoqarpoq.
Tunngaviatigut periarfissaq
Ullumikkutut silaannakkut angallassinerup ilusaa ingerlatiinnarneqassasoq Air Greenland A/S-ip ingerlatseqatigiiffiup timmisartuutai Dash 7-it pigiinnarneqarlutik, tamatumalu malitsigisaanik kingoraartissanut aningaasartuutit nalinginnaasumillu aserfallatsaaliinermut aningaasartuutit sakkortuumik qaffariaateqarneri peqqutigalugit billetsinut akit qaffariarlutik. Tamatuma saniatigut Kujataata aamma Danmarkip akornanni ilaasut, Atlantikukkut timmisartuussinermi pilersinneqaraluartut, billetsinut immikut aningaasartuutitaqanngitsumik suli atassuteqarnissamut periarfissaqarnera tunngavigineqarpoq.
Periarfissaq 1199
Qaqortumi mittarfimmik 1199 meterimik sanaartorneq Mittarfiullu Narsarsuup matuneqarnera, Kujataata aamma Kalaallit Nunaata sinnerata aamma Danmarkip akornanni ilaasut amerlanersaannut timmisartuussinerup pitsaanerulernera ilaatigut sivikinnerusumik angallassinikkut ilaatigullu billetsinut aningaasartuutit annikinnerulernerat misiginissaannut taamaalilluni periarfissaalerluni.
Inuiaqatigiinnut akilersinnaassusiata pilersaarutip nalilersornerani inernerit pingaarnerit skemami ataaniittumi katersorneqarput.
Tabel 1. Inerneq pingaarneq: Qaqortumi mittarfimmik 1199 meterimik sanaartorneq Mittarfiullu Narsarsuup matuneqarnera.
Ullumikkut nalinga mio. kr. |
Erniat % |
|
Ingerlatsinikkut akilersinnaassuseq |
86 |
9 |
Inuiaqatigiinni akilersinnaassuseq |
102 |
10 |
Najoqqutaq: Ilanngussaq 3.
Qaqortumi mittarfimmik 1199 meterimik sanaartorneq Mittarfiullu Narsarsuup matuneqarnera ingerlatsinikkut akilersinnaassuseqarnikkut ullumikkut naliusut naapertorlugit 86 mio. kr.-inik iluanaarfiussaaq 9%-imillu erniaqartitsilluni. Inuiaqatigiinnut akilersinnaassutsimi iluanaarutini erniat 10%-iullutik ullumikkullu naliusut naapertorlugit 102 mio. kr.-iussalluni.
Inernerit takutippaat nalorninaatsumik pilersaarut nangillugu suliarineqartariaqartoq. Naatsorsuinermili annertuunik nalorninartoqarpoq, taakkulu annersaat naammaginanngitsumik makkunuunatigut ilisaqannginnermik tunngassuteqarlutik
A
Kujataani ilaasunut tikittunut aallartunullu Atlantikukkut siunissami timmisartuussinissaq
A
Qaqortumi 1199 meterimik mittarfeqalernermi taamaalillunilu mittarfimmut atasumik ilaasunut siunissami billetsinut akissat pillugit timmisartuussisartunut aningaasaqarnikkut sunniutissat.
Naalakkersuisut kontomi pingaarnermi 80.00.80, Aningaasat pilersaarusiornernik aallartitsinissanut atorneqarsinnaasut, 2003-mut Inatsisartut aningaasanut inatsisissamut siunnersuummi Qaqortumi 1199 meterimik sanaartornissaq pillugu pilersaarummut siunnersuusiornissamut missingersuutitaqarallartumik 2003-mut 1,5 mio. kr.-nit aamma 2004-mi 0,8 mio. kr.-nit immikkoortinneqarput. Inatsisartut tungaanniit Naalakkersuisut siunnersuutaat akuerineqassappat, taamaalilluni Inatsisartut 2004-mi ukiakkut ataatsimiinneranni aalajangernissamut tunngavissiaq qularnaannerusoq saqqummiunneqarsinnaassaaq, Kujataata aamma Danmarkip akornanni timmisartuussinissami pissutsit kiisalu Qaqortumi mittarfeqarnerup timmisartuussisartunut iluanaarutaasinnaasut pillugit annertunerusumik paasisaqarfigineqarnissaat taamanikkoornissaanni naatsorsuutigineqarmat.
3. Nuup Mittarfiata 1199 meterinut Tallineqarnera
Namminersornerusunut ataqatigiissitsinermi isummat |
||
Anguniagaq ANunap iluani timmisartuussinermi eqaannerusumik imminut akilersinnaasumik atugassanik pilersitsineq. ANunap iluani toqqaannartumik timmisartuussinerit amerlinerat. |
||
Uuttuiffissat AKalaallit timmisartuutaasa nutarterneqarneri. AIsland aamma Canadap toqqaannartumik timmisarfigisarneri. ABilletsip akii piviusut: Ingerlaarfinni Nuuk-Kangerlussuaq aamma Nuuk-Narsarsuaq 100 aamma 150 kr.-inik akikinnerulerneq. |
||
Iluatsitsinissamut piumasaqaatit AIlaasunut 56.000-it missaaniittunut billetsip akii appasinnerusut (ukiumut 6,0 mio. kr.-inik sipaartoqassappat). AIsland aamma Canadamut timmisartornerit amerlassusillit. |
Atuisunut ataqatigiissitsinermi isummat |
Nuummi mittarfiup 1199 meterinut tallineqarnera. Tallisitsinikkut kalaallit timmisartuutaasa nutarterneqarsinnaanerat periarfissaalissaaq. |
Nunap immikkoortuanut ataqatigiissitsinermi isummat |
||
Anguniagaq ATimmisartumik atassutit amerla-nerit. AAkit appasinnerusut. |
Anguniagaq AAngallassinikkut atassutit amerlanerit. AAngalanermi aningaasartuutit appasinnerusut. ASulisut amerlanerusut. |
|||
Uuttuiffissat ANuummut toqqaannartumik atassutit amerlassusillit. ABilletsit akii piviusut (ingerlaarfinni Nuuk-Kangerlussuaq aamma Nuuk-Narsarsuaq 100 aamma 150 kr.-inik akikinnerussappat). |
Uuttuiffissat ASulisut, takornarissat, tikiffissat akulikinnerillu amerlassusillit |
|||
Iluatsitsinissamut piumasaqaatit AKiffartuussinerup pitsaaneru-lernera misigalugu. |
Iluatsitsinissamut piumasaqaatit ASuliffissaasuasut ikinnerusut ASumiiffimmi annertunerusumik isertitaqarneq ASuliffeqarfiit nutaat |
Timmisartuussisunut ataqatigiissitsinermi isummat |
||
Anguniagaq ATimmisartuutit nutarterneqarneri. AIsertitat annertunerulerneri AAllatigut angallannerup timmisartuutillu ataqatigiinneri. |
||
Uuttuiffissat AIngerlatsinermi aningaasartuutit. |
||
Iluatsitsinissamut piumasaqaatit AIsertitaqarneq. AAngalasut amerlassusillit. ATimmisartuutit nutaat. |
Mittarfik ullumikkut takissusianiit 950 meterimiit 1199 meteritut takissuseqalersillugu tallineqassaaq. Mittarfik 30 meteritut silissuseqaannassaaq. Isumannaallisaanermut killigititaq mittarfiup qeqqaniit illuttut sanimut 75 meteriussaaq mittarfiullu isuisigut 60 meteriussalluni.
Atuisunut ataqatigiissitsinermi isummat
Nummi mittarfiup 1199 meterimut tallineratigut Kalaallit Nunaanni timmisartuussinermi nutarterinissamut tunngaviliisoqassaaq. Tamanna isumaqarpoq ilaatigut atlantikukkut ilaasut tamarmiusut affaasa missaat Nuummut tikiffeqartussat, nunap iluani timmisartuusseqqinnermi, timmisartunik nutaaliaanerusunik ingerlatsinikkullu akikinnerusunik timmisartuunneqarsinnaalissasut. Taamaalilluni akikinnerusumik angallassinissamut tunngavissaq pilersinneqassagunarpoq.
Aamma taamaaqataanik Qaqortumiit aamma Ilulissaniit, taakku aamma 1199 meterinut tallineqassappata, Nuummut timmisartorsinnaanermut tunngavissat pilersinneqassapput. Taamaaliornikkut sapinngisaq naapertorlugu akilersinnaasumik eqaatsumillu nunap iluani timmisartuussisinnaanermut tunngavissat annertusineqassapput. Nunalli iluani akilersinnaasumik eqaatsumillu timmisartuussisinnaanermut tunngatiinnarlugu Nuummi tallisineq nalilerneqassanngilaq. Tallineratigut Nuummiit toqqaannartumik Islandimi aamma Canadami tikiffissat timmisartorfigineqarnissaat periarfissaalissaaq. Tamatumani Island/Canadamut ingerlaqqinniarlutik nunap iluani ilaasut timmisartoqqaarnissaraluarnerat pisariaarutissaaq.
Mittarfiup tallineqarnerani alla isiginiagassaq tassaasinnaavoq Nuup aamma Islandip akornanni toqqaannartumik atassuteqalerneq. Kangerlussuup Kalaallit Nunaannut pingaarnertut isaariaatut atuinnarneqarnissaa tamanit isumaqataaffigineqarpoq, ilusili nutaaq angallannerup annertunerusumik ineriartortinneqarnissaanut nutaanik periarfissiissaaq - taamaalillunilu aamma inuutissarsiornerup takornariaqarnerullu ineriartortinnissaannut.
Assersuutigalugumi imaassinnaavoq siunissami qaninnermi Islandip aamma Kalaallit Nunaanni 1199 meterimik takitigisunik mittarfinnik pilersitsiffiusut akornanni aasaanerani atassuteqalersinnaasoq. Aamma eqqarsaatigineqarsinnaavoq ilaasut Danmarkimeersut Island aqqusaarlugu Nuummut toqqaannartumik timmisartorsinnaassasut, Kangerlussuaq aqqusaarlugu atassummut tapertatut. Taamaalilluni aamma Kalaallit Nunaata aamma Danmarkip akornanni ileqquusumik Atlantikukkut timmisartuussisarnerup allatigut isumagineqarnissaanut pilersitsinissamut tunngaviliisoqarsinnaavoq. Kiisalu aamma Canada aamma USA-miit toqqannartumik timmisartunik tikinneqarsinnaaneq periarfissaalissaaq.
Nuup Kangerlussuullu akornanni aamma Nuup Narsarsuullu akornanni timmisartunik nutaanik akikinnerusunillu atuisoqalersinnaanera inuiaqatigiinnut akilersinnaassuseq pillugu naatsorsuinermut ilanngunneqarpoq. 2001-imut tikittut/aallartullu pillugit kisitsisitigut nalunaarsuinermi nalilerneqarpoq ilaasut 48.446-t (inuiaqatigiinnut akilersinnaassuseq pillugu naatsorsuinermut ilaavoq) Nuup Kangerlussuullu akornanni timmisartorsimasut kiisalu ilaasut 8.336-t (inuiaqatigiinnut akilersin-naassuseq pillugu naatsorsuinermut ilaavoq) Nuup Narsarsuullu akornanni timmisartorsimasut. (Takuuk ilanngussaq 2).
Naleqquttutut isumaqarnarpoq atassutini taakkunani marlunni ilaasut 100 aamma 150 kr.-inik siumuinnaq billetsimut sipaaruteqassasut (inuiaqatigiinnut akilersinnaassuseq pillugu naatsorsuinermut ilaavoq), timmisartunik akikinnerusunik timmisartortoqalersinnaappat. Aammattaaq ilimanartutut nalilerneqarpoq atassutini taakkunani marlunni timmisartukkut billetsit akii qaffassasut, Dash 7 atorlugit timmisartorneq ingerlatiinnarneqassappat. Naluneqanngitsutulli Air Greenland A/S-ip isertuunnikuunngilaa timmisartut Dash 7-it atuinnarnerisigut timmisartornermi billetsit akiisa qaffannissaat suli sakkortusiartussasoq. Soorlu siusinnerusukkut oqaatigineqareersoq tamatumunnga pissutaavoq kingoraartissanut aningaasartuutit aamma nalinginnaasumik aserfallatsaaliinermut aningaasartuutit sakkortummik qaffariarujussuarneri. Atassutini taakkunani marlunni billetsip siumuinnaq akiisa 50 aamma 75 kr.-inik qaffannissaat natsorsuutigineqarpoq (inuiaqatigiinnut akilersinnaassuseq pillugu naatsorsuinermut ilaavoq).
Namminersornerusunut ataqatigiissitsinermi isummat
Namminersornerusunut aalangiisuulluinnarpoq imminut akilersinnaasumik eqaatsumillu Nuup timmisartorfigineqarnissaanut atugassat pilersinneqarnissaannut Nuummi mittarfiup tallinerata pilersitseqataanissaa. Nuummi mittarfiup 1199 meterinut tallinera ukiuni qaninnerni kalaallit timmisartuutaasa timmisartunik nutaalianik atornerisigullu akikinnerusunik taarsertariaqarnerannut naleqqiunneqassaaq. Taamaattorli ullumikkut timmisartut Dash 7-it timmisartunik nutaaliaanerusunik, Kalaallit Nunaanni mittarfinni 799 meterinik atuisinnaasunik taarsiinissamut periarfissaqartoqan-ngilaq. Mittarfinnik 799 meterinik sanaartortitsinermut atatillugu isumaqartoqarsimavoq timmisartunik nutaanik nutaaliaanerusunillu ineriartortitsisoqarumaartoq, taamaalilluni mittarfiit tallinissaat pisariaqartinneqassanani.
Nunap iluani kalaallit timmisartuutaasa nutarterissagaanni mittarfiit qitiusut arlallit 1199 meterin-ngorlugit tallineqarnissaat taamaattumik pisariaqarpoq. Angallassineq pillugu nassuiaammi matumani Nuummi, Ilulissani aamma Qaqortumi mittarfiit 1199 meterinut tallineqarnissaat/piler-sinneqarnissaat aallaavigineqarpoq. Ataasiinnarmik tallisisoqartillugu timmisartuutit nutaat naammattumik atorluarneqarsinnaanerat anguneqarsinnaannginnerat naapertorlugu taamatut pisoqarpoq. Taamaalilluni Nuummi talliliineq ullutsinnut naleqquttumik nunap iluani nanallu avataanut timmisartuussinerup ineriartortinneqarnissaanut tunngavissiinissamut peqataassaaq.
Nuup mittarfiata 1199 meterinut tallineqarnera 80 mio. kr.-nit missaannik akeqassasoq ilimagineqarpoq (inuiaqatigiinnut akilersinnaassuseq pillugu naatsorsuinermut ilaavoq).
Mittarfeqarfiit aallaavigivaat talliliinerup kingorna Nuuk Dash-7/ATR-72-inik timmisartorfigineqassasoq, kisiannili siunissami timmisartuussinerup qanoq ittuuneranik allannguisoqassanngitsoq, sulilu aalajangersimasumik timmisartuussisoqartassasoq, tak. aamma ilanngussaq 1. ATR-72 ikuallannissamut annaassiniarnissamut upalungaarsimanissamut Dash 7-itulli pisariaqartitsuvoq ATR-72-inut taarsiinerit mittarfeqarfiit ingerlatsinermi aningaasaqarnerinut allannguutissanik nassataqarumaartut Mittarfeqarfiit ilimaginngilaat. Mittarfeqarfiit naatsorsuutigaat ATR-72 atorlugit timmisartuussinerit amerlanertigut Dash 7 atorlugu timmisartuussinermiit nalunnginneqartumit allaanerussanngitsut.
Mittarfinnut takinerulaartunut aserfallatsaaliinermut ingerlatsinermi aningaasartuutit annertusineri ullumikkumut naleqqiullugit annikitsuaraassapput (takuuk ilanngussaq 1). Aningaasartuut inuiaqatigiinnut akilersinnaassusianik naatsorsuinerni ukiumut 25.000 kr.-inut aalajangiunneqarpoq (inuiaqatigiinnut akilersinnaassuseq pillugu naatsorsuinermut ilaavoq).
Nunap immikkoortuanut ataqatigiisitsinermi isummat
Nunap iluani timmisartuussinermi eqaatsumik atugaqarnissamut pilersitsinissaq Nuummut aalajangiisuulluinnarpoq. Illoqarfiit allat assigalugit Nuummut apeqqutaavoq illoqarfimmiit aallartut tikittullu sukkanerpaamik akikitsumillu ingerlasinnaanissaat. Nuummi mittarfiup tallineratigut akit kiffartuussinerlu eqqarsaatigalugit ajunngitsumik nunap iluani timmisartuussinerup ineriartortinneqarnissaanut pitsaanerusumik tunngavissaqalernissamut periarfissiisoqassaaq. Aammattaaq toqqaannartumik timmiffigineqarsinnaanermut periarfissaqalerneq tunngavigalugu Island aamma Canadamut ajornannginnerusumik atassuteqarnissamut periarfissiisoqassaaq.
Timmisartuussisunut ataqatigiisitsinermi isummat
Air Greenland A/S-imut nunap iluani timmisartuussinermik ingerlatsisumut Nuummi mittarfiup tallineqarnissaa qangali kissaataasimavoq. Tunngaviit pingaarnersaraat taamaattoqassanngippat ullumikkut Dash 7-it atorunnaarnissaannut periarfissaqarsinnaannginneq, taakkumi Air Greenland A/S-ip nunap iluani timmisartuussinerani pingaaruteqarluinnarmata. Atorunnaarsinnissaannut peqqutaavoq timmisartut pisoqalinerat pissutigalugit aserfallatsaaliinermut aningaasartuutit qaffakkaluttuinnarneri. Aammattaaq timmisartunut nutaaliaanerusunut naleqqiullugit timmisartut ingerlanneqarneri akisuujullutik. Tallisitsinermut timmisartuussisunut ataqatigiisitsinermi isummat taamaalilluni tassaapput - apeqqutaatinnagu Nuummut timmisartuussisuusoq Air Greenland A/S-iunersoq imaluunniit allaanersoq - siunissami ungasinnerusumi ingerlatsinermut aningaasartuutit appasinnerusut timmisartuussinerit akikinnerulersissinnaanerat taamaalillunilu isertitaqarneq pitsaanerulersillugu, timmisartortitsisoqatigiillu soorunami annerusumik minnerusumilluunnit tamanna ilaasunut aamma/imaluunniit usinik allakkanillu sullitanut iluaqutigisassanngortissinnaallugu.
Nuummi tallisitsinerup aamma Island aamma Canadamut toqqaannartumik timmisartuussinikkut annertunerusumik ingerlatsinissamut periarfissat ammaanneqassapput, kiisalu ilaasut Danmark-imeersut Island aqqusaarlugu Nuummut timmisartuunneqalernissaannut periarfissaqalerluni.
Inerniliineq
Mittarfik Nuuk 1199 meterimik tallineratigut inuiaqatigiinnut akilersinnaassusiata pilersaarutip nalilersornerani marlunnik periarfissanik naatsorsuisoqarpoq.
Tunngaviatigut periarfissaq
Ullumikkutut silaannakkut angallassinerup ilusaa ingerlatiinnarneqassasoq Air Greenland A/S-ip ingerlatseqatigiiffiup timmisartuutai Dash 7-it pigiinnarneqarlutik, tamatumalu malitsigisaanik kingoraartissanut aningaasartuutit nalinginnaasumillu aserfallatsaaliinermut aningaasartuutit sakkortuumik qaffariaateqarneri peqqutigalugit billetsinut akit qaffariarlutik.
Periarfissaq 1199
Mittarfik Nuup 1199 meterinut tallineqarnera taamaalliluni timmisartunik anginernik ingerlatsinikkullu akikinnerusunik timmisartuussinissaq periarfissaatilerlugu.
Inuiaqatigiinnut akilersinnaassusiata pilersaarutip nalilersornerani inernerit pingaarnerit skemami ataaniittumi katersorneqarput.
Tabel 2. Inerneq pingaarneq: Nuummi mittarfiup 1199 meterinngorlugu tallineqarnera.
Ullumikkut nalinga mio. kr. |
Erniat % |
|
Ingerlatsinikkut akilersinnaassuseq |
57 |
16 |
Inuiaqatigiinni akilersinnaassuseq |
62 |
17 |
Najoqqutaq: Ilanngussaq 3.
Nuummi 1199 meterimik sanaartorneq ingerlatsinikkut akilersinnaassuseq ullumikkut naliusut naapertorlugit 57 mio. kr.-inik iluanaarfiussaaq 16%-imillu erniaqartitsilluni. Inuiaqatigiinnut akilersinnaassutsimi iluanaarutit 17%-imik erniaqarput ullumikkullu naliusut naapertorlugit 62 mio. kr.-iussallutik.
Inernerit takutippaat nalorninaatsumik pilersaarut nangillugu suliarineqartariaqartoq. Naatsorsuinermili annertuumik nalorninartoqartoq, taakkulu annersaat naammaginanngitsumik ilisimasaqannginnermik tunngassuteqartoq.
A
Nuummi 1199 meterimik mittarfeqalernermi taamaalillunilu mittarfimmut atasumik ilaasunut siunissami billetsinut akissat kiisalu usinik allakkanillu assartuinermi akit pillugit Air Greenland A/S-imut aningaasaqarnikkut siunniutissat.
Timmisartut Dash 7-it taartissaannik ingerlatseqatigiiffiup timmisartut eqqarsaatigisai pillugit fabrikkimiit paasissutissanik Air Greenland A/S misissuisimavoq. Tassani pineqarput timmisartut ATR 42 aamma ATR 72. Inernerigallartut takutippaat ATR Dash 7-imut naleqqiullugu 30%-ip missaanik akikinnerussasoq. Taakkuli misissuigallarnerit annertuumik nangaanartoqarput, suliarinnittumiimmi nalunaarutigineqartut amerlanertigut ajornerusumik takutitsisarmata. Aammattaaq timmisartup nutaap atuutilertinnerani immikkut aningaasartuuteqarnissaq ilanngunneqartariaqassaaq, tassani ilaalluni teknikimut immikkoortoqarfimmi, timmisartornermut immikkoortumi, mittarfeqarfinnilu il.il. sulisut ilinniartinneqarnissaat.
Naalakkersuisut kontomi pingaarnermi 80.00.80, Aningaasat pilersaarusiornernik aallartitsinissanut atorneqarsinnaasut, 2003-imut Inatsisartut aningaasanut inatsisissamut siunnersuummi Nuummi 1199 meterimik sanaartornissaq pillugu pilersaarummut siunnersuusiornissamut missingersuutitaqarallartumik 1,0 mio. kr.-nit immikkoortinneqarput. Inatsisartut tungaanniit Naalakkersuisut siunnersuutaat akuerineqassappat, taamaalilluni Inatsisartut 2003-mi ukiakkut ataatsimiinneranni, imaluunniit kingusinnerpaamik 2004-mi, aalajangernissamut tunngavissiaq qularnaannerusoq saqqummiunneqarsinnaassaaq, taamanikkummi timmisartut nutaat Dash 7-imut taartaasussat pillugit Air Greenland A/S annertunerusumik ilisimasaqalersimassasoq ilimagineqarmat, taamaalillunilu Nuummi mittarfiup 1199 meterinut tallineqarnerani ingerlatseqatigiiffiup sipaarutigisinnaasai pillugit kisitsisit nalorninaannerusut pigineqalersimassallutik.
4. Ilulissat Mittarfiata 1199 meterinut Tallineqarnissaa
Namminersornerusunut ataqatigiistsinermi isummat |
||
Anguniagaq ANunap iluani timmisartuussinermi eqaannerusumik imminullu akilersinnaasumik atugassanik pilersitsineq. ANunanut allanut toqqaannartumik timmisartorneri. |
||
Uuttuiffissat AKalaallit timmisartuutaasa nutarterneqarneri. AIsland aamma Canadap toqqaannartumik timmisartorfigisarneri. ABilletsip akia piviusoq angalasunut 30.000-it missaaniittunut appassapput (ukiumut 3,0 mio. kr.-inik sipaartoqassappat). |
||
Iluatsitsinissamut piumasaqaatit ABilletsinut akit appasinnerusut. AIsland aamma Candamut timmisartornerit amerlassusillit. |
Sullitanut ataqatigiissitsinermi isummat |
Ilulissani mittarfiup 1199 meterinut tallineqarnera. Tallisitsinikkut kalaallit timmisartuutaasa nutarterneqarsinnaanerat periarfissaalissaaq. |
Nunap immikkoortuanut ataqatigiissitsinermi isummat |
||
Anguniagaq ATimmisartumik atassutit amerlanerit. AAkit appasinnerusut. |
Anguniagaq AAngallassinikkut atassutit amerlanerit. AAngalanermi aningaasartuutit appasinnerusut. ASulisut amerlanerusut. |
|||
Uuttuiffissat ANuummut toqqaannartumik atassutit amerlassusillit. ABilletsit akii appasinnerusut (ullumikkut ingerlaffimmi Ilulissat-Kangerlussuarmi 100 kr.-imik akikinnerussappat). |
Uuttuiffissat ASulisut, takornarissat, tikiffissat akulikinnerillu amerlassusillit |
|||
Iluatsitsinissamut piumasaqaatit AKiffartuussinerup pitsaanerulernera misigalugu. |
Iluatsitsinissamut piumasaqaatit ASuliffissaasuasut ikinnerusut ASumiiffimmi annertunerusumik isertitaqalerneq ASuliffeqarfiit nutaat |
Timmisartuussisunut ataqatigiissitsinermi isummat |
||
Anguniagaq ATimmisartuutit nutarterneqarneri. AIsertitat annertunerulerneri AAllatigut angallannerup timmisartuutillu ataqatigiinneri. |
||
Uuttuiffissat AIngerlatsinermi aningaasartuutit. |
||
Iluatsitsinissamut piumasaqaatit AIsertitaqarneq. AAngalasut amerlassusillit. ATimmisartuutit nutaat. |
Mittarfik ullumikkut 845 meterimik takissusianiit 1199 meterinut tallineqassaaq. Ullumikkut mittarfiusoq timmisartunut mittarfinnut naatsunut missinnaasunut atugassanngorlugu sanaajuvoq. Mittarfiup silissusia 30 meteriuinnassaaq. Isumannaallisaanermut killigititaq mittarfiup qeqqaniit illuttut 40 meteriussaaq mittarfiullu isuini 60 meteriussalluni. Mittarfik nunap qanoq issusia isikkuanilu naapertorlugu immikoortumi pallikkuminaatsumi (qaqqaqarfik) mittarfinnut immikkut maleruagassiaq naapertorlugu sanaartorneqassaaq.
Pilersaarusiornerup aallartinnissaa sioqqulugu nunap assinganik pitsaanerusunik, immikkoortumi nunap qanoq issusianik isikkuanillu takutitsisumik pissarsisoqaqqaassaaq.
Atuisunut ataqatigiisitsinermi isummat
Ilulissani mittarfiup tallineqarnerani atuisunut ataqatigiissitsinermi isummat immikkoortumi: Nuup mittarfiata 1199 meterinut tallineqarnera pillugu allaaserisamut assingusorujussuuvoq.
Ilulissat Kangerlussuullu akornanni timmisartunik nutaanik akikinnerusunillu atuisoqalersinnaanera inuiaqatigiinnut akilersinnaassusilimmik naatsorsuinermi ilanngunneqarpoq. 2001-imut tikittut/aallartullu pillugit kisitsisitigut nalunaarsuinermi nalilerneqarpoq ilaasut 29.473-it (inuiaqatigiinnut akilersinnaassuseq pillugu naatsorsuinermut ilaavoq) Ilulissat Kangerlussuullu akornanni timmisartorsimasut (Takuuk ilanngussaq 2).
Naleqquttutut isumaqarnarpoq atassutini taakkunani marlunni ilaasut 100 kr.-inik siumuinnaq billetsimut sipaaruteqassasut (inuiaqatigiinnut akilersinnaassuseq pillugu naatsorsuinermut ilaavoq), timmisartunik akikinnerusunik timmisartortoqalersinnaappat. Aammattaaq ilimanartutut nalilerneqarpoq atassummi timmisartukkut billetsip akia qaffassasoq, Dash 7 atorlugit timmisartorneq ingerlatiinnarneqassappat. Naluneqanngitsutulli Air Greenland A/S-ip isertuunnikuunngilaa timmisartut Dash 7-it atuinnarnerisigut timmisartornermi billetsit akiisa qaffannissaat suli sakkortusiartussasoq. Soorlu siusinnerusukkut oqaatigineqareersoq tamatumunnga pissutaavoq kingoraartissanut aningaasartuutit aamma nalinginnaasumik aserfallatsaaliinermut aningaasartuutit sakkortummik qaffariarujussuarneri. Atassutini taakkunani marlunni billetsip siumuinnaq akia 50 kr.-inik qaffannissaa naatsorsuutigineqarpoq (inuiaqatigiinnut akilersinnaassuseq pillugu naatsorsuinermut ilaavoq).
Namminersornerusunut ataqatigiissitsinermi isummat
Namminersornerusut eqqarsaatigalugit ataqatigiissitsinermi isummat Nuup mittarfiata 1199 meterinut tallineqarnera pillugu allaaserisamut assingusorujussuupput. Ataqatigiissitsinermili isummani allaanerussutavoq Ilulissat mittarfiata 1199 meterinut tallineqarnera 50 mio. kr.-it missaannik akeqassammat (inuiaqatigiinnut akilersinnaassuseq pillugu naatsorsuinermut ilaavoq), Nuummili tallisitsinermut aningaasartuutit annertunerungaatsiassallutik.
Mittarfinnut takinerulaartunut aserfallatsaaliinermut ingerlatsinermi aningaasartuutit annertusineri ullumikkumut naleqqiullugit annikitsuaraassapput (takuuk ilanngussaq 1). Aningaasartuut inuiaqatigiinnut akilersinnaassusermik naatsorsuinerni ukiumut 25.000 kr.-inut aalajangiunneqarpoq (inuiaqatigiinnut akilersinnaassuseq pillugu naatsorsuinermut ilaavoq).
Nunap immikkoortuanut ataqatigiissitsinermi isummat
Nunap iluani timmisartuussinermi eqaatsumik atugaqalernissaq Ilulissanut aalajangiisuulluinnarpoq. Sukkasuumik akikitsumillu illoqarfimmut tikinnissaq aallarnissarlu Ilulissat Kalaallit Nunaanni takornariat tikiffigisartagaattut siuttuusumut apeqqutaalluinnarpoq. Ilulissani mittarfiup tallineqarneratigut akit kiffartuussinerlu eqqarsaatigalugit ajunngitsumik nunap iluani timmisartuussinerup ineriartortinneqarnissaanut pitsaanerusumik tunngavissaqalernissamut periarfissiisoqassaaq. Aammattaaq toqqaannartumik timmiffigineqarsinnaanermut periarfissaqalerneq tunngavigalugu Island aamma Canadamut ajornannginnerusumik Ilulissat atassuteqarnissaannut periarfissiisoqassaaq.
Pilersaarutini piviusuni Ilulissani Kommunalbestyrelsi aamma Inuutissarsiornermut siunnersuisoqatigiit takornariaqarnerup ineriartortinnissaanut tamatuma aporfiusarnera innersuussutigalugu ilaatigut mittarfiup tallineqarnissaata kissaatigineqarnera saqqummiussimavaat. Dash 7-init atorneqarsinnaanerat eqqarsaatigalugu Ilulissani mittarfiup pisinnaasaa tamakkiisumik atorneqanngikkaluartoq timmisartuussiinerup ilusaa inuutissarsiutit ineriartorteqqinnissaannut aporfiulersimavoq. Ullumikkut takornarissat tamarmik Kangerlussuaq aqqusaarlugu tikittarput, tassanngaanniit nunanut allanut toqqaannartumik aqqut Københavnimut siumut utimullu ingerlanneqarmat.
Takornarissat amerlanerpaartaat ullumikkut Danmarkimiit tikittarput, takornarialli amerliartornerat ingerlaannassappat siunissami pisariaqassaaq nunanit tamaneersunit takkuttoqartarnissaa sammineqartariaqarpoq. Takornarissat amerlassusaasa amerliartornerinut ilapertuutaanerata saniatigut, nunanit allaneersunik takornariaqalernikkut piffissap takornariarfiusup sivitsorneqarneranik tamanna kinguneqarsinnaavoq, nunanimi amerlanerni piffissaq feriarfiusoq julip qaammataata kingornanut inissinneqartarmat, ullumikkut atorneqarnerpaajusoq.
Ilulissani mittarfik Islandimiit aamma Canadamiit timmisartunik miffigineqarsinnaanngorlugu tallineqarsinnaappat takornariaqarnerup siunissami ineriartortinnissaanut aporfiit annersaat peerneqassagaluarpoq. Islandi Amerikamit avannarlermit Europamiillu timmisartunik annertuumik timmisartorfigineqartarpoq. Mittarfiup tallineqarnera isumaqarpoq Danmarkip saniatigut nunanit allaneersut takornarissat, Island aqqusaarlugu Ilulissanut timmisartorsinnaalissasut, taamaalilluni angalaneq akikinnerulerluni piffissarlu angalanermut atorneqartoq sivikillisinneqarluni. Aammattaaq Island ullumikkut ukiumut 300.000-inik takornariaqartarpoq mittarfiullu tallineqarnera isumaqassalluni takornarissat taakku Island - Kalaallit Nunaannut ataqatigiissumik akikitsumik angalanissaannik neqeroorfigineqarsinnaassallutik. Aammattaaq Canadamiit toqqannartumik takornarianik timmisartuussisoqarsinnaassaaq, aamma taamatut ataqatigiissumik angalanissamik neqeroorfigineqarsinnaallutik.
Timmisartuussisunut ataqatigiissitsinermi isummat
Aamma timmisartuussisartunut ataqatigiissitsinermi isummat Nuup tallineqarnerani ataqatigiissitsinermi isummanut assersuunneqarsinnaapput. Ataqatigiissitsinermi isummat imminnut atalluinnarput, kisianni talliliinerni taakkunani marlunni anguniakkat piviusunngortinniarneri aamma imminnut atalluinnartutut isikkoqarput. Air Greenland A/S-ip Dash 7-imut naleqqiullugit timmisartunik ATR 72-inik atuinermigut ingerlatsinermi sipaarutigisinnaasai timmisartumik nutaamik taamatut ittumik tikiffiit arlallit timmisartorfigineqarnissaannut pissutissaqarunarput. Pissutsit taakku aamma timmisartuussisunut allanut atuutissapput, timmisartuussinerillu Air Greenland A/S-imit ingerlanneqarnerinik isummersuinerit taamaalillutik tunngaveqaannaratik.
Inerniliineq
Mittarfik Ilulissat 1199 meterimik tallineratigut inuiaqatigiinnut akilersinnaassusiata pilersaarutip nalilersornerani marlunnik periarfissanik naatsorsuisoqarpoq.
Tunngaviatigut periarfissaq
Ullumikkutut silaannakkut angallassinerup ilusaa ingerlatiinnarneqassasoq Air Greenland A/S-ip ingerlatseqatigiiffiup timmisartuutai Dash 7-it pigiinnarneqarlutik, tamatumalu malitsigisaanik kingoraartissanut aningaasartuutit nalinginnaasumillu aserfallatsaaliinermut aningaasartuutit sakkortuumik qaffariaateqarneri peqqutigalugit billetsinut akit qaffariarlutik.
Periarfissaq 1199
Mittarfik Ilulissat 1199 meterinut tallineqarnera taamaalliluni timmisartunik anginernik ingerlatsinikkullu akikinnerusunik timmisartuussinissaq periarfissaatilerlugu. Siullermik tassani pineqarpoq Kangerlussuarmut atassut, kisianni aamma assersuutigalugu Islandimut toqqaannartumik timmisartorsinnaaneq periarfissanut ilaassaaq.
Inuiaqatigiinnut akilersinnaassusiata pilersaarutip nalilersornerani inernerit pingaarnerit skemami ataaniittumi katersorneqarput.
Tabel 3. Inerneq pingaarneq: Mittarfik Ilulissat 1199 meterinngorlugu tallineqarnera.
Ullumikkut nalinga mio. kr. |
Erniat % |
|
Ingerlatsinikkut akilersinnaassuseq |
15 |
10 |
Inuiaqatigiinni akilersinnaassuseq |
18 |
11 |
Najoqqutaq: Ilanngussaq 3.
Ilulissani 1199 meterimik sanaartorneq ingerlatsinermi akilersinnaassusikkut ullumikkut naliusut naapertorlugit 15 mio. kr.-inik iluanaarfiussaaq 10%-imillu erniaqartitsilluni. Inuiaqatigiinnut akilersinnaassutsimi iluanaarutini erniat 11%-iullutik ullumikkullu naliusut naapertorlugit 18 mio. kr.-iussalluni.
Inernerit takutippaat nalorninaatsumik pilersaarut nangillugu suliarineqartariaqartoq. Naatsorsuinermili annertuumik nalorninartoqartoq, taakkulu annersaat naammaginanngitsumik ilisimasaqannginnermik tunngassuteqartoq
A
Ilulissani 1199 meterimik mittarfeqalernermi taamaalillunilu mittarfimmut atasumik ilaasunut siunissami billetsinut akissat kiisalu usinik allakkanillu assartuinermi akit pillugit Air Greenland A/S-imut aningaasaqarnikkut siunniutissat.
Nuummi mittarfiup 1199 meterinut tallineqarnissaa pillugu kapitalimi siullermi soorlu oqaatigineqareersoq, timmisartut Dash 7-it taartissaannik ingerlatseqatigiiffiup timmisartut eqqarsaatigisai pillugit fabrikkimiit paasissutissanik Air Greenland A/S misissuisimavoq. Tassani pineqarput timmisartut ATR 42 aamma ATR 72. Inernerigallartut takutippaat ATR Dash 7-imut naleqqiullugu 30%-iup missaanik akikinnerussasoq. Taakkuli misissuigallarnerit annertuumik nangaanartoqarput, suliarinnittumiimmi nalunaarutigineqartut amerlanertigut ajornerusumik takutitsisarmata.
Naalakkersuisut kontomi pingaarnermi 80.00.80, Aningaasat pilersaarusiornernik aallartitsinissanut atorneqarsinnaasut, 2003-imut Inatsisartut aningaasanut inatsisissamut siunnersuummi Ilulissani 1199 meterimik sanaartornissaq pillugu pilersaarummut siunnersuusiornissamut missingersuutitaqarallartumik 1,8 mio. kr.-nit immikkoortinneqarput. Inatsisartut tungaanniit Naalakkersuisut siunnersuutaat akuerineqassappat, taamaalilluni Inatsisartut 2003-mi ukiakkut ataatsimiinneranni, imaluunniit kingusinnerpaamik 2004-mi, aalajangernissamut tunngavissiaq qularnaannerusoq saqqummiunneqarsinnaassaaq, taamanikkummi timmisartut nutaat Dash 7-imut taartaasussat pillugit Air Greenland A/S annertunerusumik ilisimasaqalersimassasoq ilimagineqarmat, taamaalillunilu Ilulissani mittarfiup 1199 meterinut tallineqarnerani ingerlatseqatigiiffiup sipaarutigisinnaasai pillugit kisitsisit nalorninaannerusut pigineqalersimassallutik.
5. Paamiuni Mittarfimmik Pisariitsumik Pilersitsineq
Namminersornerusunut ataqatigiissitsinermi isummat |
||
Anguniagaq ASanaartornermi aningaasartuutit annikillisillugit. AMittarfeqarfinnut ingerlatsinermi tapiissutit millisillugit |
||
Uuttuiffissat ASanaartornermi aningaasartuutinut missingersuut (37,7 mio. kr.-inik sipaaruteqarneq) AMittarfimmut pisariitsumut akerlianillu mittarfimmut 799 m Mittarfeqarfiit missingersuutaat (ukiumut 3,5 mio. kr.-inik sipaartoqassappat). ABilletsit akiinut piviusut angalasunut 2.146-it missaannut appassapput (ukiumut 1,4 mio. kr.-inik sipaartoqassappat). AKiffartuunneqarnissamut isumaqatigiissummut akiliutip appartinnera (ukiumut 1,8 mio. kr.-inik sipaartoqassappat). |
||
Iluatsitsinissamut piumasaqaatit AMittarfeqarfinnut aningaasaliissutit annikinnerusut ASanaartornermi aningaasartuutit annikinnerusut |
Atuisunut ataqatigiissitsinermi isummat |
Paamiut mittarfiat mittarfittut pisariitsutut, nunap immikkoortuani mittarfimmut taarsiullugu pilersinneqarnera. Sanaartornermi aningaasartuutit appasinnerulernissaanut peqataassaaq, ingerlatsineq akikinneq akulikinnerusumillu timmisartorfigineqalerneq. |
Nunap immikkoortuanut ataqatigiissitsinermi isummat |
||
Anguniagaq AAkulikinnerusumik timmisartorfigineqalerneri. AAkit appasinnerusut. |
Anguniagaq AAngallassinikkut atassutit pitsaanerusut. AAngalanermi aningaasartuutit appasinnerusut. ATakornariaqarnermi inuutissarsiutinullu tunngavissat pitsaanerit. ASulisut amerlanerit. |
|||
Uuttuiffissat AQaqortumut/Nuummut/Narsarsuarmut toqqannartumik atassutit amerlassusillit. ABilletsinut akit piviusut (Nuummut aamma Narsarsuaq/Qaqortumut ingerlaarfinni ullumikkornit 667 kr.-inik akikinnerussappat). |
Uuttuiffissat ASulisut, takornarissat tikiffissallu akulikinnerusut amerlassusillit. |
|||
Iluatsitsinissamut piumasaqaatit AKiffartuussinerup pitsaanerulernera misigalugu. |
Iluatsitsinissamut piumasaqaatit ASuliffissaasuasut ikinnerusut. ASumiiffimmi isertitat annertunerusut. ASuliffeqarfiit nutaat. |
Timisartuussisunut ataqatigiissitsinermi isummat |
||
Anguniagaq AIsertitat annertunerusut. AAllatigut angallannerup timmisartutigullu ataqatigiinnerit. |
||
Uuttuiffissat AIngerlatsinermi aningaasartuutit. |
||
Iluatsitsinissamut piumasaqaatit AIsertitaqarneq. AAngalasut amerlassusillit. ATimmisartuutit nutaat. |
Teknikikkut/ingerlatsinermilu piumasaqaatit nutarternerisigut Kalaallit Nunaanni mittarfiit sanaartorneqarnerini ingerlannerinilu ullumikkut aningaasartuutit inissisimaffiat malunnaatilimmik qanoq isillugit annikillisinneqarsinnaanerisa paasineqarnissaat siunertaralugu, suleqatigiissitamik ivertitsisoqarpoq Danmarkimiit Kalaallit Nunaanniillu ilaasortaaffigineqartumik.
Suleqatigiissitaq inerniliivoq maannamut pilersinneqarsimasuniit Kalaallit Nunaanni mittarfeqarfiit mittarfinnik pisariinnerusunik annertusarneqarnissaannik periarfissaqartoq. Timmisartunik anginernik ilaasunik timmisartuussisalernissamut ikaarsaarnissamut ineriartorneq piumasaqarnerlu naapertorlugit mittarfiit pisariinnerusut aamma mittarfinnut maannamut pilersinneqareersimasunut, piumasaqaatit annikillisinneqarersimasut naapertorlugit sananeqarsimasunut, annertusarneqarsinnaapput.
Akilersinnaassuseqarnikkut mittarfiit pisariinnerusut makkunuunatigut pitsaaquteqarput:
A
Kalaallit Nunaanni mittarfiit nutaat arfinillit assigannik mittarfiliornermut pisariaqartumut naleqqiullugu aningaasaliineq (mittarfiup sumik qallerneqarnera apeqqutaalluni) akikinnerugaatsiassaaq.
A
Kalaallit Nunaanni mittarfiit nutaat arfinillit assinganik ukiumut 4,5 mio. kr.-iusunut ingerlatsinermut aningaasartuutit katillugit ukiumut 1 mio. kr.-it missaaniissasut nalilerneqarpoq.
Paamiuni mittarfik pisariitsoq naatsorsuutigineqarpoq mittarfik 780 meteri asfaltimik qallikkatut pilersinneqassasoq, mittarfik asfaltimik qalligaq Paamiuni naleqqunnerpaatut nalilerneqarmat. Mittarfik isigiinnarlugu miffigineqartussat sanartorneqassaaq, sumiissusersiornermullu iluaqutissatut radiokkut qalerrisaarut atorneqassalluni. Taamatut mittarfiliornerup nalinginnaasumik kingunerissavaa S-61-imik timmisartuussisarneq assigalugu ingerlassisoqarsinnaanera.
Mittarfik nunap immikkoortuani mittarfiliorfissatut pilersaarutaasumi inissinneqassaaq, kingusinnerusukkullu mittarfiup 1199 meterinut tallineqarsinnaaneranut naammaginartunik periarfissaqassalluni. Missingersuusiami mittarfiup kitaatungaani timmisartunut marlunnut uninngasarfissanik illorsuarnullu inissanik ilanngussisoqarsimavoq.
Timmisartuussisarnerit timmisartunik mikinernik annerpaamik 19-inik, soorlu Dornier 228 imaluunniit Dash 6 (Twin Otter), ilaasoqarsinnaasunik ingerlanneqassasut tunngavigineqarpoq, mittarfiullu takissusissaata nalilernerani tunngavigineqarpoq timmisartut Nuummut aamma Narsarsuarmut ingerlaarfiit timmiffigisinnaassagaat.
Timmisartuussinermi niuerneq tunngavigalugu ilaasunik timmisartuussineq suli tunngavigineqassaaq, kisianni nalinginnaasumik timmisartuussineq atornagu pisariaqartitsineq naapertorlugu timmisartuussinertut ingerlanneqassaaq, soorlu ullumikkut assersuutigalugu Qasigiannguani aamma Qeqertarsuarmi tamanna ingerlanneqartoq. Pisariaqartitsineq naapertorlugu timmisartuussisarnissamut aaqqiissuteqarnissap oqallisigineqarneranut atatillugu pingaartuuvoq ilaasut amerlassusaasa ikinnerpaaffissaat aalajangiutissallugu, taamaattoqanngippammi ilaasoq ataasiinnaq Paamiunut/Paami-niit timmisartuunneqarneranik tamanna kinguneqarsinnaammat. Taamatut timmisartuussinermi soorunami ilaasumut ataatsimut kilometerimut aningaasartuutit annertunerussapput.
Narsarsuarmut 250 kilometerit missaannik aamma Nuummut 270 kilometerit missaannik ungasissuseqarpoq, timmisartorfissamilu isorartussutsit pineqartut mittarfiullu takissusissaatut pilersaarutigineqartoq naapertorlugu mittarfimmit asfaltimik qallikkami 780 meteriusumi ilaasut amerlassusissaat 18-it missaannut killeqartinneqassaaq.
Mittarfik Paamiup mittarfittut pisariitsutut sanaartornissaat nunap iluani timmisartuussinerup allanngortinneqarnissaanut ataqatigiissillugu isigineqassaaq. Matumani takorluugaq manna aallaavigineqarpoq mittarfiit angisuut timmisartunik nutaalianik akunnattumik isorartussusilinnut ingerlasinnaasunik timmisartorfigineqartassasut, mittarfiillu minnerusut timmisartunik annerpaamik 19-inik ilaasoqarsinnaasunik timmisartorfigineqassasut. Taamatut ilusilersuinissaq Dash 7-it, ullumikkut Kalaallit Nunaanni nunap iluani timmisartuussinermi tunngavigineqartut, pisoqanngulersut taarsersorneqarnissaannik kissaateqarnermik tunngaveqarpoq.
Kapitalini siullerni pingaarnernut iliuuseqarnissaq allaaserineqarpoq qanorlu ingerlaarfinni annertuuni timmisartunik akunnattumik isorartussusilinnut ingerlasinnaasunik nutarternissamut tunngavissat pilersinneqarsinnaanersut. Misissueqqissaarnerup inernerata tikkuarpaa angusat pitsaanerpaat anguneqassappata ataatsimoortumik eqqarsarnissaq pisariaqartoq. Aamma taamatut Mittarfik Paamiut mittarfittut pisariitsutut sanaartorneqarnissaa kisimi taamaattussatut isigineqassanngilaq. Timmisartunik annerpaamik 19-inik ilaasoqarsinnaasunik nunap iluani ataqatigiissumik timmisartuussinissamik pilersitsinissaq naleqquttuusorinarpoq.
Taamaattumik Mittarfik Paamiut pisariitsutut mittarfittut sanaartorneqarnissaa timmisartuussisarnissanut, timmisartunik annerpaamik 19-inik ilaasoqarsinnaasunik, tunngaveqarluni ilaatinneqarnera naliliinermi isigineqassaaq. Siunertaavoq, kitaani taamaallaat Dash 7 atorlugu timmisartuussineq ingerlanneqartussaagaluarpat, timmisartuussisarnermi ilanngunneqarnissamut Paamiut immikkoortinneqassanngitsoq.
Soorlu aamma aallarniinermi eqqaaneqareersoq naatsorsuutigineqarpoq nassuiaatip matuma Inatsisartut 2002-imi ukiakkut ataatsimiinnerisa nalaanni saqqummiunneqarneranut atatillugu nassuiaammut ilassut agguaanneqarumaartoq. Tassani sammineqarumaarput timmisartumik annerpaamik 19-inik ilaasoqarsinnaamik kitaani tikiffissat ilaasa ataqatigiissumik timmisartorfigineqalernerinut sunniutissat, tassani ilaalluni mittarfiit ilaasa mittarfinnut pisariunngitsunut annikillisinneqarnissaat.
Atuisunnut ataqatigiissitsinermi isummat
Paamiuni mittarfiup mittarfittut pisariitsutut pilersinneqarneratigut timmisartunik annerpaamik 19-inik ilaasoqarsinnaasunik timmisartorfigineqalersinnaassaaq. Paamiut timmisartunik 19-inik ilaasoqarsinnaasunik timmisartorfigineqalernissaanut atuisunut ataqatigiissitsinermi isummat tassaapput aalajangersimasumik aningaasatigullu ingerlalluartumik timmisartuussinerup qulakkeerneqarnissaanut tamatuma peqataasinnaanera.
Timmisartunik mikisunik timmisartorneq akikinnerunissaa naatsorsuutigineqanngilaq, kisiannili taakku ullumikkut timmisartut Dash 7-it atorunnaarsinneqarnissaannut peqataassapput, mittarfinnillu 799 meterinik akisuumik tallisitsinissaq pinngitsoortinneqassalluni. Piffissami ungasinnerusumi taamaattumik timmisartut mikisut atornerisigut aningaasatigut ataqatigiissitsisoqarpoq, timmisartummi Dash 7-it aserfallatsaalineqarnissaannut aningaasartuutit ukiuni qaninnerni sakkortuumik qaffariarnissaat naatsorsuutigineqarmat tamatumalu malitsigisaanik billetsit akiisa qaffanneqarnissaat pinngitsoorneqarsinnaanani.
2002-imut Inatsisartut aningaasanut inatsisaanni sineriammi mittarfiit arfinillit pilersinneqaqqammersut assigalugit Paamiuni nunap immikkoortuani mittarfimmik pilersitsinissamut immikkoortitsisoqarsimavoq. Tassunga atatillugu Inatsisartut pisariitsumut mittarfimmut mittarfiup annikillisinneqarnissaa pillugu inuiaqatigiinnut akilersinnaanera pillugu misissueqqissaartoqarnissaa oqaatigineqarpoq. Paamiunut ilaasut aallartut tikittullu amerlassusaat annikitsuararsuunerat taamaatut kissaateqarnermut peqqutaavoq.
Taamaaliluni 2001-imi taamaallaat katillugit 1.129-inik ilaasoqarsimavoq, ukiullu affaani siullermi 2002-imi 1.073-inik ilaasoqarsimalluni. Paamiunut timmisartuussisarnerit akulikilliseqqinneqarsimanerat amerleriarnernut pissutaagunarpoq.
Paamiunut billetsip akiata atassuteqarnermut tapiissuteqarnikkut ullumikkut appasissumiitineqarpoq. Dash 7 imaluunniit mikinerusoq Twin Otter atorlugu timmisartuussilernissami ullumikkut kilometerit tunngavigalugit akigitinneqartoq Air Greenland A/S-imit atorneqassagaluarpat ataani saqqummiunneqartutut akit allanngornissat naatsorsuutigineqassaaq, inersimasunut billetsi siumuinnaq aallaavigalugu. Oqaatigineqassaarli Twin Otter imaluunniit taamaaqataa timmisartoq mikisoq atussallugu ullumikkut Dash 7-imiit akisunerunissaa naatsorsuutigineqartariaqarpoq, kilometerit naapertorlugit akit aallavigineqarpata.
Ullumi Suluusalimmik Nikingassut Procentinng
Paamiut - Nuuk 2.975 kr. 1.725 kr. 1.250 kr. 42,0%
Narsarsuaq - Paamiut 2.975 kr. 1.580 kr. 1.395 kr. 46,9%
2002-imi ukiup affaani siullermi ilaasut amerlassusaat 2002-imut takussutaasutut oqarutta taava ilaasut Paamiunut aallartut tikittullu katillugit ukiumut 2.146-iussapput. Taamaatuttaaq oqarutta Nuummit kujataaniillu ilaasut aallartut tikittullu agguataarnerat siunissami suluusalimmik timmisartuussinissamut takussutissaappata, aamma oqarutta agguaqatigiissillugu billetsip akia qulaani taaneqartut billetsit akiisa affarippassuk, taava ilaasunut billetsit akiisigut katillugit 1.423.000 kr.-init ukiumut sipaarutaassapput (inuiaqatigiinnut akilersinnaassusia pillugu naatsorsuinermut ilaavoq).
Air Greenland A/S-ip oqaatiginikuuvaa Twin Otterimut kilometerit naapertorlugit akit Dash 7-imut naleqqiullugit qaffasinnerusut. Soorlu naluneqanngitsutut ingerlatseqatigiiffiup isertuunnikuunngilaa Dash 7-inik atuineq ingerlaannassappat timmisartuussinermi billetsit akiisa qaffanneqarsinnaanerat annertusiartuinnassasoq. Tamatumunnga pissutaavoq, soorlu siusinnerusukkut oqaatigineqareersoq, kingoraartissatigut aningaasartuutit nalinginnaasumillu aserfallatsaaliinermut aningaasartuutit sakkortuumik qaffakkiartorneri.
Taamaattumik atassutini taakkunani marlunni billetsit akiisigut agguaqatigiissillugu siumuinnaq billetsi 100 kr.-imik imaluunnit katillugit ukiumut 214.600 kr.-inik akisunerulernissaat naatsorsuutigineqarpoq (inuiaqatigiinnut akilersinnaassusia pillugu naatsorsuinermut ilaavoq). Illoqarfiup Dash 7-imik imaluunniit timmisartumik mikinermik annerpaamik 19-inik ilaasoqarsinnaasumik siunissami timmisartorfigineqarnera tassani apeqqutaanngilaq.
Periarfissatut allatut oqartoqarsinnaavoq Twin Otteri (imaluunniit timmisartoq alla taamatut angissusilik) Dash 7-imit annertunerusumik ulikkaarneqarsinnaassuseqarpoq, timmisartumut mikisumut naleqqiullugu Dash 7-imik timmisartornerit amerlaqatigiit ingerlanneqassagaluarpata. Tammanna billetsimik akikinnerusumik kinguneqassaaq timmisartumik mikinermik timmisartortoqassappat Dash 7-imiit timmisartornerminngaanniit. Timmisartup ulikkaarnerullugu timmisoqarnissaa siunertaassappat taava Dash 7 atorlugu annikinnerusumik timmisartortoqartassaaq, tamatumalu malitsigisaanik Paamiut akuttunerusumik timmisartorfigineqartassallutik, taamaalillunilu illoqarfik ajornerusumik kiffartuunneqarluni. Twin Otteri imaluunniit timmisartoq mikisoq taamaaqataa akulikinnerusumik timmisartorluni naammaginarnerusumik ulikkaarneqartassaaq. Toqqaannartumik timmisartornermi akukissutsit amerlassusaat allamullu aqqusaarluni meqqaarluni akulikissutsinik tunngasunik eqqartuinerit soorunami aamma ilanngullugit eqqartorneqarsinnaapput.
Malugineqassaaq Paamiunut tikittunut aallartunullu billetsit akii taamaallaat appasissammata heliporti pinnagu mittarfiup ingerlanneqarneranut Mittarfeqarfiit amigartoorutissaa qaffattut akit naatsorsornerinni ilaatinneqanngimmata - mittarfinnik nutaanik ingerlatsinermi Mittarfeqarfiit amigartoorutaasa annertusinerat pisarneq naapertorlugu Landskarsimiit tapiissutit amerlinerisigut matuneqartarput. Ingerlatsinermit aningaasartuutit qaffanneri qangattalernermi ilaasunullu akitsuutit qaffannerisigut aningaasalersorneqassagaluarpata, Paamiuni ilaasut amerlassusaasa ikippallaarnerat pissutigalugu billetsit akii qaffasissorujussuussagaluarput. Nunap immikkoortuani 799 meterimik mittarfeqarnikkut billetsit akii taamaalillutik ullumikkut S-61-imik timmisartuussinermi billetsimut akigitinneqartumit qaffasinnerungaassapput. Taamaattorli Mittarfeqarfiit mittarfiit ataasiakkaat atorneqarnerat naapertorlugit ullumikkut akit allanngorartinngilaat, akili ataaseq kiffartuussinermut ataatsimut atorlugu, apeqqutaatinnagu kiffartuussineq mittarfimmi sorlermi isumagineqarnersoq.
Namminersornerusunut ataqatigiissitsinermi isummat
Mittarfimmik pisariitsumik sanaartornermi Namminersornerusunut ataqatigiissitsinermi isummat marlunnut avipput: Mittarfik pisariitsup pilersinneqarnera sanaartornermi 86 mio. kr.-inik akeqassaaq. Taamaalilluni nunap immikkoortuani 799 meterimik mittarfiliornermut, 123,7 mio. kr.-inik akeqartussaq (inuiaqatigiinnut akilersinnaassusia pillugu naatsorsuinermut ilaavoq) naleqqiullugu Namminersornerusut 37,7 mio. kr.-inik sipaaruteqassaaq (inuiaqatigiinnut akilersinnaassusia pillugu naatsorsuinermut ilaavoq). Ingerlatsinermut tunngatillugu Mittarfeqarfinnut Naminersornerusut ingerlatsinermut tapiissutaat ukiumut 3,5 mio. kr.-inik (inuiaqatigiinnut akilersinnaassusia pillugu naatsorsuinermut ilaavoq) appartinneqarsinnaassapput.
Sipaaruteqarnermut siullermik pissutaavoq mittarfinni timmisartunik annerpaamik 19-inik ilaasoqartunik timmisartorfigineqartuni qatserisartunik annaassiniartussanillu peqarnissamik piumasaqaateqartoqannginnera. Mittarfiit taamatut ittut isumannaallisaanermi taamaalillutik qulimiguulinnut mittarfinnut assersuunneqarsinnaapput. Air Greenland A/S ullumikkut qulimiguulik S-61 25-nik ilaasoqarsinnaasoq qulimiguunut mittarfinni atugaraa, oqartussallu naliliinikuullutik tamanna illersorneqarluarsinnaasoq.
Paamiut qulimiguulimmik timmisartorfigineqarluni timmisartuussisartunik kiffartuunneqarnissamut isumaqatigiissut atorunnaarpat Namminersornerusut ukiumut 1,8 mio. kr.-inik (inuiaqatigiinnut akilersinnaassusia pillugu naatsorsuinermut ilaavoq) sipaaruteqassasut naatsorsuutigineqarpoq.
Nunap immikkoortuanut ataqatigiissitsinermi isummat
Mittarfimmik pisariitsumik pilersitsinermi Paamiunut ataqatigiissitsinermi isummat tassaapput illoqarfinni ikittuinnarnik ilaasunik tunngavissaqartuni mittarfiup ingerlanneqarnera imminut akilersinnaannginnera naapertorlugu Paamiut aamma tikiffissat minnerusut allat siunissami timmisartornermut annerusumik akiliisarnissaannut minnerusumik tamaviaartinneqalernissaq. Aammattaaq pisariitsumik mittarfik taamatut ittoq angallannermi ilusip uigunerani inissisimassaaq, nunap immikkoortuani mittarfiit angisuut timmisartunik nutaalianik akunnattumik isorartussusilimmut ingerlasinnaasunik timmisartorfigineqarlutik, mittarfiillu allat timmisartunik mikinernik annerpaamik 19-inik ilaasoqarsinnaasunik timmisartorfigineqarlutik.
Periarfissatut allatut eqqarsaatigineqarsinnaavoq ullumikkut ilusip ingerlatiinnarneqarnissaanut pinngitsaalineqartut misigimaneq, timmisartuussinermi timmisartut Dash 7-it tunngavigineqarlutik. Taamaalilluni nunap iluani timmisartuutit nutarterneqartussat naammassineqarsinnaanerat ajornarsissaaq, taamaasiornikkut ingerlatsineq akikinnerusoq qulakkeerneqartussaagaluarluni, tassani ilaalluni aserfallatsaaliinermut aningaasartuutit qaffassanngitsut - timmisartut pisoqalinerat innersuussutigalugu.
Timmisartuussisunut ataqatigiissitsinermi isummat
Mittarfimmik pisariitsumik pilersitsinermi timmisartuussisartunut ataqatigiissitsinermi isumaq tassaavoq timmisartunik assigiinngitsunik marlunnik aningaasaliisinnaanngussasut, tamarmik suliassap annertussusaa naapertorlugu angissusilerneqarsinnaallutik.
Ullumikkut timmisartumik angallassinerup aaqqissugaanerani pisariaqartitsineq apeqqutaatinnagu ingerlaffinni tamani timmisartumi angissuseq ataaseq (Dash 7) atorneqarpoq. Timmisartuussinerup eqaatsumik ingerlanneqarnissaa eqqarsaatigalugu anguniagaq anguneqanngisaannartut tamanna isumaqarpoq, Kalaallit Nunaannimi timmisartumik angallassineq tikiffissat angisuunut ikittuinnarnut tikiffissanullu mikinernut arlalinnut ingerlanneqarmat. Ilaasutigut tunngavigisanut assigiinngitsorujussuarnut kiisalu timmisartut ingerlanneqarnerini aningaasartuutit annertuut naapertorlugit tikiffiit taakku arlaannaalluunnit akilersinnaanermut piumasat tamakkerlugit timmisartorfigineqanngillat.
Ataqatigiissitsinermi isummat taamaattut Paamiut @pisariitsumik mittarfimmik@sanaartorfigineqarnissaanut aalajangiisuulluinnarput. Ullumikkut siunissamilu timmisartuussisussat siunissami aningaasaliinissaminnut pilersaarusiorsinnaanerannik taamatut aalajangerneq isumaqarpoq, timmisartullu Dash 7-it atorunnaarsinnissaannut periarfissiilluni. Ullumikkut timmisartuussisumut ataqatigiissitsinissamut isumaq imaassimavoq Dash 7 atorlugu timmisartuussinissamut allamik periarfissaqarsimannginneq. Taamattumik timmisartut aserfallatsaalineqarsimapput massa timmisartut ingerlatsinermi akilersinnaassuseqarpiarsimanngitsut, aserfallatsaaliinermullu aningaasartuutit - qaffasereeqisut - qaffakkaluttuinnarlutik.
Inerliineq
Paamiuni pisariitsumik 780 meterimik sanaartortitsinikkut inuiaqatigiinnut akilersinnaassusiata pilersaarutip nalilersornerani marlunnik periarfissanik naatsorsuisoqarpoq
Tunngaviatigut periarfissaq
Ullumikkut silaannakkut angallassinermi iluseq ingerlatiinnarneqassasoq Paamiut qulimiguulimmik timmisartorfigineqarnera ingerlatiinnarlugu.
780 meterimik pisariitsumik mittarfiliornissamut periarfissaq
Paamiuni pisariitsumik mittarfiliornikkut timmisartunik mikisunik annerpaamik 19-inik ilaasoqarsinnaasunik timmisartuussinissaq periarfissaalissaaq, tamatumalu peqataanik mittarfiup tallineqarnissaanut annertuumik aningaasartuutitaqartussamik isummernissaq pisariaarutissalluni.
Inuiaqatigiinnut akilersinnaassusiata pilersaarutip nalilersornerani inernerit pingaarnerit skema-mi ataaniittumi katersorneqarput.
Tabel 4. Inerneq pingaarneq: Paamiuni pisariitsumik 780 meterimik mittarfiliorneq.
Ullumikkut nalinga mio. kr. |
Erniat % |
|
Ingerlatsinermi akilersinnaassuseq |
-43 |
-9 |
Inuiaqatigiinnut akilersinnaassuseq |
-39 |
-8 |
Najoqqutaq: Ilanngussaq 3.
Paamiuni pisariitsumik 780 meterimik mittarfiliorneq ingerlatsinermi akilersinnaassusikkut ullumi naliusut atorlugit -43 mio. kr.-inik -9%-imillu erniaqartumik iluanaaruteqartoqassaaq. Inuiaqatigiinnut akilersinnaassutsimi iluanaarutit -8%-imik erniaqarput ullumi naliusut atorlugit -39 mio. kr.-iullutik.
Paamiuni nunap immikkoortuani 799 meterimik mittarfimmik sanaartortitsinikkut inuiaqatigiinnut akilersinnaassusiata pilersaarutip nalilersornerani marlunnik periarfissanik naatsorsuisoqarpoq
Tunngaviatigut periarfissaq
Ullumikkut silaannakkut angallassinermi iluseq ingerlatiinnarneqassasoq Paamiut qulimiguulimmik timmisartorfigineqarnera ingerlatiinnarlugu.
Nunap immikkortuani mittarfissamut periarfissaq
Paamiuni nunap immikkoortuani mittarfiliornikkut Dash 7 atorlugu timmisartuussinissamut periarfissiissaaq, qularnanngitsumilli piaartumik mittarfiup annertuumik aningaasartuutitaqartussamik tallineqarnissaa pillugu isummertoqartariaqarluni.
Inuiaqatigiinnut akilersinnaassusiata pilersaarutip nalilersornerani inernerit pingaarnerit skemami ataaniittumi katersorneqarput.
Tabel 5. Inernit pingaarnerit: Paamiuni nunap immikkoortuani mittarfiliorneq
Ullumikkut nalinga mio. kr. |
Erniat % |
|
Ingerlatsinermi akilersinnaassuseq |
-122 |
Naatsorsorneqarsinnaanngilaq |
Inuiaqatigiinnut akilersinnaassuseq |
-116 |
Naatsorsorneqarsinnaanngilaq |
Najoqqutaq: Ilanngussaq 3.
Paamiuni nunap immikoortuani mittarfiliorneq ingerlatsinermi akilersinnaassusikkut ullumikkut naliusut atorlugit -122 mio. kr.-inik annertuumik qaffasissumik naatsorsorneqarsinnaanngitsumik ernialimmik iluanaaruteqartoqassaaq. Inuaqatigiinnut akilersinnaassusikkut iluanaarutit aamma qaffasissumik naatsorsorneqarsinnaanngitsumillu ernialimmik ullumikkut naliusut atorlugit -116 mio. kr.-iussaaq.
Inernerit nalorninaatsumik takutippaat Paamiuni nunap immikkoortuani mittarfiliornissamut suliaq ingerlateqqinneqartariaqanngitsoq. Paamiuni mittarfiliortoqarnissaa pillugu suleqqittoqassappat, taava tamanna 780 meterimik pisariitsumik mittarfiliornikkut pisariaqarpoq, aamma aningaasaliineq taanna inuiaqatigiinnut akilersinnaassusermik pitsaasumik sunniuteqanngikkaluarpalluunniit.
Inuiaqatigiinnut akilersinnaasunik isumatuunik Inatsisartut aningaasaliinissaq ujartugarippassuk taava Paamiuni mittarfiliornissaq pillugu pilersaarut unitsinneqavinnissaa qulimiguulimmillu pisinnaaneq atuinnarlugu inuiaqatigiinnut akikinnerpaajussaaq, tamannalumi naammalluartuusoq 2002-mi takutinneqarpoq.
Inatsisartut eqqarsaatit taakku isumaqataaffigisinnaappatigit taava Paamiuniit 119 mio. kr.-it nassuiaammi matumani pilersaarutinut allaaserineqartunut allanut nuunneqartariaqassapput. Paamiuni mittarfiliornissaq pillugu pilersaarutip naammassineqarnissaa Inatsisartut aalajangiutissappassuk taava tamatuma mittarfeqarfinni allani sanaartornissanut periarfissat annikillisissavai.
Nuummi, Ilulissani aamma Qaqortumi mittarfinnik 1199 meterinik pilersitsinermi Mittarfeqarfinnut ingerlatsinermi akilersinnaassuseqarnikkut sunniutissat.
Nuuk aamma Ilulissat
Nuummi aamma Ilulissani mittarfinni pineqartuni, tallisitsinerup kingorna, Dash 7/ATR 72 atorlugit timmisartuussisoqassasoq Mittarfeqarfinnit tunngavigineqarpoq, kisianni siunissami timmisartuussinissami allannguisoqannginnissaa naatsorsuutiginagu, aalajangersimasumillu ilaasunik timmisartuussineq ingerlateqqinneqarumaartoq.
ATR-72, Dash-7 assigalugu, qatserisartutigut annaassiniarnissamullu upalungaarsimanissamut CAT 5-imik pisariaqartitsimmat, Mittarfeqarfiit naatsorsuutiginngilaat ATR-72-imut nuunneq mittarfiit ingerlatsinermi aningaasartuutaanni allannguisoqassanngitsoq. Mittarfeqarfiit naatsorsuutigaat ATR-72 atorlugit timmisartuussinerit pingaarnertigut ullumikkut Dash 7 atorlugu timmisartuussinernit allaanerussanngitsoq. Mittarfinnut takinerulaartunut aserfallatsaaliinermi ingerlatsinermut aningaasartuutit annertusinissaat ullumikkut pissutsinut naleqqiullugit annikitsuararsuussapput.
Qaqortoq
Inerniliineq
Tunngavigisat naatsorsuinerillu saqqummiunneqartut tunngavigalugit inerniliineq tassaavoq Qaqortumi mittarfiup ingerlanneqarnera 5.263.000 kr. aamma 6.463.000 kr.-it akornanni Narsarsuup ingerlanneqarneranit akikinnerussasoq.
Sipaarutissatut naatsorsuutigineqartunit ilaasa annersaa nerisaqarnermut, inissianut najugaqarnermullu aningaasartuutinik kiisalu inuiaqatigiinnut kiffartuusiinermit tassani ilaalluni Narsarsuarmi qatserisartoqarneq sipaaruteqarnermut tunngasuupput.
Tunngavigisat
A
Manna tikillugu mittarfiit arfinillit assigalugit mittarfik atorneqarnissaminut piareersimasoq mittarfik pineqartoq tunniunneqassaaq. Mittarfiup tunniunneqarnerani illorsuarmi isumannaallisaanikkut nakkutilliinermut atugassanik immikkoortunik/ininik pilersitsisoqarsimassasoq naatsorsuutigineqarpoq.
A
Timmisartunut uninngasarfimmi Dash 7/ATR72-imut, S61-imut, Bell 212.imut kiisalu timmisartunut nammineq pigineqartunut 2-4-mut inissanik naammattunik peqassasoq, Narsarsuaq ullumikkut USA/Canadap aamma Europa-p akornanni timmisartunut mikinernut akunniffigalugu annertuumik miffigineqartarmat.
A
Mittarfimmi pisortamut, Air Greenland A/S-ip sulisuinut (angallannermi sulisunut timmisartumilu sulisut isersimaartarfissaannik) kiisalu allaffimmi sulisunut marlunnut allaffinnik illorsuarni qulakkeerinnittoqarnissaa naatsorsuutigineqarpoq.
A
Mittarfik Narsarsuaq matuneqassasoq.
A
Narsarsuarmi imaluunniit Qassiarsummi qulimiguullit mittarfiissaannik pilersitsisoqassanngitsoq.
A
Mittarfiup ammasarfissaa naatsorsuutigineqarpoq piffissamiissasoq 08.00 - 17.00 ataasinngornermiit arfininngornermut, Nuummi Ilulissanilu mittarfiit ammasarfii assigalugit.
A
Kaaviiaartitassat 2002-imi ukiumi naatsorsuuseriffimmi ingerlatassatut naatsorsuutigisat tungavigalugit naatsorsorneqarput, tulliuttumi ersarinnerusumik saqqummiunneqarput.
A
Kangerlussuup atlantikukkut angallassinermi qitiusutut atorneqarnissaata sunniutissai, soorlu ataani allaaserineqartumi, ingerlatsinermi kisitsisit ilanngullugit naatsorsorneqarput.
A
2001-imi Mittarfik Narsarsuarmiit aallarsimasunut naleqqiullugit Mittarfik Qaqortumiit ilaasut aallartussatut naatsorsuutigineqarput.
Tikiffissaq |
Narsarsuaq |
Qaqortoq |
Heliportit aamma helistoppit |
9.800 |
6.000 |
Nunap iluani mittarfik |
14.800 |
14.800 |
Nunanut allanut mittarfik |
0 |
0 |
Katillugit |
24.600 |
21.600 |
Mittarfik Narsarsuarmut kisitsisit tassaapput Kangerlussuup atlantikukkut angallassinermi qitiusutut atorneqarnerani pisut. Aamma taakku Mittarfik Qaqortumut atuupput. |
Tabellimi takuneqarsinnaavoq Qaqortumiit heliportinut helistoppinullu aallartut amerlassusaat Narsarsuarmiit aallartut amerlassusaannit 3,800-inik ikinnerussasut Mittarfeqarfiit naatsorsuutigigaat. Tamatumunnga nassuiaataavoq ilaasut Qaqortumut tikiffissallit Narsarsuup Qaqortullu akornanni timmisartortussaajunnaarnerat. Ilaasut amerlassusaat taakku tunngavigalugit, Kangerlussuaq atlantikukkut angallannermi qitiusutut atorneqartillugu, Narsarsuarmut naleqqiullugu Qaqortumi mittarfiup ingerlanneqarnera ukiumut 6,46 mio. kr.-inik akikinnerussaaq.
A
Timmisartut ataasiakkaat qanoq ittuuneri naapertorlugit Narsarsuarmi aallalernermi akitsuutitigut kaaviiaartitat imatut isikkoqarput:
Timmisartup suunera |
Narsarsuaq |
Qaqortoq |
S-61 |
168.750 |
135.000 |
DHC-7/ATR-72 |
109.250 |
120.750 |
King Air |
3.000 |
3.000 |
DHC-6 (ATY) |
4.500 |
4.500 |
AS 350 |
7.500 |
12.500 |
Bell 212 |
37.500 |
47.500 |
Timmisartut mikinerit allat |
15.000 |
15.000 |
Timmisartut mikisunnguit allat |
37.500 |
37.500 |
Katillugit |
383.000 |
375.750 |
Mittarfik Narsarsuarmut kisitsisit tassaapput Kangerlussuup atlantikukkut angallassinermi qitiusutut atorneqarnerani pisut. Aamma taakku Mittarfik Qaqortumut atuupput. |
A
Mittarfik Narsarsuarmut naatsorsuutigisatut amerlassutsinut naleqqiullugu Mittarfik Qaqortup ammasarnissaata allanngunnginnissaa naatsorsuutigineqarpoq.
A
Naatsorsuutigineqarpoq Air Greenland A/S angallassinermi isumaginnittutut sulineq suliarissagaa.
A
Akit Akiliinissamullu Maleruaqqusaq naapertorlugu ingerlatsinermi isertitat naatsorsorneqarput. Ingerlatsinerit makku naatsorsuutigineqarput:
Timmisartup suunera |
Amerlassutsit |
Ataatsip akia |
Kr. |
S-61 |
600 |
1.150 |
690.000 |
ATR-72 |
230 |
2.550 |
586.500 |
King Air |
24 |
500 |
12.000 |
DHC-6 (ATY) |
36 |
500 |
18.000 |
AS 350 |
150 |
500 |
75.000 |
Bell 212 |
300 |
500 |
150.000 |
Timmisartut mikinerit allat |
300 |
500 |
150.000 |
Timmisartut mikisunnguit allat |
375 |
500 |
187.500 |
Katillugit |
2.015 |
|
1.869.000 |
Taamatut akit inissisimatillugit Air Greenland A/S nammineq kajumissuseqassaaq Mittarfik Qaqortoq inuttaqartissallugu, taamaalilluni namminneq ingerlatsinermi isumagisassat isumagisinnaasallugit. Tassani pisariaqarpoq usilersuinermi pisortaq mittarfimmilu sulisoq ataaseq kiisalu napparsimasoqartillugu sulingiffeqartoqartillugu taartissaq. Taamaalilluni Mittarfeqarfiit ingerlatsinermi isertitarisartagaat annertuut annaassavaat. |
Mittarfinni allani nammineq sinnerlutik ingerlatsineq isumaginiarlugu Mittarfeqarfiit Air Greenland A/S-imut neqerooruteqarneranni periutsit assigalugit ingerlatsineq naatsorsorneqassapput, ingerlatsinermi isertitat tamarmiusut 1.256.750 kr.-inut naatsorsorneqassapput, taannalu kisitsit eqqornerusuusutut isigisariaqarpoq. |
A
Unnuinermi akiliutitut 34.000 kr.-init naatsorsuutigineqarput.
A
Timmisartunut orsussamik ukiumut katillugit 900.000 liter Jet-A1-imik timmisartuussisartunut maani najugaqartunut aamma 600.000 literi @timmisartunut akunnittut@aamma 60.000 literi AV-gasimik tunisisoqassasoq naatsorsuutigineqarpoq, ullumikkut illoqarfinni mittarfinni akit naluneqanngitsut tunngavigalugit naatsorsorneqarput.
A
Mittarfik Qaqortumi Air Greenland A/S-imiit allafinnut sulisulu isersimaartarfiinut attartornermi isertitanit ukiumut 50.000 kr.-init naatsorsuutigineqarput.
A
Timmisartut Mittarfik Qaqortumut akunnittut eqqarsaatigalugit ullumikkut Mittarfik Narsarsuarmi naluneqanngitsutut ingerlasoqarnissaa naatsorsuutigineqarpoq.
A
Mittarfik Qaqortumiit silasiortuni ulloq unnuarlu inuttaqartitsisoqassanngilaq.
A
Mittarfik imatut inuttaqartinneqassasoq naatsorsuutigeqarpoq:
1 mittarfimmi pisortaq
2 indsatslederit
6 terminalarbejderit
2 AFIS-operatørit
2 allaffimmi sulisut mittarfiup allaffiani isumannaallisaanermilu suliaqartut.
A
Nunap immikkoortuani pisortamut akissarsiat, allaffissornermut, angalanermut assigisaanullu aningaasartuutit naatsorsuinermi ilaatinneqanngillat.
A
Naatsorsuutigineqarpoq Mittarfik Qaqortoq qullersaqarfimmiit aqutsisutigut ingerlatsinermi ikiorneqassasut (aningaasaqarneq, IT, sulisut, teknikeqarfik) aamma taakkununnga aningaasartuutit aningaasaqarnikkut misissueqqissaanermut ilanngunneqassanngillat.
A
Tamatuma malitsigisaanik Narsarsuarmi aningaasaqarnermut immikkoortoq Nuummut nuunneqassaaq.
A
Narsarsuarmi allaasumik Mittarfeqarfiit illoqarfimmut tunngasutigut ingerlatanut, inuiaqatigiinnit suliakkiissutinut, tassani ilaalluni illoqarfimmi qatserisartut, aserfallatsaaliinernut allanut nukinnik immikkoortitsissanngilaq, Qaqortumi pioreersunik atuisoqassammat. Mittarfeqarfiit sulisut nerisassaannut aningaasartuutai immikkoortumi tassani inissinneqartarput.
A
Naatsorsuutigineqarpoq Mittarfeqarfiit sulisui nammineq inissarsiussasut imaluunniit Qaqortumi pisortat inissiaataat aqqutigalugit. Tamatuma malitsigisaanik Mittarfeqarfiit Narsarsuarmisut sulisunut inissianik najugaqartitsinissamillu piareersimatitsissanngitsoq, tamatuma malitsigisaanik Mittarfeqarfimmut aningaasartuutaasunik.
A
Naatsorsuutigineqarpoq Mittarfik Qaqortoq Mittarfik Sisimiutulli aningaasartuutitigut inissisimassasoq.
Aningaasaqarnikkut sunniutit
Tunngaviit qulaani taaneqartut akiligassanut pingaarnernut imatut katiterneqarsinnaapput:
Narsarsuaq |
Qaqortoq |
|
Naatsorsuutit 2001 |
Atlantikkut timmisartorneq ilanngunnagu missingersuut |
Missingersuut |
Mittarfimmut akitsuutit |
13.235.827 |
11.510.000 |
9.043.000 |
Tunisineq orsussaq |
8.096.348 |
5.100.000 |
5.775.000 |
Tunisineq assigiinngitsut |
3.778.510 |
3.779.000 |
919.000 |
Tunisineq nammineq suliffeqarfimmi |
8.010.024 |
8.010.000 |
0 |
Attartortitsinermi isertitat |
3.043.927 |
3.044.000 |
86.000 |
Isertitat katillugit |
36.164.636 |
31.443.000 |
15.823.000 |
Nioqqutissanik atuineq |
-6.901.015 |
-4.730.000 |
-4.095.000 |
Matussutissat 1 |
29.263.621 |
26.713.000 |
11.728.000 |
Ingerlatsinermi aningaasartuutit |
-8.310.796 |
-8.311.000 |
-924.000 |
Matussutissat 2 |
20.952.825 |
18.402.000 |
10.804.000 |
Aningaasartuutit avataaneersut allat |
-7.560.792 |
-7.561.000 |
-4.925.000 |
Sulisunut aningaasartuutit |
-15.153.143 |
-15.153.000 |
-3.728.000 |
Nalikilliineq sioqqullugu inerneq |
-1.761.110 |
-4.312.000 |
2.151.000 |
Nalikilliinerit |
0 |
0 |
0 |
Aningaasaliineq sioqqullugu inerneq |
-1.761.110 |
-4.312.000 |
2.151.000 |
Aningaasaliineq |
-140.701 |
0 |
0 |
Ilanngaateqareerluni inerneq |
-1.901.811 |
-4.312.000 |
2.151.000 |
Narsarsuarmi aamma Qaqortumi mittarfiit ingerlanneqarnerisa qulaani naleqqersuuneqarneranni soorlu takuneqarsinnaasoq, Narsarsuarmut naleqqiullugu Qaqortumi mittarfiup ingerlanneqarnera tunngavigisat saqqummiunneqartut naapertorlugit ukiumut 6.463.000 kr.-inik akikinerussaaq. Atlantikukkut angallassineq suli Københavnimut toqqaannartumik ingerlanneqartussaasoq, assersuutigalugulu Island aqqusaarlugu pisassasoq naatsorsuutigineqassasoq, Mittarfik Narsarsuaq pinnagu Mittarfik Qaqortulli atulerneratigut ukiumut 4.053.000 kr.-init sipaarutaassasut nalilerneqarput.
Paasissutissanut ilassutissat
Mittarfik Qaqortup 08.00 - 17.00 ataasinngornermiit arfininngornermut ammasarfiinut tunngavigiit 07.00 - 20.00-imut imaluunniit 06.00 - 19.00-imut ataasinngornermiit tallimanngornermut (arfininngorneq aamma sapaat matoqqasarluni) allanngortinneqaraluarpata tamanna kisimi ammasarnermi akitsuutitigut 1.200.000 kr.-it missaannik annikillissagaluarpoq.
Mittarfik Qaqortumut ingerlatsinermut inernerit taamaalilluni ukiumut 951.000 kr.-inik sinneqartoornermik nalilerneqarsinnaagaluarput, sulilu Narsarsuup ingerlanneqarneranut naleqqiullugu ingerlatsinermi sipaarutissat manna katillugit 5.263.000 kr.-iussagaluarlutik.
Minneq/qangattarnerlu pillugit kisitsitigut paasissutissat Air Greenlandimiit
Dash 7-imut naleqqiullugu timmisartut ATR-it atornerisigut ingerlatsinermi aserfallatsaaliinermi aningaasartuutit naatsorsuutigisamik appasinnerulernissaannik ilaasut qassit pineqarnersut isumassarsiffiginiarlugu, Angallassineq pillugu nassuiaammi Air Greenland A/S-ip 2001-imi minneq/qangattarnerlu pillugit kisitsisitigut paasissutissai aallaavigineqarput.
Naatsorsuinermi pineqarput siumuinnaq angalasut amerlassusaat ingerlaarfinni ukunani:
A
Nuuk-Kangerlussuaq.
A
Nuuk-Narsarsuaq.
A
Kangerlussuaq-Ilulissat.
Ingerlaarfiit taakku qinerneqarnerannut pissutaavoq ingerlaarfiit taakku assersuutigalugu timmisartumik ATR-imik timmisartorfigineqarnissaannut periarfissaqarnera. Aallaavissatut naatsorsuutigineqarpoq ilaasutigut angallassineq nuna napillugu pisussat, ingerlaarfiit taakku atorlugit ingerlanneqartussaammata. Taamaalilluni assersuutigalugu Ilulissat aamma Nuup akornanni ilaasutigut angallaneq tikiffissat akornanni toqqaannartumik timmisartorfigineqarsinnaanera periarfissaassaaq.
Oqaatigineqassaaq ingerlaarfik Kangerlussuaq-Narsarsuaq ullumikkut timmisartut ATR atorlugit timmiffigineqarsinnaareermat. Taamaattumik ingerlaarfimmi tassani ilaasut amerlassusaat naatsorsuinermi ilaatinneqanngillat, massa ingerlaarfimmi tassani ilaasut amerlanersaat ingerlaarfimmut Kangerlussuaq-Ilulissanut atatillugit isigineqassagaluartut.
Naatsorsueqqinnermi ingerlaarfiit amerlassusaasa ikileqqaarnissaat kissaatigineqarmat assersuutigalugu Ilulissat aamma Nuup akornanni ilaasunik angallassineq Kangerlussuarmi akunnittartussaassapput. Taamaaliluni ingerlaarfimmi Ilulissat-Nuuk ilaasut amerlassusaat ingerlaarfinni Ilulissat-Kangerlussuaq aamma Kangerlussuaq-Nuuk ilaasut pillugit kitsisitigut paasissutissani ilaasussaassapput.
Tamatuma kingunerisaanik ingerlaarfinni taakkunani sisamani ilaasut amerlassusaat piviusumik ilaasut amerlassusaannit amerlanerussapput, ilaasut ilaasa angalanermi ataatsimi ingerlaarfiit marluk ingerlaffigisussaammatigit. Timmisartumut nutaamut ikaarsaarnermi ingerlaarfinni tamani sipaaruteqartoqarnissaa naatsorsuutigineqarpoq, taamaattumillu ilaasut ilaasa ilaasut pillugit kisitsisitigut paasissutissani arlalinniinnerat ataatsimut isigalugu aningaasaqarnikkut sunniuteqassanani. Ilaasut pillugit kisitsisitigut paasissutissat aamma ingerlaarfinni taaneqartut arlaanni ataatsimi amerlanerniluunniit angalasussat taamaallaat ilaasussanik tunngaveqarpoq.
Taamaaliluni ilaasut ilaatigut Aasianniit, Kangaatsiamiit, Sisimiuniit aamma Maniitsumiit ilaasut pillugit kisitsisitigut paasissutissani ilaanngillat, ingerlaarfinni taaneqartuni angalasinnaasutut massa tunngavissaqarsinnaagaluartut. Aammattaaq ilaasut Tunumeersut ingerlaarfinni ataasiakkaani kisitsisitigut paasissutissani ilaatinneqanngillat. Angallassinerup ilusaanut naleqqiullugu Tunumi timmisartuussinermut assersuutigalugu timmisartut ATR atulernerinut atatillugu suli paasinarsinngilaq ilaasut Tunumeersut ilanngullugit naatsorsuutigineqarnissaannut tunngavissaqarnersoq.
Ilaasut amerlassusaasa @ajornerpaaffissaat@siullermillu Kangerlussuup aamma Nuuk Ilulissallu akornanni timmisartuusseqqinnermi ilaasut amerlassusaannik ilaasunillu allamik timmisartuunneqarnissaminnut periarfissaqarsorinanngitsunik taamaalilluni naatsorsuinermi taamaallaat tunngavigineqarput.