Partiit oqaaseqaataat (Kattusseqatigiit)

20120913 09:27:14
Partiit oqaaseqaataat (Kattusseqatigiit)

          ATTAVIITTUT   KATTUSSEQATIGIIT


          KANDIDATFORBUNDET

UKA 2002 / 137 - 01


MADS PETER GRØNVOLD

ULLOQ 30.09.2002

Sikusartuniittut minnerpaamik nammineq atugassaminnik timmiaruarniarsinnaanissaat ammaanneqarsinnaaqqullugu timmissanik eqqissisimatitsineq pillugu nalunaarutip atuuttup allanngortinneqarnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.



Inatsisartuni ilaasortap Anthon Frederiksen-ip Kattusseqatiginneersup aalajangiiffigisassatut siunnersuutaa peqqissaartumik misissoreerlugu imatut oqaaseqarfigissuarput.


Siunnersuuteqartup taamatut aalajangiiffigisassatut siunnersuuteqarnera Kattusseqatigiinniit paasisinnaalluarparput, tassami Namminersornerullutik Oqartussat timmissat pillugit nalunaarutaata 6. december 2001-imeersup atuutilerneratigut ilaatigut nunatsinni timmia-ruarniarsinnaaneq annertuumik killilersorneqalermat.


Nassuerutigineqartariaqarpoq timmissat pillugit nalunaarutip ilaatigut pissusiviusunut naleqqussarlugu allanngortinneqartariaqarmat, assersuutitgalugu appanik ( piniarsinnaanerup ) aallaaniarsinnaanermut nalunaarummi ilaatigut piffiit ilaanni aallaaniarsinnaaneq ajornar-sisimmangu.


Ukiuni kingullerni nunatsinni appaqarnera qiviaraanni ilaatigut oqaatigineqartarpoq appat ikiliartuinnartut, taamaakkaluartoq piffiit ilaanniit oqaatigineqartarpoq piffinni pineqartuni ilaatigut appat amerliartuinnartut.


Assersuutigalugu Upernaviup kommuneqarfiani appaqarnera ukiuni kingullerni  qiviaraanni piffimmi pineqartumi appat ikiliartuinnartut oqaatigineqartarput.


Taamatut piffimmi pineqartumi appat ikiliartornerat sumik tunngaveqarnersoq annerusumik misissorneqarsimanngitsoq tunngavigalugu Kattusseqatigiinniit isumaqarpugut appat piffiit ilaanni ikiliartornerat sumik tunngaveqarnersoq ersarissumik misissoqqullugu.


Illuatigut Qaanaap Kommuneqarfia qiviaraanni  pineqartumi appat  amerlalluinnartut piffissa-  mi aalajangersimasumi takuneqarsinnaasarmata, ilaatigullu oqaatigineqartarluni piffimmi pineqartumi appat amerliartuinnartut.


Qaanaap kommuniani appat ilaatigut amerliartuinnarnerat sumik tunngaveqarnersoq aamma misissorneqartariaqartoq Kattusseqatigiinniit isumaqarpugut, taamaliornikkummi aalajangerniarnermut tunngavissat pitsaasut qinikkanik pissarsiarineqarsinnaammata.


Avannaani nammineerlunga angalasarninni takusartakkakka piniartunillu oqaloqatiginnittar-nikka tunngavigalugit isumaqarpunga appat piffiit ilaanniit allamut nuttarnerat ilaatigut appat ikiliartornerarlugit oqaluttoqartarneranut illuatugiliunneqartariaqalersoq.


Naggataatigut Kattusseqatigiinniit iluarisimaarparput timmissat pillugit nalunaarut Naalakkersuisunit iluarsaateqqinniarneqalermat, taamatullu iluarsaasseqqinnermi Kattus-seqatigiinniit neriuutigaarput pissutsit piviusut tunngavigalugu timmissat pillugit nalunaarut Naalakkersuisunit suliarineqarumaartoq.


Kattusseqatigiinniit iluarisimaarparput atuisunut tusarniaaqqittoqarmat, tamanut naam-maginartumik nalunaarutip iluarsiivigineqarnissa Kattusseqatigiinniit Naalakkersuisunut kaammattuutigissuarput.


Taamaattumik Kattusseqatigiinniit isumaqarpugut nunatsinni timmissat pillugit misissuisarne- rit suli ukiuni kingullerni annertunerusumik aamma ingerlanneqartarnissaat Naalakkersuisunit qulakkeerneqartariaqartoq, taamaliornikkut qulakkeerneqarsinnaasunngorlugu nunatsinni timmissat ukiuni kingullerni piffinni pineqartuni amerliartornersut imaluunniit ikiliartornersut.


Taamatut oqaaseqarluta siunnersuuteqartup Anthon Frederiksen-ip Kattusseqatigiinneersup siunnersuutaa Kattusseqatigiinniit taperserparput.