Qinigaasinnaanermut Ataatsimiititaliaq


Qinigaasinnaanermut ataatsimiititaliap suliassarai inuit Kalaallit Nunaanni Kommunalbestyrelsimut, Nunaqarfinni Aqutsisunut aamma ilagiit sinniisaannut qinigaasimasut qinigassinnaanersut misilissallugit.


Kommunalbestyrelsinut, nunaqarfinni aqutsisunut aamma ilagiit sinniisaannut qinersisarnerit pillugit Inatsisartut inatsisaat nr. 27. 28. november 2016-meersuni takuneqarsinnaapput Qinigaasinnaanermut ataatsimiititaliap katiterneqarnera, sulinera kiisalu malittarisassat.

 

Qinigaasinnaanermut ataatsimiititaliami ilaasortat ukuupput:

Siulittaasuussaaq Kalaallit Nunaanni landsdommeri.

Inatsisartunut ilaasortat marluk, inatsisartunit toqqakkat.

Kommunalbestyrelsini imaluunniit Nunaqarfinni Aqutsisuni ilaasortat marluk, kommunenit toqqarneqartut.

 

Qinigaasinnaanermut ataatsimiititaliami ilaasortanut sisamaasunut sinniisussanik toqqaasoqassaaq.

 

Ilagiit Sinniissaannut ilaasortassatut qinigaasimasut qinerneqarsinnaaneri misilinneqartillugit Biskoppi aggersarneqartassaaq.

 

Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaat nr. 27. 28. november 2016-imeersoq naapertorlugu qinersinerit ingerlanneqareerneri tamaasa, qinigaaffiullu ingerlanerani pisariaqartitsineq naapertorlugu Qinigaasinnaanermut ataatsimiititaliaq ataatsimiittarpoq.


Nunami Namminermi Pissutsinut Allaffeqarfik Qinigaasinnaanermut ataatsimiititaliamut allatseqarfiuvoq.

 

Qinigaaffiup atuuffia:

Tunngaviatigut qinigaaffik ukiuni sisamani atuuttarpoq. Taamaattorli ukiut sisamat suli qaangiutsinnagit ilaasortassanik toqqaasinnaapput, assersuutigalugu Inatsisartunut qinersinermut atatillugu.

 

  

Saaffigisassaq:

Nunami Namminermi immikkoortortaqarfik
Postboks 1015

3900 Nuuk

Oqarasuaat 34 50 00

govsec@nanoq.gl