Kalaallit Nunaanni Inuit Pisinnaatitaaffii Pillugit Siunnersuisoqatigiit


Inatsisikkut tunngavissaq

Kalaallit Nunaanni Inuit Pisinnaatitaaffii Pillugit Siunnersuisoqatigiit Inuit Pisinnaatitaaffii pillugit Siunnersuisoqatigiit pillugit Inatsisartut inatsisaat nr. 20, 27. november 2018-imeersoq tunngavigalugu pilersinneqarput.

 

 

Katitigaanerat

Siunnersuisoqatigiit 13-inik ilaasortaqarput.

 

Meeqqat Illersuisuat, Innarluutillit Illersuisuat kiisalu Naligiissitaanissamut Siunnersuisoqatigiit siulittaasuat aalajangersimasumik ilaasortaapput.

 

Suliniaqatigiiffinnit, peqatigiiffinnit suliffeqarfinnit il.il. inassuteqartoqareerneratigut siunnersuisoqatigiinnut ilaasortassanik qulinik Inatsisartut toqqaasarput.

 

  • Ilaasortaq ataaseq meeqqat inuusuttullu pillugit NGO-tut sulissuteqartunut sinniisuussaaq.
  • Ilaasortaq ataaseq inuit innarluutillit pillugit NGO-tut sulissuteqartunut sinniisuussaaq.
  • Ilaasortaq ataaseq eqqartuussivinnut inatsisitigullu isumannaatsuunissamik suliaqartunut sinniisuussaaq.
  • Ilaasortaq ataaseq ilinniartitaanermut ilisimatusarnermullu sinniisuussaaq.

Ilaasortaq ataaseq nunap inoqqaavisa pisinnaatitaaffii pillugit NGO-tut sulissuteqartunut sinniisuussaaq.

  • Ilaasortat allat tallimat inuit pisinnaatitaaffii pillugit soqutigisaqaqatigiinnut sinniisuussapput.

 

Ilaasortat Inatsisartunit toqqarneqartut ataasiaannarlutik toqqaqqinneqarsinnaapput.

 

Sinniisussanik toqqaasoqarneq ajorpoq.

 

Siunnersuisoqatigiit namminneq siulittaasussaminnik qinersisarput.

 

 

Piffissaq qinigaaffik

Ilaasortat qulit Inatsisartunit toqqarneqartut ukiunut sisamanut toqqarneqartarput. Ilaasortat tallimat ukiut marlukkaarlugit toqqarneqartarput.

 

Ilaasortanut tallimanut inuit pisinnaatitaaffii pillugit soqutigisaqaqatigiinnut siumut nassuiarneqanngitsunut sinniisuusunut qinigaaffik november 2021 naassaaq.

 

Ilaasortat sinnerinut piffissaq qinigaaffik november 2023-mi naassaaq.

 

 

Saaffiginniffissaq

Inuit Pisinnaatitaaffii Pillugit Siunnersuisoqatigiit

 

Najugaq:      

Jens Kreutzmannip Aqq 4, th
Postboks 2302
3900 Nuuk

 

EMAIL:        info@humanrights.gl

Oqarasuaat:   22 95 00