Aningaasaqarnermut Akileraartarnermullu Ataatsimiititaliap 2021-mi nalinginnaasumik ataatsimiittarnissaanut pilersaarut


Ataatsimiititaliap 2021-mi nalinginnaasumik ataatsimiittarnissai imaattut Aningaasaqarnermut Akileraartarnermullu Ataatsimiititaliamit aalajangersarneqarmata matumuuna nalunaarutigineqassaaq.

 

Ataatsimiinnerit pingasunngornerit allortarlugit nal. 10 nalinginnaasumik ingerlanneqartassapput.

 

 

19. maj
2., 16. aamma 30. juni

 

Aningaasaqarnermut Ataatsimiititaliaq juulip qaammataani nalinginnaasumik ataatsimiissanngilaq, taamaattumillu aalajangiiffigisassatut suliassat piffissami 30. juni – 1. august 2021-mi suliarineqarnissaat naatsorsuutigineqassanngilaq.

 

4. aamma 18. august
1., 15. aamma 29. september
13. aamma 27. oktober
10. aamma 24. november
8. aamma 22. december.

 

Septembarimi/oktobarimi/novembarimi UKA21 pissutigalugu nuunneqarsinnaapput. Inatsisartut ataatsimiinneranni ataatsimiititaliaq akuttunngitsunik ataatsimiittassaaq.


Ataatsimiinnissani taakkunani suliarineqartussatut kissaatigineqartunik Naalakkersuisut suliassaateqarunik, taakku ullut ataatsimiiffissatut siuliani taaneqartut sapaatip akunneranik sioqqullugit Aningaasaqarnermut Ataatsimiititaliap allattoqarfianit tiguneqareersimasussanngorlugit nassiunneqarsimasariaqarput. Atortussattaaq tamarmik qarasaasiakkut uunga aamma nassiunneqassapput: nickla@ina.alla.gl.

 

22. decembari ataatsimiinneq 2021-mi ataatsimiinnerit kingullersarissavaat. Decembarimi ataatsimiinnerit sulianik siusinnerusukkut nassiunneqartunik inaarsaanermut aallaavittut isigalugu taamaallaat atorneqartussatut naatsorsuutigineqarnerat malugeqquneqarpoq.


Allakkat uku nuutinneqarnerinik Naalakkersuisoqarfiit tamarmik nassinneqarnissaat isumageqqullugu Aningaasaqarnermut Naalakkersuisoq Aningaasaqarnermut Ataatsimiititaliamit qinnuigineqarpoq.

 

 

Inussiarnersumik inuulluaqqusillunga
Paneeraq Olsen
Aningaasaqarnermut Akileraartarnermullu Ataatsimiititaliap siulittaasua