Nutaarsiassat


2021 2020 2019 Flere år...

12-07-2021

Sanaartornermut Ataatsimiititaliap innuttaasut Uummannap eqqaani najugaqartut inigisaannut oqartussallu qimarnussinissamut pilersaarutaannut tunngatillugu tamanut ammasumik siunersiuinissaa

Ineqarnermut, Attaveqaqatigiinnermut, Aatsitassanut Naligiisitaanermullu Naalakkersuisoq tamanut ammasumik siunersiorneqarnissamut Sanaartornermut Ataatsimiititaliamit agger-sarneqarpoq. Uummannap eqqaani tassaarsuaqarnerata nassataanik qimarnussuisoqassa-galuarpat innuttaasunut taakkulu najugaannut kingunissat pillugit paasissutissanik pisortat samminninnerannut ammasumik siunersiuineq tunngassuteqassaaq. Ammasumik siunersiui-nermut marlunngorneq ulloq 13. juli, nal. 10.00 piffissaliunneqarpoq.

 

Nutaarsiassat minnerunngitsumillu tassaarsuaqarnerani pisinnaasumi tassungalu atatillugu innuttaasunik qimarnussinissami innuttaasut inigisaasa pineqarnissaat pillugu paasissutissat imminnut assortuuttut innuttaasunut paatsuunganarsimaqisut Sanaartornermut Ataatsimiiti-taliamit malinnaavigineqarsimapput. Tamanna tunngavigalugu apeqqutinut akissutissarsis-sallugit ataatsimiititaliamit pingaartinneqartunut Naalakkersuisut akissuteqarnissaat ataatsi-miititaliamit kissaatigineqarpoq.

 

Siunersiuineq kalaallisut danskisullu malinnaaffigineqarsinnaassaaq.
Ammasumik siunersiuineq Inatsisartut nittartagaanni ”Nutaarsiassat” ataani nalunaarutigine-qassaaq. Tassani aamma siunersiuinerup qulequtaa siunersiuinissamullu apeqqutit piaree-runik saqqummiunneqassapput.
Tamanut ammasumik siunersiuinerit pillugit apeqqutinut tunngatillugu Inatsisartut Allatto-qarfiat mailikkut ugguuna saaffigineqarsinnaavoq; inatsisartut@inatsisartut.gl.

 

Siunersiuinerup ingerlanneqarneranut malittarisassat Inatsisartut nittartagaanni uani nassaarineqarsinnaapput; ”Ataatsimiititaliat/Tamanut ammasumik siunersiuinerit”.

 

 

Paasisaqarnerujumalluni Sanaartornermut Ataatsimiititaliap Siulittaasua Kristian Jeremiassen oqarasuaatikkut ugguuna; +299 54 35 76 saaffigineqarsinnaavoq.