Nutaarsiassat


2021 2020 2019 Flere år...

27-04-2021

Immikkut ittumik ataatsimiinnermi IIA21-imi oqaluuserisassat Siulittaasoqarfimmit aalajangersarneqarput

Immikkut ittumik ataatsimiinnermi oqaluuserisassatut immikkoortut oqaluuserisassanut ilanngunneqarlutillu oqaluuserineqarnissaannik Naalakkersuisut qinnuteqarnerat tunngavigalugu Siulittaasoqarfiup aalajangerpaa immikkut ittumik ataatsimiittoqassasoq ullunik marlunnik sivisussusilimmik.

 

Immikkut ittumik ataatsimiinneq IIA21 aallartissaaq marlunngorneq ulloq 3. maj nal. 11.00 ulloq siulleq ataatsimiiffiussalluni, tallimanngornerlu ulloq 7. maj, aamma nal. 11.00 aallartilluni, ullut ataatsimiiffiusut aapparissallugu.

 

IIA2021-mut tunngatillugu atortussat tamarmik www.inatsisartut.gl-imi takuneqarsinnaapput.

 

Iluarsiisoqartillugu taakku ingerlaavartumik nittartakkami takuneqarsinnaassapput, taamaattorli suli aamma periarfissaqarluni atortussat tamaasa qarasaasiakkut pissarsiarisarnissaannut. Tamanna kissaatigigaanni Laila Kristiansen lkri@inatsisartut.gl attaveqarfigineqassaaq.

 

 

 

Inuulluaqqusillunga

 

Hans Enoksen

Inatsisartut Siulittaasuat