Nutaarsiassat


2020 2019 2018 Flere år...

13-10-2020

Naalakkersuisunit atortussat ujartorneqartut Kukkunersiuinermut Ataatsimiititaliamit tiguneqarput

Naalakkersuisunit atortussat nipisattassiissutit pillugit suliamut tunngassuteqartut siusinnerusukkut ujartorneqartut Kukkunersiuinermut Ataatsimiititaliamit tiguneqarput. Atortussat annertoorujussuit suli kalaallisuunngortillugit nutserneqanngimmata danskisuunngorlugit nassiunneqarallartut matumani pineqarput.

 

Atortussat misissorneqarnissaannut ataatsimiititaliaq suli piffissaqalinngilaq, minnerunngitsumik nalilersussallugu tamanna naammaginarnersoq, tamanna piffissami aggersumi pissaaq. Ataatsimiititaliamit kalaallisuunngortinneqarneri tiguneqartinnagit imarisai pillugit isummersinnaaneq naatsorsuutigineqanngilaq.

 

Torersumik pissuseqarnissaq eqqarsaatigalugu ataatsimiititaliamit oqaatigineqassaaq, ataatsimiititaliami sulineq sakkortusisamik nipangiussisussaatitaaffiummat, taamaammallu ataatsimiititaliaq atortussat nassiunneqartut imarisaat pillugit oqaaseqarsinnaanngilaq.

 

 

 

 

 

Erik Jensen

Kukkunersiuinermut Ataatsimiititaliamut Siulittaasoq