Nutaarsiassat


2020 2019 2018 Flere år...

16-08-2020

Nunanut Allanut Sillimaniarnermullu ataatsimiititaliap Naalakkersuisut Siulittaasuat aamma Nunanut Allanut Nukissiuuteqarnermullu Naalakkersuisoq Siunersiorpaat.

Nunanut Allanut Sillimaniarnermullu Ataatsimiititaliaq susassaqarfiminik malinnaaviginninnerminut atatillugu ulloq 16. August siunersiuiniarluni aggersaavoq. Nunanut Allanut Ataatsimiititaliap susassaqarfiminut malinnaaviginninnermini paasissutissat kingullerpaat pissariarinissai ujartortuaannarpai.

 

Nunanut Allanut Sillimaniarnermullu ataatsimiititaliap Naalakkersuisut Siulittaasuanik aamma Nunanut Allanut Nukissiuuteqarnermullu Naalakkersuisumik siunersiuinerminni paasissutissat tunniunneqartut tusaatissatut tiguai. Pissutsinik suliarinninnerminni suliassami ingerlatinnissaat ataatsimiititaliap qilanaaraa.

 

Namminersorluni Inatsisip,  Ilulissani isumaqatigiissutip, illersornissamut isumaqatigiissutip, Itillimi Nalunaarutip, Igalikumi isumaqatigiissutip aamma Ilulissani Nalunaarutip oqaasertaasa imarisaat ataatsimiititaliap sulinerani annertuumik aallaaviupput. Tamanna pissutigalugu taakkunani piumasaqaatit aamma sinaakkutit ataatsimiititaliap tamatigut atuutsinneqarnissaat eqqummaariffigiuarpai.

 

Issittup ilisarnaatai immitsinnut ataqqilluta inooqatigiinnissaq, inuiaqatigiillu akornanni eqqisseqatigiinnerup atajuarnissaasa ataatsimiititaliamit ujartorneqartuarneqassaaq.

 

 

Aleqa Hammond

Nunanut Allanut Sillimaniarnermullu ataatsimiititaliap siulittaasua

Paasissutissat annersut piniarneqarsinnaapput ataatsimiititaliap siulittaasua attavigalugu oqarasuaatikkut +299 49 23 09.