Nutaarsiassat


2020 2019 2018 Flere år...

14-08-2020

Kukkunersiuinermut ataaatsimiititaliaq ataatsimoorpoq

Naalakkersuisut nipisaat suaannik pisassiissutinik qaffaasimaneq kiisalu Naalakkersuisut
Siulittaasuata angallatiminik attartortitsisimanera pillugit ataatsimiititaliap suli
nalunaarummik inerniliussaqanngitsoq, tusagassiorfiit aqqutigalugit naammaginnigani
saqqummiussaqarneq kukkunersiuinermut ataatsimiititaliamit maluginiarneqarpoq.
Ilanngullugulu ataatsimiititaliami ilaasortani amerlanerussuteqartut nalunaarusiap
suliarineqarneranut kinguarsaasutut sunniiniartutullu pasillerneqarneranik
saqqummersitsiniaasoqarluni. Tamannalu eqqortuunngilaq.


Kukkunersiuinermut Ataatsimiititaliaq ataatsimoortoq nalunaarusiap suliallu
pingaartinneqarluinnartup torersumik, pitsaasumillu kiisalu piffissami qaninnerpaami
naammassineqarnissaanik ilimagineqartup suliarineqarnerani tunuliaqutaavoq.
Suliaqarnermi Inatsisartunut ilaasortanut ingerlatitseqqinnermi nalunaarusiap eqqortumik
tamakkiisumillu imaqartinneqarnissaa pingaartinneqarpoq.


Ataatsimiititaliamut pingaarluinnartuuvoq Kukkunersiuinermut Ataatsimiititaliap aamma uani
suliami Naalakkersuinikkullu attuumassuteqanngitsumik aammalu Naalakkersuinikkut
suliaqarfiusumi matumani arlaannaanulluunniit attuumassuteqanngitsumik sulinera
erseqqissaatigeqqissallugu, tassa inuttut naalakkersuinikkullu arlaannaanulluunniit
attuumassuteqanngitsumik.


Paasissutissanik annertunerusumik pissarsiniarnermi siulittaasoq taassumalu tullersortaa
oqarasuaatini ukunani pissarsiarineqarsinnaapput.:


Erik Jensen, Ataatsimiititaliami siulittaasoq: 53 04 08

 

Aqqa Samuelsen, Ataatsimiititaliami siulittaasup tulliua: 52 37 03