Nutaarsiassat


2020 2019 2018 Flere år...

15-06-2020

Inatsisartut Siulittaasuata Vivian Motzfeldtip ulloq 15. juni 2020 Maligassiuisoq Jakob Kruse sølviusumik Nersornaaserpaa, Hans Egedep Illuani Nuummiittumi

Jakob Kruse sølviusumik Nersornaaserneqarpoq, sivisuumik tunniusimallunilu Kalaallit Nunaata avannaani maligassiuisuusimanera pillugu.

 

Inatsisartut Siulittaasuata, Vivian Motzfeldtip Jakob Krusemut oqaaseqarnermini ilaatigut erseqqissarpai:

 

Niuertutut atuuffeqarit aqqutigalugu nunatta avannaani nunaqarfiit assigiinngitsut suliffigisimavatit, innuttaasut assigiinngitsut atugarissaarnissaat anguniarlugu sulilu ullumikkut 74-inik ukioqalereeraluarlutit nammineq piumassutsinnik inuiaqatigiit akornanni suliniuteqartuarnerit  ingerlallugu.

 

1978-imi Qaarsut innaallagissiorfittaartinniarneranni siuuttuusimavutit ukiullu 15-it missaanni elværkiutileqatigiinni sulisimallutit piffissap ilaani siulittaasuuffigisimasannik.  Aammattaaq Qaarsuni arnat suliassaqartikkumallugit mersortarfimmik pilersitsisimavutit, soorluttaaq nunaqarfimmi innuttaasut timikkut tarnikkullu peqqissusaat siuarsarniarlugu nunaqarfinni assigiinngitsuni timersoqatigiiffinnik pilersitsisarsimasutit.

 

Peqatigiiffilerinermi suliniutitit ilaatigut Sanningasoq Tungujortumi, Qimusseq’mi, KNAPP-mi, Mersortarfik Neriunnaq’mi Timersoqatigiiffimmi Kalaaleq’mi allanilu pisimapput, inuuninnilu aamma Niaqornani bygderådini ilaasortaasimavutit kiisalu ukiut 40-t sinnerlugit Uummannami Atuarfiup Siulersuisuini ilaasortaasimallutit – Ukiullu taakku iluanni ukiut 30-t missaat siulittaasuusimallutit.

 

Siulittaasoqarfik sinnerlugu

 

Vivian Motzfeldt

Inatsisartut Siulittaasuat