Nutaarsiassat


2019 2018 2017 Flere år...

21-10-2019

Nunat Avannarliit Killiit Siunnersuisoqatigiiffiata ukiumoortumik ataatsimiinnini Inatsisartut ataatsimiittarfianni siullermeerluni ingerlatissavaa

Nunat Avannarliit Killiit Siunnersuisoqatigiiffiat Islandip, Savalimmiut Kalaallit Nunaatalu akornanni suleqatigiiffeqarfiusoq 35-ssaanik ukiumoortumik ataatsimiinnini Nuummi Inatsisartut ataatsimiittarfianni siullermeerluni ingerlatissavaa.

 

Ukiumoortumik ataatsimiinneq ingerlanneqassaaq ulloq 22. oktoberimi nal. 10.00 – 17.00 aammalu ulloq 23. oktoberimi nal. 9.00 – 15.00.

 

Ataatsimiinnermik malinnaanissamik soqutiginnittut tamarmik immikkoortut ammasut oqaluuserineqarneranni inersuarmi ataatsimiinnerit isiginnaariarnissaannut tikilluaqqusaapput. Aammattaaq ukiumoortumik ataatsimiinneq ulluni taakkunani marlunni Inatsisartut nittartagaatigut www.ina.gl aallakaatinneqassaaq.

 

 

 

Inussiarnersumik inuulluaqqusillunga

 

 

Vivian Motzfeldt

 

 

 

Pisussatut pilersaarut