Nutaarsiassat


2019 2018 2017 Flere år...

16-03-2019

Inatsisartut Siulittaasuata Vivian Motzfeldtip ulloq 16. Marts 2019 Atorfilittaasimasoq, Oqallissaarisartuusimasoq, Suliniuteqartarsimasoq, Aqqutissiuussisarsimasorlu Peder Munk Pedersen, sølviusumik Nersornaaserpaa.

Inatsisartut Siulittaasuata Vivian Motzfeldtip ullumi ulloq 16. Marts 2019 Peder Munk Pedersen sølviusumik Nersornaaserpaa, Ålborgimi Polar Seafoodip Illuutaani.

 

Sølviusumik Nersornaasiinermut tunngavilersuutigineqarpoq piffissami sivisuumi tunniusimalluni nersortarialimmik Kalaallit Nunaanni aalisarnermik inuussutissarsiut Atorfilittatut, Oqallissaarisutut, Suliniuteqartutut, Aqqutissiussisartutullu siuarsarsimammagu.

 

Inatsisartut Siulittaasuata, Vivian Motzfeldtip Peder Munk Pedersenimut oqaaseqarnermini ilaatigut erseqqissarpai:

 

“Aalisarnerup iluani suliniutinik arlalissuarnik piviusunngortitseqataasimavutit, tamatumani ilaatigut aalisarneq pillugu saqqummersittakkamik Killingusaamik isumaginnittuusimallutit, aamma Sustainable Fisheries Greenlandimi killiliussat iluini Marine Stewardship Councilip (imartat pisuussutaannik nakkutilliineq pillugu siunnersuisoqatigiit) nunarsuarmut tamarmut atuuttumik nungusaataanngitsumik aqutsivigineqarluartumillu aalisarnermut najoqqutassiai malillugit Kalaallit Nunaanni raajarniarnerup uppernarsaaserneqarnera sulissutigisimavat. “

 

 

Siulittaasoqarfik sinnerlugu

 

Vivian Motzfeldt

Inatsisartut Siulittaasuat