Nutaarsiassat


2019 2018 2017 Flere år...

30-01-2019

Kukkunersiuinermut ataatsimiititaliap siunissami teknologi misissuataarpaat kukku-nersiuinermilu misilittakkanik nunani avannarlerni paarlaateqatigiillutik

Piffissami 28. januar - 1. februar Kukkunersiuinermut Ataatsimiititaliaq  paasisassarsiorluni Københavnimut Helsinkimullu angalassaaq. Pilersaarummut ilaapput ullut marluk Deloittemi isumasioqatigiinneq, Moderniseringsstyrelsimut pulaarneq, Danskit Naalagaaffimmi Kukkunersiuisuinik ataatsimeeqateqarneq kiisalu ulluni marlunni kukkunersiuinermut atatillugu Helsinkimi ataatsimiinnerit Nunat Avannarliit allat peqatigalugit. Ataatsimiititaliap teknologiip atorluarneqarnerulernissaata nukittorsarneqarnissaa aammalu Kalaallit Nunaanni kukkunersiuilluni inernernik atuinerup nukittorsarneqarnissaa Angalanerup siunertaraa.

 

Ullumikkut siunissamilu kukkunersiuilluni - aqutsinermilu atugassat teknologimut tunngassutillit Deloittep Inatsisartussatut kukkunersiuisuatut saqqummiutissavai. Digitaliseringimut tunngasuni anguniakkanut inernernullu aqutsinermut pisortat suliffeqarfiutaanni sullissinermi periutsit atugassat pineqarput. Kalaalit nunaat maannakkut atuutilersikkiartorneqartunik suleriuseqarpoq. Nutaanilli aamma siunissami qaninnerusumi sunniuteqarumaartunik pilersaarut imaqarpoq assersuutigalugu qarasaasiaq atorlugu ilisimasanik katersivik aamma “Blockchain-teknologi”.

 

Moderniseringsstyrelsemut pulaarnerminni oqartussani anguniakkanik inernernillu aqutsineq danskit misilittagaqarfigilersimasaat annerusumik ataatsimiititaliap paasisaqarfigissavaa.

 

Nunat Avannarliit allat peqatigalugit kukkunersiuinermi suleqatigiinnermut ataatsimiititaliaq peqataavoq. Suleqatigiinnerup imaraa ukiut allortarlugit ataatsimeeqatigiittarneq, tassanilu inatsisartut kukkunersiuisuisa ukiuni kingullerni misilittakkaminnik ilisimatitseqatigiittarput. Ataatsimiinnermi  nunani pineqartuni sulianik paarlaasseqatigiittarneq ilaavoq aammalu kukkunersiuinermi inernerusut qanoq atorneqartarnerat ilisimatitsissutigineqartarluni. Nunani avannarlerni kukkunersiuisunik ataatsimeeqateqartoqannginnerani Kukkunersiuinermut Ataatsimiititaliap Danskit kukkunersiuisui ataatsimeeqatigissallugit aalajangersimavoq eqqartorneqassallutik suleriaatsimi assigiissutit assigiinngissutillu aamma suliassanut kukkunersiugassanut takunnissinnaaneq. Kukkunersiuinermi Ataatsimiititaliamut Danskit naalagaaffimmi kukkunersiuisui assingupput.

 

Danskit nunallu avannarliit kukkunersiuisarnermi suleqatigiinneranni teknologiimik paasinnissinnaaneq aamma ilisimasanik katersisarnerat ataatsimiititaliap nunatta karsianik nakkutilliinermi suliaqarneranillu nukittorsaataangaatsiassaaq.

 

Sofia Geisler

Siulittaasup tullia, paasisassarsiorluni angalanermi siulittaasoq

 

Kukkunersiuinermut ataatsimiititaliaq pillugu paasissutissat annertunersut: https://ina.gl/udvalg/lovpligtige-og-staaende-udvalg/revisionsudvalg/om-revisionsudvalget/?lang=kl-mi pissarsiarineqarsinnaapput