Nutaarsiassat


2018 2017 2016 Flere år...

01-11-2018

Ulloq 11. november 2018-imi Århusimi kalaallinut ilinniagaqartunut suliffissanik nittarsaassinermut Inatsisartut Allattoqarfiat peqataassaaq

Danmarkimi ilinniagaqarnermik ingerlataqarpit nunatsinnilu suliffeqarfinni periarfissatit pillugit paasisaqarnissamik kissaateqarpit? Århusimi Radisson Blu Scandinaviami sapaammi ulloq 11. november 2018-imi Danmarkimi ilinniagaqartunut sammisumik Kalaallit Nunaata suliffissanik nittarsaassinerani periarfissaqalerputit.

 

Suliffissanik nittarsaassinermi Inatsisartut allattoqarfiat peqataatitaqassaaq. Matumani nunatsinni naalakkersuinikkut sulinermik ilisimasaqarluartunik pisariitsumik toqqaannartumillu  naapitaqarnissannut periarfissaqarlualerputit. Kalaallit Nunaanni inuiaqatigiit ilusilersorneqarneranni Inatsisartut pingaarutilimmik inissisimapput, Inatsisartullu Allattoqarfianni atorfilittut naalakkersuinermi suliaqarfiup qiterpiaani sulilernissannut  periarfissaqarluarputit.

 

Suliffissanik nittarsaassinermi AVALAK aamma naapinneqarsinnaavoq, assigiinngitsunillu pissanganartunik saqqummiisoqarlunilu oqallinnissamut periarfissiisoqassaaq. Ulloq 11. November piffissami nal. 9.00-imiit 17.00-imut suliffissanik nittarsaassinissami takunissat neriuutigaarput, paasissutissat pissanganartut aallaqqaataaniit pissarsiarinissaannut periarfissatsialak una pillugu ikinngutitit ilinniartoqatitillu ilisimatinnissaat eqqaamagiuk.

 

Suliffissanik nittarsaassineq pillugu paasissutissat amerlanerusut Facebookimi atuarsinnaavatit.