Nutaarsiassat


2018 2017 2016 Flere år...

10-09-2018

Naalakkersuisut Siulittaasuata mittarfissat pillugit Statsministerimik ataatsimeeqateqarnera pillugu Aningaasaqarnermut Akileraartarnermullu Ataatsimiititaliap Naalakkersuisut Siulittaasuannut allagai

Naalakkersuisut Siulittaasuat

Statsministerimik isumaqatiginninniarnerup naammassinissaa sioqqullugu ullumi nal. 11.30 siunersiuinissamut Naalakkersuisut Siulittaasuat Aningaasaqarnermut Akileraartarnermullu Ataatsimiititaliamit aggersarneqarpoq. Ataatsimiititaliamit kalerrisaarutigineqartutut piffis­saliussami siunersiorneqarnissamut periarfissaqarnani Naalakkersuisut Siulittaasuata paasis­su­tissiissutigaa. Nalinginnaasumik piffissaliunneqartartumit sivikinnerungaartumik piffissa­qar­titsilluni siunersiuinissamut aggequsineq pisoq ataatsimiititaliap ilisimaaraa. Tamatu­munngali tunngaviuvoq isumaqatigiissutip ullumi Naalakkersuisut Siulittaasuannit Stats­ministerimillu atsiorneqartussatut naatsorsuutigineqartup imarisaanik paasitinneqarnissaq ataatsimiititalia­mit kissaatigineqarmat. Isumaqatigiissutip ATSIORNEQANNGINNERANI paasissutissat taakku pissarsiarineqarnissaat ataatsimiititaliamut aalajangiisuulluinnarsima­voq. Isumaqati­giissutip atsiorneqannginnerani imarisaanut isummerfiginninnissamut periar­fissinneqanngin­neq ataatsimiititaliamit naammagineqanngilluinnarpoq. Taamaattumillu imarisaanik ataatsi­miititaliamut ilisimatitsisoqarsimatinnagu oqaaseqarfiginissaanullu pe­riarfissiisoqarsimatin­nagu isumaqatigiissut atsiorneqassanngitsoq ataatsimiititaliamit kaam­mattuutigineqarpoq. Ataatsimiititaliap akulilutsinneqannginnera suliassamut, mittarfissat pil­lugit inatsisissatut siunnersuummik ataatsimiititaliamut innersuussinikkut, Inatsisartunit su­liakkiunneqartumut ataqqinninnginnertut  taamaallaat paasineqarsinnaavoq. Ataatsimiitita­liaq isumaqatigiittoq sinnerlugu.

 

Inussiarnersumik inuulluaqqusillunga

 

Hermann Berthelsen

Aningaasaqarnermut Akileraartarnermullu Ataatsimiititaliap siulittaasua

 

Paasissutissanik allanik pissarsiniarluni Aningaasaqarnermut Akileraartarnermullu Ataatsimiititaliap Siulittaasuanut Hermann Berthelsenimut oqarasuaammut: +299 52 75 56-mut saaffiginnittoqarsinnaavoq.