Nutaarsiassat


2019 2018 2017 Flere år...

24-08-2011

Ilaqutariinnermut Ataatsimiititaliap aamma Nunami Namminermi Pissutsit pillugit Ataatsimiititaliap ilisimatitsissut

Ilaqutariinnermut Ataatsimiititaliap aammalu Nunami Namminermi Pissutsit pillugit Ataatsimiititaliap aallartitai Uummannap eqqaani aalisartut ajornartorsiutaat pillugit Naalakkersuisunut ilisimatitsissuteqarput

 

Qaasuitsup Kommuniani ulluni 4. - 12. augustimi paasisassarsiorluni angalanermut atatillugu Ilaqutariinnermut Ataatsimiititaliap aamma Nunami Namminermi Pissutsit pillugit Ataatsimiititaliap aallartitai pingasuusut KNAPK-p Qaarsuni immikkoortortaqarfianik ataatsimeeqateqarput.

 

Qaleralinnik tunisinerup 15. august 2011-mi unitsinneqarnera aatsaallu 2011-mi pisassiissutit sinneruttut ulloq 1. oktober tunniunneqarpata ammaqqinneqarnissaa Uummannap eqqani aalisartunut ajornartorsiortitsisoq ataatsimiinnermi immikkoortortaqarfimmit oqaatigineqarpoq. Silap maanna pitsaanerani umiatsiaararsornerup ulorianarsinnginnerani, tassa ukiap ukiullu anorersuisa aallartinnginneranni,  aalisarnermik ingerlatiinnarnissaa aalisartut kissaatigaat.

 

KNAPK-p Qaarsuni immikkoortortaqarfianik ataatsimeeqateqarnerup kingorna aalisartut kissaataat pillugit ataatsimiititaliat aallartitaasa pingasut Naalakkersuisut ilisimatippaat.

 

 

Inussiarnersumik inuulluaqqusilluta

 

Ruth Heilmann, Ilaqutariinnermut Ataatsimiititaliamut ilaasortaq

Kristian Jeremiassen, Nunami Namminermi Pissutsit pillugit Ataatsimiititaliamut ilaasortaq

Storm Ludvigsen, Nunami Namminermi Pissutsit pillugit Ataatsimiititaliamut ilaasortaq

 

 

Paasissutissat annertunerusut aallartitatut ilaasunut attaveqarnikkut pissarsiarineqarsinnaapput:

Ruth Heilmann tlf. 52 08 05

Kristian Jeremiassen tlf. 54 06 94

Storm Ludvigsen tlf. 55 81 32