Nutaarsiassat


2019 2018 2017 Flere år...

01-08-2011

Familieudvalget og Indenlandsudvalget på orienteringsbesøg i Qaasuitsup Kommunia

Ilaqutariinnermut ataatsimiititaliaq aamma Nunami namminermi pissutsit pillugit ataatsimiititaliaq ulluni  4. -12. august Qaasuitsup Kommunianut paasisassarsiorlutik angalassapput. 

 

Angalanermi siunertaavoq tikeraarfinni pissutsit pillugit ataatsimiititaliat ilisimatinneqarnissaat, aamma naalakkersuinikkut ingerlatsisunik, nunaqarfinni aqutsisunik kommuninilu ingerlatsivinnik ataatsimeeqateqartoqassaaq, taamaalilluni immikkut ilaqutaariinnermut pissutsini maleruagassat atuuttut kommunimit aamma nunaqarfinni aqutsisunit ingerlanneqarnerat allaffissornikkulu isumagineqarnerat pillugu ataatsimiititaliat ilisimatinneqassammata, tamatumanittaaq pineqarlutik meeqqat, inuusuttut, innarluutillit suliffissarsiortullu.

 

Taamaaliornikkut kommunip illoqarfiisa ilaani allaffissornikkut aqutsineq aamma inuuniarnermi atugassarititat pillugit kommunimit aamma kommunimi innuttaasunit paasissutissanik pingaarutilinnik ataatsimiititaliat katersisinnaapput. Ataatsimiititaliat salliutillugu namminneq suliassaqarfigisaminni paasisassarsiussapput, taamaalilluni inatsisiliorluni sulinermut aningaasanullu inatsisissamut atatillugu paasisat taakku iluaqutaallutik tigussaasumik atorneqarsinnaallutik.

 

Ataatsimiititaliat paasisassarsiorluni angalanermi suliffeqarfiit pisortanit isumagineqartut assigiinngitsut pulaassavaat, taamaaliornikkullu suliffeqarfinni pisortanit isumagineqartuni sulisut atuisullu oqaloqatiginissaat periarfissaassaaq, taamaalilluni atugaat ulluinnarnilu nalaattagaat paasisaqarfigineqarsinnaassammata. 

 

Ilulissanut, Qeqertarsuarmut, Uummannamut Uummannallu eqqaani nunaqarfinnut paasissarsiorluni angalaanissamut sivikikkaluamik piffissaliilluni Qaasuitsup Kommuniata pisussanik pilersaarummik ataqatigiissaarisinnaaneranut Ataatsimiititaliaq qujamasuppoq.

 

Sisamanngornermi ulloq 4. august Ilulissat tikeraarneqassapput.

Tallimanngornermi ulloq 5. august Qeqertarsuaq tikeraarneqassaaq.

Arfinngornermi ulloq 6. august ataatsimiititaliat Uummannamut tikissapput.

Ataasinngornermi ulloq 8. august Ikerasak, Saattut aamma Ukkusissat tikeraarneqassapput.

Marlunngornermi ulloq 9. august Nuugaatsiaq aamma Illorsuit tikeraarneqassapput.

Pingasunngornermi ulloq 10. august Niaqornat aamma Qaarsut tikeraarneqassapput.

Sisamanngornermi ulloq 11. august Uummannami suliffeqarfiit assigiinngitsut pulaarneqassapput.

 

Sisamanngornermi ulloq 11. august nal. 19.00 Uummannami atuarfiup inersuaani innuttaasunik ataatsimiititsisoqassaaq, tamatumani nuna tamakkerlugu naalakkersuinikkut ingerlatsisunut apeqquteqarnissaq aamma periarfissaassaaq.

 

Inatsisartunit naalakkersuinikkut ingerlatsisut uku peqataassapput:

 

Ilaqutariinnermut ataatsimiititaliamit:        Nunami namminermi pissutsit pill. ataatsimiititaliamit:

Jane Petersen (Siul. Tullia)(IA)                Kristian Jeremiassen (S)

Aleqa Hammond (S)                                Storm Ludvigsen (IA)

Ruth Heilmann (S)                                  

 

Paasisassarsiorluni angalanermi tikeraarfissanut ataasiakkaannut pisussanut pilersaarut sukumiinerusoq uani takuneqarsinnaavoq www.qaasuitsup.gl.

 

Paasissutissat sukumiinerusut angalaqataasimasunut saaffiginnilluni pissarsiarineqarsinnaapput:

Jane Petersen oq. 58 74 10

Aleqa Hammond oq. 49 23 09 eller 32 33 33

Ruth Heilmann oq. 52 08 05

Kristian Jeremiassen oq. 54 06 94

Storm Ludvigsen oq. 55 81 32