Nutaarsiassat


2019 2018 2017 Flere år...

18-04-2011

Nikolaj Ludvigsenimik Nersornaammik sølviusumik nersornaasiineq

Inatsisartut Siulittaasuata ulloq 18. marts 2011 Nanortalimmi nalliuttorsiorpalaartumik katerisimaanermi Nikolaj Ludvigsen Nersornaammik sølviusumik nersornaaserpaa.

 

Siulittaasoqarfiup Nikolaj Ludvigsen Nersornaammik nersornaaserpaa piffissami sivisuumi annertuumillu inuiaqatigiinni oqallittarnerni  pingaaruteqartumik peqataasarnera tunngavilersuutigalugu.

 

Siulittaasup Nikolaj Ludvigsenimut oqalugiiaammini uku pingaartillugit oqaatigai:

 

"Ukiorpassuarni Nanortalimmi Borgmesteriunikuuvutit atuisartullu siunnersuisoqatigiiffianni siulittaasuunikuullutit, atorfiillu taakku marluk inuiaqatigiinni oqalliseqataanissamik pisariaqartitsiviupput, aammalu ersarisumik ilisarnartumillu nipeqarlutit piffissap ingerlanerani oqalliseqataasarputit.

Inuiaqatigiinnilu oqalliseqataasarnikkut nunap kujasinnerusortaanik nunap sinnerani ersarinnerulersitsisimanerit qularutissaanngilaq. Politikkimik suliaqarninni illoqarfiup ineriartornissaa qasusuillutit suliniutigiuarsimavat, ilaatigullu oqalliseqataaninni Nanortaliup inissisimanera nunap qeqqanut nuuttarnikuullugu.

 

Kingullermik napparsimavimmut scannerimik aningaasanik katersiniarneq siuttuuffigaat, oqaatigineqartullu naapertorlugit aaviinnermi nappaatinillu suussusersiniaarnermi peqqissaavimmut taanna iluaqutaaqaaq, scannerissamullu katersuiniarnermi aningaasat sinneruttut Neriuffinnut tunissutigineqarlutik."

 

Oqalugiaat 

 

Josef Motzfeldt

Inatsisartut Siulittaasuat

 

Paasissutissanik annertunerusunik pissarsisoqarsinnaavoq Inatsisartut Siulittaasuat Josef Motzfeldt attaveqarfigalugu mobilikkut 55 76 41.