Nutaarsiassat


2019 2018 2017 Flere år...

05-04-2011

Namminersorlutik Oqartussat allaffeqarfianni ulorianartumik oqoqarneranik pasitsaassineq tunngavigalugu Inatsisartut Siulittaasoqarfiat ullumi tuaviortumik ataatsimiippoq

Inatsisartut Siulittaasoqarfiat ullumi tuaviortumik ataatsimiippoq Namminersorlutik Oqartussat allaffeqarfissuata pisoqaanersaata ilaata, ilaatigut Inatsisartut Allattoqarfiata 1. saliata Inatsisartullu ataatsimiittarfiata, oqummit saassunneqarsimasinnaanerannik pasitsaassinermik Sullivinnik Nakkutilliisoqarfimmit nalunaaruteqartoqarnera tunngavigalugu. Inatsisartut allaffeqarfianni quleriit alliit (partiit allaffeqarfii) pasitsissaassinermut ilaatinneqanngillat taamaattumillu atorneqaannarsinnaallutik.

Tamanna tunngavigalugu Inatsisartut Siulittaasoqarfiata aalajangerpaa sapaatip akunnerani uani Inatsisartuni ataatsimiinnissaat tamaasa unitsikkallarniarlugit, tamatumunngalu peqatigitillugu upernaakkut ataatsimiinnerup naammassineqarnissaanut periarfissat sukumiinerusumik misissorniarlugit.

Paasissutissat sukumiinerusut Inatsisartut Allattaanerannut Ellen Kolby Chemnitz angallattagaq 48 43 03 saaffiginnilluni pissarsiarineqarsinnaapput.