Nutaarsiassat


2019 2018 2017 Flere år...

31-03-2011

Tusagassiorfinnut nalunaarut

Suliat arlallit ataatsimiititaliap sulineranik innuttaasut paasisaqarnissaannut soqutiginarsinnaasut Nunanut Allanut Sillimaniarnermullu Ataatsimiititaliamit ullumi oqaluuserineqarput. Tamanna pivoq piffissami kingullermi tusagassiorfinni tamanut ammasumik akerleriinnerup kingorna.

 

Ataatsimiititaliap siulittaasuata oqaatigissavaa ataatsimiititaliap sulinerani nipangiussisussaatitaaneq, ataatsimiititaliamut ilaasortanit tamanit akuersaarneqarlunilu ataqqineqartoq unioqqutinneqarsimanngitsoq ataatsimiititaliaq ersarilluinnartumik isumaqarmat. Tamanna pillugu tusagassiorfinni piffissami kingulermi eqqartorneqartoq paatsuuinermik aallaaveqarpoq. Ataatsimiititaliamut ilaasortap ilaata, Aleqa Hammondip nipangiussisussaanerminik unioqqutitsisimasutut tusagassiorfinnit tunngavissaqanngilluinnartumik eqqartorneqarnera ataatsimiititaliap siulittaasuanit ajuusaarnartutut isigineqarpoq.

  

 

Ataatsimiititaliaq sinnerlugu

 

Justus Hansen

Siulittaasoq