Nutaarsiassat


2019 2018 2017 Flere år...

17-10-2011

Kinguaassiuutitigut atornerlunneqarsimasut pillugit aalajangiussassatut siunnersuut aalajangiunneqartoq pillugu malitseqartitsilluni iliuuseqarnermut tunngatillugu Qanorooq-mit nalunaarutigineqartumut Ilaqutariinnermut Peqqissutsimullu Ataatsimiititaliap ilaasortaanit amerlanerussuteqartunit ilumuunnginneraaneq

Sisamanngorneq 13. oktober 2011 Qanorooq saqqummiussivoq Ilaqutariinnermut Ataatsimiititaliaq aalajangiussassatut siunnersuutit UKA 2009/37 aamma UKA 2009/49 inunnik kinguaassiuutimikkut atornerlunneqarsimasunut sullissivimmik pilersitsisoqarnissaanut tunngassuteqartut aalajangiunneqarnerat pillugu malitseqartitsisumik iliuuseqarnissamut tunngatillugu nassuiaateqartoqarnissaanik Ilaqutariinnermut Ataatsimiititaliaq neriorsorneqarsimasoq.

 

Ataatsimiititaliap nassuiaammik tunineqarnissamik neriorsorneqarsimaneragaanera ilumuunngilaq. 2009-mi ukiakkut ataatsimiinnerni siunnersuutinut pineqartunut naalakkersuisut akissutaanni, Inatsisartut nittartagaanni takuneqarsinnaasutut Ilaqutariinnermut Ataatsimiititaliapilisimatitsissummiktunineqarnissaa neriorsuutigineqarsimasoq allassimavoq, tamannalu pissasoq kingusinnerpaamik 1. juni 2010. Siunnersuutit aappassaaneerneqarnerannit naalakkersuisut akissutaanni taaneqartut uku issuarneqassapput:

 

"Ilaqutariinnermut Ataatsimiititaliap isumaliutissiissutaanut soqutigeqalugu atuakkannut tunngatillugu ilisimatitsissutigisinnaavara Ilaqutariinnermut Ataatsimiititaliap kissaatigisaatut kinguaassiuutimikkut atornerlugaasimasunik katsorsaasarneq sukumiinerulersinniarlugu pineqartumut qanoq aningaasaliisoqartiginissaa pillugu Isumaginninnermut Naalakkersuisoqarfik kingusinnerpaamik 1. juni 2010-mi ilisimatitsissummik ataatsimiitsitaliamut tunniussissammat.

 

Ilisimatitsissut aammattaaq meeqqat illuannik pilersitsinissamut ilusissap katsorsaavimmi qanoq ilanngunneqarnissaanut imaqassaaq, tassunga ilanngullugu qulakkerniarneqassaaq inuit Nuup avataani najugallit katsorsarneqarnissamut qanoq qularnaarneqassanersut siunnersuutinik imaqassalluni."

 

Ilaqutariinnermut Ataatsimiititaliaq ulloq 4. maj 2010 periusissaqMeeraanermi toqqissisimaneq 2010ilisimatitsissutissatut tiguaat.TaannaAtaatsimiititaliap ataatsimiinnerani ulloq 7. maj 2010-mi saqqummiunneqarpoq, tusaatissatullu tiguneqarluni. PeriusissamiMeeraanermi toqqissisimaneq 2010-mi,kinguuaassiuutitigut atornerlugaasimasut pillugit suliniutit kiisalu 2010-mi pingaarnersiuilluni suliniutit allattorsimapput.

 

Erseqqissaatigineqassaaq Ilaqutariinnermut Peqqissutsimullu ataatsimiititaliami ilaasortat Siumumeersut aamma Atassummeersut tusagassiutinut nalunaarummut akuersaanngimmata.

 

 

Paasissutissat allat pillugit Ilaqutariinnermut Peqqissutsimullu ataatsimiititaliap siulittaasua Olga P. Berthelsen uunga attavigineqarsinnaavoq mobil 55 33 68.