Aningaasarsiaqartitsineq pillugu Siunnersuisoqatigiit (Aningaasarsiaqartitsinermut Siunnersuisoqatigiit)


Kalaallit Nunaanni Namminersornerullutik Oqartussani kommuninilu tjenestemandit pillugit Inatsisartut inatsisissaat nr. 21, 18. december 2003-imeersoq § 52 naapertorlugu Aningaasarsiaqartitsineq pillugu Siunnersuisoqatigiit pilersinneqartarpoq.

 

Aningaasarsiaqartitsinermut Siunnersuisoqatigiit 15-inik ilaasortaqartarpoq. Siulittaasup tullia siulittaasoq peqataanissamut periarfissaqartinnagu taasinermi aatsaat peqataasinnaavoq.

 

Naalakkersuisut toqqartarpaat:

Siulittaasoq

Siulittaasup tullia

Ilaasortat marluk Kalaallit Nunaanni Namminersorlutik Oqartussat aamma Kalaallit Nunaanni Kommunit Kattuffiata aqutsisoqarfianit sinniisuutitaasut

Kattuffissuit § 51 naapertorlugu inassuteqarnerisigut sisamat sinniisuutitaassapput. Kattuffissuit inassuteqarnerisigut Kattuffiit sinniisuutitaqassapput. Kalaallit Nunaanni Kommunit Kattuffiata inassuteqarneratigut Kalaallit Nunaanni Kommunit Kattuffiata aqutsisoqarfiat sinniisuutitaqassapput.

Kalaallit Nunaanni Kommunit Kattuffiata inassuteqarneratigut Kalaallit Nunaanni Kommunit Kattuffiata siulersuisui imaluunniit kommunalbestyrelsi ataaseq katillugu marlunnik sinniisuutitaqassapput.

 

Ilaasortanut sinniisussanik toqqaasoqassaaq.

 

Inatsisartut akunnerminni qinissavaat:

ilaasortat tallimat sinniisussallu tallimat

 

Qinigaaffik

Ilaasortat sinniisussallu Inatsisartut qinigaaffiat malitaraat. Qinigaaffimmi Inatsisartunut ilaasortat sinniisussaallu Inatsisartunit tunuassagaluarunik Aningaasarsiaqartitsinermut Siunnersuisoqatigiinnit aamma tunuassapput.

 

Inatsisartut qinersisoqarnerata kingorna inissitsiterlutik ataatsimiinnerminni ilaasortat tallimat sinniisussallu tallimat akunnerminni qinissavaat. Qinigaaffimmi pisariaqartinneqalissappat Inatsisartut Aningaasarsiaqartitsinermut Siunnersuisoqatigiinnut ilassutitut qinersissapput.

 

Saaffissaq: 

Aqutsinermut Pisortaqarfik, Postboks 1039, 3900 Nuuk, oqarasuaat 34 50 00

login