Kalaallit Nunaanni Atuisartunut Pisisartunullu Siunnersuisoqatigiit


Tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliaq pillugit Inatsisartut inatsisaat nr. 10, 13. november 1986-imeersoq naapertorlugu Kalaallit Nunaanni Atuisartunut Pisisartunullu Siunnersuisoqatigiit pilersinneqarpoq.

 

Atuisartunut Pisisartunullu Siunnersuisoqatigiit suliassaraat:

akigititat niuernermilu piumasarisat sualuppallaartut akornuserniarnissaat,

sulissussinissaq atuisartut pisisartullu ilisimasaqarnerulersinniarlugit paasisitsiniaanikkut pissutsinik, atuisartut pisisartullu nioqqutissanik sullissinernillu qanoq issusersiuisinnaanissaannut pingaaruteqartunik, paasisitsiniaanikkullu atuisartut pisisartullu pisinnaatitaanikkut inissisimanerat pillugu,

inuutissarsiutinik ingerlatsinerup tungaanut atuisartunut pisisartunullu politikkikkut isummiussanik, pisortat oqartussaatitaannut Inatsisartunullu saqqummiussisarnissaq,

siunnersortassallugit kommunikkuutaartumik atuisartunut pisisartunullu tunngasumik ataatsimiititaliat, suliarisassallugillu suliassat, taakkunannga siunnersuisoqatigiinnut saqqummiunneqartut.

 

Akinik iluanaarutinillu nioqqutissat aalajangersimasut nioqquteqarfiillu aalajangersimasut iluanni Atuisartunut Pisisartunullu Siunnersuisoqatigiit misissuisitsisinnaapput Atuisartunut Pisisartunullu Siunnersuisoqatigiit ukiumut pingasoriarlutik atuisartunut pisisartunullu atuagassiaq  "Atuisoq" saqqummersittarpaat.

 

Atuisartunut Pisisartunullu Siunnersuisoqatigiit allattoqarfiat Atuisartunut siunnersuisoqatigiit allattoqarfiannit isumagineqarpoq. Sulinerminnut najoqqutassatik Atuisartunut Pisisartunullu Siunnersuisoqatigiit nammineerlutik aalajangersartarpaat.

 

Kalaallit Nunaanni Atuisartunut Pisisartunullu Siunnersuisoqatigiit arfineq marlunnik ilaasortaqarput. Ilaasortat pingasut Inatsisartunit toqqarneqassapput. Kattuffiit uku tamarmik immikkut ilaasortamik ataatsimik toqqaassapput: Kalaallit Nunaanni Kommuneqarfiit Kattuffiat, KNAPK, SIK aamma Kalaallit Nunaanni arnat peqatigiiffii assigiinngitsut ataatsimut. Ilaasortanut tamanut immikkut sinniisussaq ataaseq toqqarneqartassaaq.

 

Piffissaq qinigaaffik:

Ilaasortat sinniisussallu ukiuni sisamanut qinerneqartarput, siunnersuisoqatigiillu maannakkorpiaq 1. januar 2015-miit 31. december 2018-ip tungaanut qinikkatut atuutissapput.

 

Atuisartunut Pisisartunullu Siunnersuisoqatigiinni ilaasortanik pingasunik sinniisussannillu pingasunik IS 2014-mi Inatsisartut toqqaapput, atuutissapullu 1. januar 2015-imiit 31. december 2018-mut.

 

Ilaasortat akornannit siulittaasumik siulittaasullu tullianik Siunnersuisoqatigiit nammineerlutik qinersissapput.

 

Saaffigisassaq:

Ataatsimut Allattoqarfik, Postboks 689, 3900 Nuuk, telefon: 32 80 33, telefax: 32 78 50. Imaneq 27, ini qulleq., E-mail: atuisoq@greennet.gl

 

Atuisartunut Pisisartullu Siunnersuisoqatigiit nittartagaat: 

www.atuisoq.gl

login