Kalaallit Nunaata Eqqartuussiviani eqqartuusseqataasartut


Eqqartuusseqataasartut pillugit malittarisassat Kalaallit Nunaanni eqqartuussisarnermi inatsisini §-it 35-miit 53-mut takuneqarsinnaapput. (Inatsit nr. 305. 30. april 2008-soq):

Sumiiffikkaartumik eqqartuussivinni tamani, Kalaallit Nunaanni eqqartuussivimmi aamma Nunatta eqqartuussiviani eqqartuusseqataasartunik amerlassusaat aalajangersimasunik toqqaasoqassaaq. Sumiiffikkaartumik eqqartuussivinni aamma kalaallit Nunaanni eqqartuussivimmi eqqartuusseqataasartussat kalaallit Nunaata eqqartuussiviani eqqartuussisumit amerlassusilerneqassapput. Nunatta eqqartuussiviani eqqartuusseqataasartussat Nunatta eqqartuussisuuneranit amerlassusilerneqassapput. Amerlassutsinik aalajangiineq imaassaaq, eqqartuusseqataasartussat ukiumut 4-riarlutik eqqartuusseqataasinnaanissartik ilimasariaqassallugu.  


Eqqartuussivinni eqqartuusseqataasartut Kalaallit Nunaanni eqqartuussisup innersuussinera tunngavigalugu  kommunalbestyrelsimit toqqarneqassaput. 


Kalaallit Nunaanni eqqartuussivinni nunattalu eqqartuussiviani eqqartuusseqataasartut kalaallit Nunaani eqqartuussisumit kiisalu nunatta eqqartuussisuuneranit innersuussineq tunngavigalugu inatsisartunit toqqarneqassaput.


Kinaluunniit pisinnaatitaasoq tusaamanerlungaanngitsorlu eqqartuusseqataasartussatut toqqarneqarsinnaavoq. Pineqartoq piffissami eqqartuusseqataasartutut toqqarneqarsimanermini 70-nik ukioqalertussaassanngilaq aammalu eqqartusseqataasartutut atuunnermi timikkut tarnikkullu eqqartuusseqataasartussatut nukittussuseqassalluni.  


Makkua eqqartuusseqataasartussatut toqqagaasinnaanngillat:

Naalakkersuisunut ilaasortat, advokatit, advokatfuldmægtigit, illersuisutut tiguinnakkat, Namminersorlutik Oqartussani  qaffasissumik atorfillit, Eqqartuussivinni atorfillit, unnersuussisussaatitaasutut atorfillit,  rigsombudsmandeqarfimmi, politiqarfimmi aamma pinerluuuteqarsimasuni isumaginnittoqarfinni atorfeqartut kiisalu nunaqarfinni kommunefogedit ilagiinnilu suliaqartut.   


Makkua eqqartuusseqataasartussatut toqqagaanermut akuersinnginnissamut pisinnaapput:

Inatsisartunut ilaasortat, atorfilittat inatsisartunut sullissisut, Folketingimi ilaasortat, sakkutuut atorfimminnut atatillugu suliaqartut, nakorsat  aamma juumuut 60-nik ukioqalersimasut peqqissuseq, inuussutissarsiorneq imaluunniit ilaqutariissutsit tunngavigalugit eqqarsuusseqataasartutut sullissinermi naammassinnissinnanngitsut.  Ilanngullugulu inuit eqqartuusseqataasartussatut toqqagaaffimmiit allamut nuussimasut suliamut toqqagaannginnissamut qinnuteqarsinnaatitaapput.  

Inuit toqqarneqartut allakkatigut toqqagaaneq pillugu nalunaarfigineqassapput ilisimatinneqarlutillu tamatumunnga akerliusinnaatitaallutik.

 

Nunatta eqqartuussisuunerata aalajangissavaa inuk toqqarneqartoq eqqartuusseqataasartussatut naleqquttuunersoq aammali suliamut tigusinnginnissamut qinnuteqarnerit akuerineqassanersoq. Aalajangiineq naammagittaalliuutigineqarsinnaanngilaq.

 

Eqqartuusseqataasartoq nalunaaqqaarani suliamut suliarinneqataasussatut toqqagaaffimminut takutinngitsooruni, pinerluttaalisitsinermut inatsisit tunngavigalugit pineqaatissinneqarsinnaavoq.

 

Qinigaaffittut piffissaritinneqartoq

Eqqartuusseqataasartut ukiut sisamakkaarlugit toqqarneqartarput, 1. Januar-imiit naatsorsuutigineqartarluni. Tamanna piffissap iluani Inatsisartunut qinersinermik nutaamik tunngaveqanngitsumik.

 

Tulliani Inatsisartut eqqartuusseqataasartunik toqqaassapput 2017-mi ukiaanerani ataatsimiinnermut atatillugu, tassani eqqartuusseqataasartut piffissami 1. januar 2018-miit 31. december 2021-mut toqqarneqassallutik.

login