Inatsisartut tulliani ataatsimiinnissaat


Inatsisartut Ukiakkut Ataatsimiinnissaat:

 

Ileqquusumik 2018-imi Ukiakkut Ataatsimiinnerup UKA 2018-ip tallimanngornermi ulloq 28. september 2018 aallartilluni ingerlanneqassaaq.

 

2018-imi Ukiakkut Ataatsimiinnermut oqaluuserisassanut siunnersuutinik ilanngunneqaqqusanik tunniussinissamut killigititaq taamaalilluni tassaassaaq tallimanngorneq ulloq 24. august 2018.

 

UKA2018-ip taama kingusitsigisukkut aallartinnissaa ilaatigut tunngaveqarpoq Nunat Avannarliit Siunnersuisoqatigiiffiat Nuummi ataatsimiittussaammat.

 

Ataatsimiinnissamut siunnersuutit tamarmik piffissaq taaneqartoq nallertinnagu ilusissamittut ilusilerneqarsimallutik kalaallisut danskisullu tunniunneqareersimassapput. Piffissap taamaalinerani siunnersuutit kalaallisut danskisullu ilusissamittut ilusilerneqarlutik tunniunneqarsinnaanngippata tunniussivissap taassuma qaangerneqarnissaanut Inatsisartut Siulittaasoqarfiat kisimi akuersisinnaatitaavoq. Taamatut immikkut akuersineq aatsaat pisariaqavilluinnartillugu pisinnaassasoq naatsorsuutigineqartariaqarpoq.